METHU 25:35 - NITI GONTU N.T. (BSI)

³⁵ niimpalukoda ngiika haya lyiho no ngiimi diigo bihii, ngiika yasie tana lyiho no ngiimi yasie bihii, ngiika nyibo pa lyila ahlyi ho no ngiimi kariine,

METHU 25:35 ပူးပေါင်းရင်းမြစ်များ

HIBRU 13:16

Aya miigo miisa niimi byalya yo ho tache bidupa niihna niiko donii, niimpalukoda sitañ hempa biniiñ hiike Pinii mi hempyo miipa dunii.

JEMS 1:27

Niihna darii piniihenju ho miibḛr manii Pinii kala ho Aba ka hataho hii sike: mijiatu atañ mika katenii ho hiimie atañmi mohluka herumyanka ho, ho atohmika dohadolo so miidukoma paka danii.

ROM MIKA POL KA SIITI KENIIÑ 12:13

Bibo tolya piniimiyu atañka anna ho, nyibo ahnii atañmi helakala tolya.

ROM MIKA POL KA SIITI KENIIÑ 12:20

Ma, “nunuka ahha-banii matiirḛ haya domilo, diigobito; mo matiirḛ hangḛr domilo, tansa bito; niimpalukoda hiila miibiidola nunu mohka dinta ho lyala donii miiri ke piipu biido nii.”

HIBRU 6:10

Niimpalukoda Pinii hensamiisa la nunuka miigo miiniiñmi kago kema ho nunuka heniiñmi mohkiipa piniimiyu atañ mika miiho niimi, siisi jalo nunu miila do.

PELEMON 1:7

Niimpalukoda ngo abuje hempyo ho hembyuñnii niika heniiñ hokii lariitii, ngiika anusi, niimpalukoda piniimiyu atañka ahha mi jojo dopa miitii niikii dalyi hokiila.

1 TIMOTI 5:10

ho mo mohka aya miigo miiniiñ mika luta nangko laka dunii, kone huna wiinga aso sucha tiinii, helakala mi kakiñla, piniimiyu atañka alih harbinii, pamyotakho giinii atañ mika hempyo miipanii, ho atoh mi kapane aya miigo hoka henga laka miinii.

IPISIA 4:28

Diipyo bo diipyo kulya yo, hojalo mohmi injo diike nento, khiiniiñ miigo mohka atoh alah lo miibii dola, niimpalukoda mo tiirḛ bila dopa hutiina anna la lyidonii.

ROM MIKA POL KA SIITI KENIIÑ 16:23

Gayas, huna ngiimika dugiibo ho hikha gyoliñkonii, nunumi ayahelyi. Irastas, citi ka tiickobiibibo, ho ngunuka anu Koartas, nunumi ayahelyi.

MIINIIÑ 16:15

Ho mo baptisma laku lala, mohka ude uru agiñho, mo ngunumi mehii, lubiidola, “Nunu matiirḛ ngiimi Attoh pa lotiido hiila kado milo ngiika ude so ahto ho duto.” Ho mo ngunumi uropa lyarii.

MIINIIÑ 11:29

Ho henjeajiñ atañ miichiloda hiila hentii, kone abi niimkane mohlu miila kendo, Judia daka dunii anubarmii atañmi bilii talyi hiila;

MIINIIÑ 10:31

lubiidola, ‘Kornelius, niika kuniiñ mi tapa tiike ho niika binii keniiñ mi Pinii hataho hempa doke.

MIINIIÑ 4:32

Siisi tongepa hutiina henje nyatii nii mohlu ahha puhepa ho yallo konepa giitii, ho kone hetrḛ hang drih atañ mohlukii mi mohkii hiila lumatii, hojalo mohlu amanehemi buyiñ la biitii.

JON KA AYAPUYU 13:29

Tange hiila hentii, rongkoda Judas ko tiicko bako doniiñ, Jisu mohmi lukotii, “Riito niihna ngunu dituñpa anna donii”; malo, rongkoda mo arro mi ngoya bike nendupa hiila.

LUK KA AYAPUYU 11:41

Hojalo bipa linto hiika drih atañmi niihna uraho donii; ho kato, kapanehe nunupa darii kendoke.

MAK KA AYAPUYU 14:7

Niimpalukoda nunu agiñho arroatu kiirañ dalyi diike, ho nunu niida aroh-aya nanchi, nunu mohlupa aya miila kendoke; hojalo nunu ngiimi tiihadado dagii lakiñ make.

METHU 26:11

Nunu agiñho kiirañ arroatu dakiñ doke, hojalo nunu ngiimi kiirañ kappa kemake.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.