METHU 24:31 - NITI GONTU N.T. (BSI)

³¹ ho mo mohka miidopopi atañmi hempḛr goropa siirii mubii dola kiiniñ kendo, ho mohlu mohka kahenii atañmi hikha khonchañ hokiimi gyokuñ kendo, yapuñ pache hokii pache dalyi lohepa.

METHU 24:31 ပူးပေါင်းရင်းမြစ်များ

1 TESOLONIA 4:16

Niimpalukoda Attoh mohloda dariiganda hokii tokiñdo gyula lubiidola, akuñmiidopopi ka gyoniiñ agiñho, ho Pinii ka siirii muniiñ agiñho. Ho Kristo koka shiinii hii turi turpyo kendoku;

MAK KA AYAPUYU 13:27

Ho mo miidopopi atañmi kiiniñ kendo, ho mohka kahenii atañmi ale tape lo gyokuñ kendo, kiiddi miido ka dotḛr hokiila yapuñ ago ka dotḛr lohepa.

1 KORINTIA 15:52

ohepada, amee mibey tado ho, kamikalo jaho joka siirii mulyi ho. Niimpalukoda siirii mukiñdo, ho shiinii hii turikendo lyulasama niiho, ho ngunu lyiguh kendo.

METHU 13:41

Miyu ka Oho mohka miidopopi atañmi kiiniñ kendo, ho mohlu mohka raddeganda hoka ingyamiigya dopaka miigiinii ho hikha ayamanii miinii atañmi gyokuñ kendo,

2 TESOLONIA 2:1

Siisi ngunuka Attoh Jisu ka ahsa niimi ho ngunuka dakuñ saniiñmi mohmi kapa dupa, ngunu nunumi yardu, anubarmii atañ,

IPISIA 1:10

henju niihtañ myodu ka hikha ahlyi kuho, hikha drih atañmi mohko tongepa lyigii kendo, drih atañ dariiganda hoka la kiiddiapiñ hoka doniiñ mi.

JON KA AYAPUYU 11:52

ho ganda kontii pamapa, hojalo Pinii ka oho atañmi gyokuñ dukupa hutiina adhoganda ho gyapya gyasa nyatiinii.

METHU 25:31

Miyu ka Oho ka huda khada ahlyi kuho, ho hikha miidopopi atañka agiñho, mo mohka tatu katu duta naniiñho dukiñdo.

MIHUKAKIÑNIIÑ 7:1

Hiika hiiba ho ngo kapato piilye miidopopi atañ kiiddiapiñ ka piilye khonchañ ho dabiidopa, kiiddiapiñ hokiika piilye allyi heliñ niimi gatu biitola, niimpalukoda hang allyi mi heliñ madopa kiiddiapiñho malo siimie ho malo sannii buhe hotiirḛ.

MIHUKAKIÑNIIÑ 8:2

Ho ngo kapato kanuhe miidopopi mi huna Pinii ka hataho danii, ho kanuhe siirii mohlumi bibiine.

ROM MIKA POL KA SIITI KENIIÑ 10:18

Hojalo ngo takadu, mohlu tapa ma ehna? Jije mohlu tapatii; niimpalukoda “Mohluka luniiñ hikha kiiddiapiñ ho intii patii, ho mohluka aguñ atañ dohadolo ka dotḛr lyihepa.”

METHU 28:18

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

METHU 24:22

Ho hiika allo mi matiirḛ tudii dopa miima tiikoda, miyu kone mitrḛ lyangur lakiñ matii; hojalopa kahe konii atañ kiipa allo mi tudii dopa miibitii.

MIHUKAKIÑNIIÑ 11:15

Ho kanunii miidopopi mohka siirii mi mutii, ho hiiko hempḛr goro aguñ adune dariiganda ho, lubiidola, “Dohadolo ka raddeganda hii ngunuka Attoh ho mohka Kristo ka raddeganda pa lyidoku, ho mo ayu dahepa sangii kendoku.”

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

MIHUKAKIÑNIIÑ 1:20

Michilamanii kanuhe takḛr atañmi nii mina no ngiika lahbi alah ho kapa tiinii, ho kanuhe ayyiñ hokiika yamumiiru mi, kanuhe takḛr atañ hii kanuhe miidopopi atañ ke ho kanuhe yamumiiru atañ hii kanuhe gyoliñkonii atañke.

METHU 24:24

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

METHU 24:32

Taro sannii hokii siika drih mi chingiito: halloh giiliñ dalyi ho annii saliñ niimi kappa dala la, nunu chindu darupiilo ahlyi ku hiila.

HIBRU 12:19

ho siirii muniiñ mika tapanii, ho aguñluniiñ huka luniiñ atañ na taniibo atañmi lyardopa miitiinii niimpalukoda mohlumi puyu luko lubyañ kuyo hiila.