METHU 24:24 - NITI GONTU N.T. (BSI)

²⁴ Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

METHU 24:24 ပူးပေါင်းရင်းမြစ်များ

METHU 22:14

Niimpalukoda abuje gyoliitii, hojalo kahe konii chesu.

METHU 24:11

Ho abuje amuhpaka nyibuhenii duri kendo ho abujemi ngogii kendo.

METHU 24:22

Ho hiika allo mi matiirḛ tudii dopa miima tiikoda, miyu kone mitrḛ lyangur lakiñ matii; hojalopa kahe konii atañ kiipa allo mi tudii dopa miibitii.

METHU 24:25

Tageto, Ngo nunumi luko lumyo biilyi ke.

METHU 24:31

ho mo mohka miidopopi atañmi hempḛr goropa siirii mubii dola kiiniñ kendo, ho mohlu mohka kahenii atañmi hikha khonchañ hokiimi gyokuñ kendo, yapuñ pache hokii pache dalyi lohepa.

METHU 24:5

Niimpalukoda abuje ngiika armyañ pa ahkiñdo, lubiidola, Ngo kristoke, ho mohlu abujemi ngogii kendo.

METHU 7:15

Hendi nyatolya gollumisu nyibuhenii atañ kokii, nunuko subuñ ammu hokii giitola ahkiñdo hojalo ahha ura hii siipya ke.

MAK KA AYAPUYU 13:22

Amuhpa Kristo ke ho amuhpa nyibuhenii ke hiila linkiñ doke ho kagiñnanii la kahotamo drih kakiñ kendo, ngogya giipa, miila dokoda kahenii atañmi miipa miido.

LUK KA AYAPUYU 18:7

Ho Pinii mohka kahenii miyu mi lupya bikiñmaha, huna allo ayoh mi mohmi kheko donii? Mo mohlumi diirii miikañ bikiñdopeha?

JON KA AYAPUYU 4:48

Hopa Jisu mohmi lutii, “Nii dahepa nunu kagiñnanii la kahotamo kappa tama nunu henje kemake.”

JON KA AYAPUYU 6:37

Hikha Aba ka ngiimika biniiñhii ngiiko ahkiñdo; ho huna ngiiko ahdonii ngo hiimi mompa tama.

JON KA AYAPUYU 6:39

ho siikasi mohka heniiñ huna ngiimi kiiniñ tiinii, ngiimi hang kone mitrḛ hikha mo biniiñ mi alyu mado koda hiila, hojalo kami kalo ho mohmi seri kiine dupa.

MIINIIÑ 20:16

Niimpalukoda Pol Ipisia mi khopo biila bochi hiila hentii, niimpalukoda mo myodu mi pakhii kiine namatii Asia ho; niimpalukoda mo nyibya pa Jerusalem ho ahchi nantii, ahla lyimilo, Penticost ka allo ho ahchi dupa hiila.

ROM MIKA POL KA SIITI KENIIÑ 12:18

Miila lyimilo matiirḛ, hojalo si niika henko hoke dokiñ donii, hikha miilañ ruka agiñho chimiepa sandu pa miitolya.

GELESIA 4:15

Nunuka hembyañ biila hembiinii hii nii lyine ku? Niimpalukoda ngo nunuka haki, miila tiikoda matiirḛ, nunu ngiimi nunuka amee miilañmi harbi kene.

2 TIMOTI 2:19

Hojalo Pinii ka alḛr paka liidi ranii hii dukañdu, siika tiiho niimi giitola: “Attoh chindo ke huna mohkiinii,” ho, “kone abi huna Attoh ka armyañ mi myandonii ingyamiigyanii hokii dasa toku.”

1 PITAR 1:5

hutiina Pinii ka harchichike lo henje kiilo dagur kobiidonii sangopyako pa kamikalo myodu ho kakiñ dupa hiila henju tokula dokuniimi.

2 PITAR 3:17

Nunu hopa, heniiñja, siimi kapyopa chimbii dola, hendi nyato hiila makoda nunu lyugii kodiike piigoamanii miyu ka miigya niilo ho nunu atohka daju mi alyu siidii ke.

1 JON 2:18

Himme atañ, siikasi kamikalo myodu kuke; ho nunu tapa biine Kristo mika kanañ manii ahkiñ do hiila, hopa siisi abuje kristokamabo ahdo; hopa ngunu chindo siikasi kamikalo myodu ku hiila.

1 JON 2:22

Hu gollunii hiike huna Jisu Kristo mi mapa donii? siikasi Kristokamabo, hii huna Aba la Oho nyimi mapa donii.

1 JON 5:18

Ngunu chindo hujalo Pinii lo bukotii hii ingyamiigya ma hiila, hojalo hii huna Pinii lo buko tiinii hii mohmi atii biidu, ho igii kone mohmi tene lakiñma.

MIHUKAKIÑNIIÑ 19:20

Ho achu-amyo mi latu biine, ho hiika agiñho amuh nyibuhenii mi, huna mohka dapa kagiñnanii miitiinii niilona mo talubalo tiinii hiika atañmi hutiina achu-amyo ka miiho niimi giidonii ho hutiina hiika puchiniimi herii nyadonii. Siika anye mi turdopa jopa liibiido yamu ka siimie ho niihna sulphur lo yadonii.