METHU 26:24 - NITI GONTU N.T. (BSI)

²⁴ Niimpalukoda miyu ka Oho hii nii hiila mohmi ketola do hiila lyikiñdo, hojalo hiika miyu mi aiya hiila hembido huna miyu ka Oho mi talubalo kendo nii! Hiika miyu pa wiinga buko matii koda ya aya yakiñne.”

METHU 26:24 ပူးပေါင်းရင်းမြစ်များ

LUK KA AYAPUYU 24:46

ho mohlumi lutii, “Hiila siikasi ketii, Kristo heru henkiñ doke ho allo lohiñ niiho turikendoku shiiniiñ hokii,

METHU 18:7

Aya hiila hembido dohadolo mi ingyamiigya dopaka tenkalarka niimi! Niimpalukoda tenkalarka ahniiñ ahkiñdo, hojalo aiya la hembido huko hokiina tenkalarka hii ahdonii!

1 KORINTIA 15:3

Niimpalukoda ngo nunumi bibiilyi kapyo japa khiila nii mina ngo larii tiinii, Kristo ngunuka ingyamiigyanii atañpa siibi tii piniipota ka keniiñ chulipa,

JON KA AYAPUYU 17:12

Ngiika mohluka agiñ hoka daho, ngo mohlumi niika armyañ pa atiito, humina no ngiimi bitiinii; ngo mohlumi dagur biito, ho kone hetrḛ lyuma hojalo lyusa boka oho kontii, piniipota mi lyipe kiine dupa.

LUK KA AYAPUYU 22:22

Niimpalukoda miyu ka Oho hii lyikiñdo luto laka dokoho; hojalo aiya hiila hembido hiika miyu mi huna mohmi talubalo danii!

MAK KA AYAPUYU 14:21

Niimpalukoda miyu ka Oho hii niihiila mohmi ketola do hiila lyikiñdo, hojalo hiika miyu mi aiya hiila hembido huna miyu ka Oho mi talubalo kendo nii! Hiika miyu pa wiinga buko matii kodaya aya yakiñne.”

METHU 26:54

Hojalopa niihtañpa piniipota hoka donii hii lyipe kendo? hiimi lyipe kiine dupa hiila.”

MAK KA AYAPUYU 9:12

Ho mo mohlumi lutii, “Elija ahpyo kendo kappa ne drih mi miiti dupa; ho niihtañpa ketii Miyu ka Oho ka piigomi, mo hempḛr abuje heru myanka kendo ho kahikare latrḛ miiko kendo hiila?

METHU 26:56

Hojalopa hikha siika lyiniiñsi, nyibuhenii atañka piniipota mi lyipe kiine dupa.” Ho hikha mohka henjeajiñ atañ mohmi apatela ho hargiinyatii

MIINIIÑ 28:23

Mohlu allo lohe mohpa kahe lala, mohlu mohka imi ko ahtii hempḛr taropa. Ho mo mohlumi drih mi lukotii aro hokiila alyiñ kamo lohe, Pinii ka raddeganda mi pyakotii ho mohlumi taliidopa yarkatii Jisu ka piigomi Mose ka dapo hokii tiirḛ ho nyibuhenii kokii tiirḛ.

MIINIIÑ 4:28

miidupa niijalo niika alah ho niika hemmyobiniiñ bardiñsoyu miigii talyi.

MIINIIÑ 2:23

siika Jisu mi, Pinii bipatii mohka hemmyonii jaho ho chimbii tola, nunu ledatii ho mentii diimmah miyu atañka alah lo.

JON KA AYAPUYU 19:28

Siika hiibaho Jisu, hikha miijaku hiila chimbii tola, lutii (piniipota mi miipe dupa), “Ngo hangḛrdo.”

JON KA AYAPUYU 19:24

hopa mohlu kone anyañ mi lusutii, “Simi ngunu sarche masa, hojalo pota tuka siisa si hupana dokiñ donii.” Siikasi piniipota mi lyipe kiine dupa lyitii, “Mohlu ngiika abitarii mi mohluka punkoho tache siibiine, ho ngiika pulyepa mohlu pota tuka siinyado.”

METHU 26:31

Ho Jisu mohlumi lutii, “Nunu miilañru hargii nyakiñdo ngiika piigopa siho ayohso; niimpalukoda hiila ketolado, ‘Ngo subuñ sornii bomi hichi, ho subuñ atañ harpya hasa nyakiñdo’.