METHU 26:41 - NITI GONTU N.T. (BSI)

⁴¹ Hurola duto ho kuto nunuko tenkalarka ahma yapa; yajiyallo si tasu dope hensu do, hojalo asiialyo sike ajju donii.”

METHU 26:41 ပူးပေါင်းရင်းမြစ်များ

LUK KA AYAPUYU 22:46

ho mo mohlumi lutii, “Niimpa nunu imi la do? Gurito ho kuto nunu tenkalarka ho huhi madopa.”

MAK KA AYAPUYU 14:38

Hurola duto ho kuto nunuko tenkalarka ahma yapa; yajiyallo si tasu dope hensu do, hojalo asiialyo sike ajju donii.”

IPISIA 6:18

Kiirañ kuto lya Yajiyallo ho, hikha kuniiñ ho arohtapa paka kuniiñ agiñho. Kami lyihepa pigii biidola alḛrpa datolya, hikha piniimiyu atañpa arohtapa kubi tolyo,

METHU 6:13

Ho tenkalarka ho ngunumi aliiyo, hojalo ayamanii hokii ngunumi tupyape.

LUK KA AYAPUYU 21:36

Hojalo hikha myodu mi katolya, kula dotolya nunuko alḛr dopa hikha siika drih lyiniiñ atañ hokii impo biila dopa, ho miyu ka Oho ka hataho dala dopa.”

MIHUKAKIÑNIIÑ 16:15

(“Kato, ngo diipyo nii hiilyañ ahchi! Lyanko kendo hii huna hurola dunii, mohka tariimi hendila mo ara pa imma dopa ho mihlo kapa koma dopa!”)

1 KORINTIA 16:13

Hendila datolya, nunuka henje ho alḛrpa datolya, harotolya, tamo tolya.

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

1 KORINTIA 10:13

Hang tenkalarka hii nunumi hamelokiñ make niihna miyuatañ koka amayanii. Pinii lotiike, ho mo nunumi tenkalarka kiine kemake nunuka dagii lasa manii hokii, hojalo tenkalarka ka agiñho lembo tiirḛ pabi kendoke hargii kopa, niimpalukoda nunumi hiimi pigii ladopa.

2 PITAR 2:9

ho Attoh chindu niitañpana tupya kendonii piniimiyu atañmi tenka nii hokii, ho ingyamiigya miyu atañmi atii biidu miikhiiñ dupa ayakacho kalyi allo lohepa,

METHU 24:42

Hopa hendila dato, niimpalukoda nunu chimake nii allo ho niika Attoh ahkiñdo.

MIHUKAKIÑNIIÑ 3:10

Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.

1 PITAR 4:7

Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

LUK KA AYAPUYU 22:40

Ho mo hiikoho ahchi biila mo mohlumi lutii, “Kuto niimpalukoda nunu tenkalarka ho huhi madopa.”

GELESIA 5:24

Ho hutiina Kristo Jisu kiinii hiika hii asiialyo ka agiñho ledalala mentii ku helyihembyo la hemikami mi.

1 KORINTIA 9:27

hojalo ngo ngiika apo mi uro yapa kiisudu ho hiimi kiimya losudu, niimpalukoda mihmi tonsḛr khenyo lala ngo atoh ya piigo ama dadii la hiila.

METHU 25:13

Hopa hendila dato, niimpalukoda nunu chimake allo mi ho myodu mitrḛ.

METHU 26:38

Ho mo mohlumi lutii, “Ngiika yallosi hempḛr herudo, siida tado niihtañ do; so dulya tolya, ho ngiika agiñho hurola dulyato.”

ROM MIKA POL KA SIITI KENIIÑ 8:3

Niimpalukoda Pinii miitiiku dapo ka miila manii mi, asiialyo loka ajju giiniiñ mi: mohka atoh Oho mi ingyamiigya ka asiialyo kapupa ho ingyamiigya pa kiiniñ bilala, mo asiialyoho ingyamiigya mi khiiliitii,

LUK KA AYAPUYU 11:4

ho ngunuka ingyamiigya mi hello kupe, niimpalukoda ngunu tiirḛ hellodu kone abimi huna ngunumi miigya dunii; ho tenkalarka ho ngunumi aliiyo.”

LUK KA AYAPUYU 8:13

Ho yalañ hoka chohanii atañ hiika atañke, mohlu aguñ mika tapa lyiho, hempyo biidola tage nyadu; hojalo hii liima giima, mohlu ichuche henje henka lala ho tenkalarka ahlyiho giihi dadu.