METHU 26:39 - NITI GONTU N.T. (BSI)

³⁹ Ho ichuche ahhila mo kiiddi ho chukila ho kutii, “Ngiika Aba, miila kendo milo, siika turla siimi ngiimi impo biike nentope, hojalopa, ngiika hengko homapa, niika hengko hotiika.”

METHU 26:39 ပူးပေါင်းရင်းမြစ်များ

JON KA AYAPUYU 6:38

Niimpalukoda ngo dariiganda hokii todu, ngiika henko miipama, hojalo mohka henko huna ngiimi kiiniñ tiinii;

PILIPIA 2:8

Ho miyu pa lyisutii, mo atohmi atu miisu lala denki loda luniiñ tatii shiihi menda hemi, pogyañ lohepaka leda laka shiisa niimi.

METHU 26:42

Hiira, ronye niipa, mo ahkula ho kutii, Ngiika Aba, siika heru hensa niisi mi ngo hemapa lyila kema milo niika henko ho lyida kiineto.

HIBRU 5:7

Mohka kiiddiapiñ soka darañho, Jisu kubitii ho arohtapa pa kutii, hempḛr goropa mila lila khebiidola, hiimi huna mohmi shiiniiñ hokii lyangur lakiñ donii, ho mohkiimi tagetii mohka piniihenju biiso giiko hopa.

JON KA AYAPUYU 5:30

“Ngo ngiika atoh otority lo hang miila kema, ngo niihtañpa tapado, ngo hiitañpa ayakacho kadu; ho ngiika ayakacho kaniiñ hii kadikoke, niimpalukoda ngo ngiika henko ho mema hojalo mohka henkoho huna ngiimi kiiniñ tiinii

JON KA AYAPUYU 14:31

hojalo Aba ngiimi nii miito ludo hiimi siike ngo miisu dunii, niimpalukoda dohadolo mi chinke nendupa ngo Aba mi hendo hiila. Gurito, kiije ngunu insa.

JON KA AYAPUYU 18:11

Jisu Pitar mi lutii, “Niika ilyo mi hiika hubyu ho hiilii giito ku; ngo ngiika Aba ka turla biniiñ mi takiñma ehna?”

JON KA AYAPUYU 11:41

Hopa mohlu yalañ mi giipa biido. Ho Jisu mohka amee mi kadu chalala ho lutii, “Aba, ngo niimi payapacho ludu niika ngiimika tage kopa.

METHU 20:22

Hojalo Jisu lusitii, “No chinsu make no niihna kudonii hiila. Nunu tambo lakiñ dopeha Ngiika tango taniiñ mi?” Mohlu Jisu mi lutii, “Ngunu tambo lakiñdo.”

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

MIINIIÑ 10:25

Pitar ahkele, Kornelius mohmi kariitii ho mohka liidi ho giihila ho mohmi heriitii.

LUK KA AYAPUYU 17:16

ho mo Jisu ka alih ho nyimo chuha biidola, mohmi payapacho lubiido. Mo Samarita tii.

MAK KA AYAPUYU 13:22

Amuhpa Kristo ke ho amuhpa nyibuhenii ke hiila linkiñ doke ho kagiñnanii la kahotamo drih kakiñ kendo, ngogya giipa, miila dokoda kahenii atañmi miipa miido.

JON KA AYAPUYU 5:19

Jisu mohlumi lutii, “Jijeloda, jijeloda, ngo nunumi lukosa, Oho mo attoh pa hang miila kema, hojalo Aba niihna miidonii hiimi kala lala kontiisii; niimpalukoda niijalo mo miido, hiimisii Oho miisu danii hii chulipa.