METHU 25:34 - NITI GONTU N.T. (BSI)

³⁴ Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

METHU 25:34 ပူးပေါင်းရင်းမြစ်များ

JEMS 2:5

Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

METHU 20:23

Jisu mohlumi lutii, “Nunu ngiika tango mi tala kendo, hojalo ngiika lahbi dalyiho ngiika lahchi dalyi hoka dusa niimi ngo lula kema, hojalo hiikahii hiipasii dokiñ donii hupana ngiika Aba miimyo bitiinii.”

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

HIBRU 4:3

Niimpalukoda ngunu hutiina henje donii hiika dumo ko ahkiñdo, mohka luniiñ chuli, “Ngo ngiika hadii ho hemme tii, ‘Mohlu pema ngiika dumo ko ahkiñ make,’” mohka miigo hii miija siitiikujalo dohadolo mika pulyi hokii.

LUK KA AYAPUYU 12:32

“Biisoyo, tonyo paka danii atañ, niimpalukoda siikasi nunuka Aba ka hempyo ke nunu mika raddeganda mi biniiñsi.

HIBRU 11:16

Hojalo siikasi, mohlu ayaya ganda mi kapa nala hentii, hiika hii, dariiganda hokii. Hiikohopa Pinii hiinyañ matii mohluka Pinii hiila ka gyoko saniiñmi, niimpalukoda mo mohlupa citi miimyo bitii.

1 KORINTIA 15:50

Ngo siimi nunumi lukodu, anubarmii atañ: asiialyo la ai nyi Pinii ka raddeganda mi penko lakiñma, malo lyula sanii hii penko lakiñma lyula sama niilo.

METHU 25:41

Hiika hiiba ho mo lukiñdo mohka lahchi dalyi hoka danii atañmi, Ngiiko hokii insa nyato, nunu bekonii atañ, yamu lyame lama lyako ho igii la mohka miidopopi atañ paka miimyo tola doko;

MIHUKAKIÑNIIÑ 19:16

Mohka tariiho ho mohka halañho mohka armyañ hii ketola do, radde atañka Radde ho attoh atañka Attoh.

1 KORINTIA 2:9

Hojalo, hiila keto laka donii hiilyañpa, “Amee kone katrḛ kapa manii, malo yaroo tapa manii, malo miyu ka ahha ka henka manii, nii mina Pinii miiju bitiinii hiipa huna mohmi hendonii,”

METHU 25:21

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

METHU 19:29

Ho kone abi huna ude malo anuabañ malo barmii malo aba malo annii malo himme malo ganda nencha, ngiika armyañ kiipa apatiinii, hii lange abuyapa pasi kendo, ho santḛrlamanii sango mi kappa kendota.

METHU 13:35

Siikasi nyibuhenii ka luniiñmi lyipe kiine dupa miitii: “Ngo ngiika aguñmi lutiñnaniiñ luna naniiñpa gonko talyi, Ngo luliñ talyi niihna dohadolo mika pulyiho achuñ tiinii.”

1 PITAR 3:9

Diimmah pa diimmah miisi yayo malo cheniipa chesi lyayo; hojalo hiilamapa lyantolya, niimpalukoda siika sipake nunumi gyotiinii, niimpalukoda nunu lyaniiñmi padupa.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

GELESIA 5:21

kariñ, ow tangiinii, tangiitola hagopaka soniiñ, ho hii chulipaka miinii. Ngo nunumi luluñ lyike, kapyo hoka luluñ luchañ ho, hutiina sitañ drih atañmi miido nii Pinii ka raddeganda mi pensi kokiñma.

1 KORINTIA 6:9

Nunu chimapo ingyamiigyanii miyuatañ Pinii ka raddeganda mi peñko kema hiila? Talubalo koyo; ingyamiigya henju henii tiirḛ, puchiniimi ka herii botrḛ malo ipfyo nii hiitiirḛ, malo ahiñsiiniika ipfyo botrḛ,

LUK KA AYAPUYU 19:38

lubiidola, “Lyanko kendo Radde huna Attoh ka armyañ pa ahdonii! Chimie hii dariiganda ho dokiñcho ho kahejapa assañdu!”

METHU 5:19

Hu jalopa siika lujju biniiñ hokii petu pere jalo lapa talyi ho miyu atañmi tonsḛr tonkha talyi, dariiganda ka raddeganda ho khiimanii japa lyikiñ do; hojalopa huna hiimi miidonii ho mohlumi tonsḛr talyi nii dariiganda ka raddeganda ho khiiniiñ japa lyikiñ do.

METHU 3:2

“Henkur nyato, niimpalukoda dariiganda ka raddeganda hii alahho dokuke.”

MIHUKAKIÑNIIÑ 5:10

ho mohlumi raddeganda pa miitii ho ngunuka Pinii ka nyibu atañpa, ho mohlu kiiddiapiñ mi sangii kendo.”

1 PITAR 1:9

Nunuka henje ka henjo nunu nunuka yallo ka sangopyako mi kapa biido ku.

HIBRU 9:26

niimpalukoda hopa mo hiimi heru hentiñ hentiñ hendo pa lyitii dohadolo mika liidi rabii jaho hokii. Hojalo hii hiila siila, mo ronge pada hikha rupa ahtii kamikalo ka santuñho ingyamiigya mi lapa bidupa hiila mo atohmi membi shiibii dola.

2 TIMOTI 4:8

Ho siisikii ngiipa atii bitiiku denki ka tayyiñbyopa mi, nii mina Attoh, denki gondu, bikiñ donii hiika Allo ho, ho ngiimi kontiima hojalo hikha hiika atañ miilañmi hutiina mo ka ahkur saku niimi hemmi nyadonii.

1 TESOLONIA 2:12

sango mi Pinii khiiko dopa sando pa, huna nunumi gyotiinii mohka atoh raddegandaho ho tatukatu ho.

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

MIINIIÑ 15:18

Attoh lutii, hu siika drih atañmi bilo ka khu hokii chindopa miitii.

MIINIIÑ 3:26

Pinii, mohka miira mi seritii, kapyopa nunuka kiiniñ bitii, nunumi lyandupa nunu kone abimi nunuka diimmah hokii henkur kiine dupa.”

JON KA AYAPUYU 19:15

Mohlu gyutii, “Mohmi mento, mohmi mento, mohmi ledato!” Pailet mohlumi lutii, “Nunuka Radde mi ngo leda talyiha?” Nyibu burii lusitii, “Ngunukii radde nyimake hojalo Kesar siike.”

JON KA AYAPUYU 12:13

Hopa mohlu pam sannii ka halloh mi tarbiila mohmi kapa dupa agoho linyatii, gyubii dola, “Hosana! Lyanko kendo hii huna Attoh ka armyañ pa ahdonii, Isrel ka Radde tiirḛ!”

JON KA AYAPUYU 1:49

Natanel mohmi lusitii, “Tonsḛrbo, no Pinii ka Oho! No Isrel ka Radde!”

LUK KA AYAPUYU 11:28

Hojalo mo lutii, “Lyanko kendo hiiya hutiina Pinii ka aguñmi tadonii ho hiimi miidonii!”

MAK KA AYAPUYU 10:40

hojalo ngiika lahbi dalyi malo ngiika lahchi dalyi hoka dusa niimi ngo lula kema, hojalo siikasi hiipake hupana miimyo bitiinii.”

METHU 27:37

Ho mohka dinta ayoho mohlu mohmika halii laka keniiñhii, hiila ketola dotii, “Siikasi Jisu Jew atañka Radde.”

METHU 25:23

Mohka atoh mohmi lutii, Aya miitii, denki ho lotii miira; no eche mitrḛ lotii biida, Ngo niimi abujemi kabii kiine talyi; kiije ahto niika atoh ka hempyo sokoso.

METHU 21:5

“Zayon ka nyimii wiinga atañmi lukoto, kato, nunuka radde nunuko ahla doke, yanu, ho gadoh ayoho dula, ho gadoh atu ho, gadoh ka oho.”

IPISIA 5:5

Siika siimi henje nyatolya, datuapu malo miibḛrnii miyu, malo kone huna hemikamidonii (hiikahii, puchiniimi ka heriibo), hiipa hang pensikosanii nyima Kristo la Pinii ka raddeganda ho.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

MAK KA AYAPUYU 10:17

Ho mo myodi impa irikele, miyu kone haratii ho mohka hataho liibañ khangatii, ho mohmi tahiitii, Denki tonsḛrbo, nii miido kodape ngo santḛrlamanii sango kappa kendonii

LUK KA AYAPUYU 11:50

hiika hikha nyibuhenii atañka ai hii, dohadolo mika pulyi jaho hokii bipa biniiñ, rongkoda siika santuñ mi anna nedo,

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

HIBRU 1:14

Mohlu hikha miihoniiñ yajiyallo masupeha miiho niipaka kiiniñ konii, hikha hiika atañpa hutiina sangopyako mi kapa kendonii?