METHU 24:14 - NITI GONTU N.T. (BSI)

¹⁴ Ho siika raddeganda ka ayapuyu mi hikha kiiddi dotrḛ ho tonsḛr khenyo kendo, hikha ganda atañmi luko lugiñ naniiñpa; hosu kamikalo hii ahkiñ siidonii.

METHU 24:14 ပူးပေါင်းရင်းမြစ်များ

METHU 10:7

Ho nunu ilyila tonsḛrkhenyo tolya, lubiidola, Dariiganda ka raddeganda hii alah ho dokuke.

METHU 18:19

Hiira ngo nunumi lukoso, niinyi anye matiirḛ kiiddiapiñ so talii siila niijalo niinyi kuchi, hiimi niinyipa miibi kendo ngiika dariiganda daka Aba.

METHU 24:3

Mo Olives Putoo ho dukele, henjeajiñ atañ mohko ahsiela ahtii, lubiido, “Ngunumi lukope, si niida lyikiñdo, ho nii kagiñnanii dokiñdo niika ahniiñ la ho sango ka santḛr saniiñ?”

METHU 24:6

Ho nunu gyambo pasu niimi ho gyambo pasudo hiila tapa kendo; kato nunu ahialuñ nyayo; niimpalukoda hiila lyikiñdo lodake, hojalo anya nyanja sanii ahma ranke.

METHU 4:23

Ho mo hikha Galili ho intii patii, mohluka sinagog ho tonsḛrla ho miyu atañmi Pinii raddeganda ka ayapuyu mi tonsḛrkhenyo la ho kapane achih ho une mi miipya bitii.

METHU 9:35

Ho Jisu hikha citi ho lembaho intii, tonsḛrla mohluka sinagog ho, ho raddeganda ka ayapuyumi tonsḛr khenyotii, ho kapane achih-ahe ho herumyanka mi miipya bitii.

MAK KA AYAPUYU 13:10

Ho ayapuyu mi kapyopa hikha ganda-siiko ho tonsḛr kendo lodake.

LUK KA AYAPUYU 2:1

Hiika biloallo ho Kesar Augustas kokii pota tahe lintii hikha Rom miyu atañmi armyañ kelii tote hiila.

LUK KA AYAPUYU 24:47

ho hiika henkur niimi ho ingyamiigyanii atañ hokii ka hello kuniiñ mi hikha ganda atañ ho tonsḛrkhenyo kendo mohka armyañ pa, Jerusalem hokii lukoribiila.

LUK KA AYAPUYU 4:5

Ho igii mohmi ayoh ho chagiitii, ho hikha dohadolo daka raddeganda mi kakiñtii ichuche myoduho,

MIINIIÑ 1:2

mohmika chagii lyiku allo lohepa, mo Darii Yajiyallo loka lujubiniiñ mi kiiniñkonii atañmi bikulala humina mo kahe tiinii.

MIINIIÑ 11:28

Ho hiiko hokii kone Agabas hiila armyañ guritii ho Yajiyallo lo luko lumyo kotii hikha dohadolo ho hempḛr kahe diime ahkiñdo hiila; ho siikasi Klaudius ka myodu ho lyitii.

MIINIIÑ 17:31

niimpalukoda mo allo mi khiimyo tokula doku mo ayakacho mi kadupa dohadolo daka denkimi miyu atañmi kagiñ nala humina mo kahetiinii, ho shiipa mo hikha miyu atañmi bitiiku mohmi shiiniiñ hokii turiturku kiine lala.

MIINIIÑ 17:6

Ho mohlumi mepalama miila lala, mohlu Jason mi seliñ biitii ho anubarmii tonge mi citi ka otority ko, gyubii dola, “Siika miyuatañ sike dohadolo mi kuluparji miigiibo sike ahlyi take,

MIINIIÑ 19:27

Ho hiila miikoda ahiare kendo, ngunuka kiiri miiniiñ hii byalyido hojalo hii kontii mapa Artemis pinii ka piniiude kahe bomi tiirḛ hang khiikiñ kuma, ho rongkoda mohka tatu katu hiitiirḛ lyuhi nedo, humina hikha Asia ho dohadolo heriida la miitiinii.”

MIINIIÑ 20:25

Ho siisi, kato, ngo chindo hikha nunu hutii kona ngo ahla raddeganda mi tonsḛrkhenyo tiinii hii ngiika nyitumoru mi kapa keñkuma.

ROM MIKA POL KA SIITI KENIIÑ 10:18

Hojalo ngo takadu, mohlu tapa ma ehna? Jije mohlu tapatii; niimpalukoda “Mohluka luniiñ hikha kiiddiapiñ ho intii patii, ho mohluka aguñ atañ dohadolo ka dotḛr lyihepa.”

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

KOLOSIA 1:6

niihna nunuko ahtii nii, jijelusu dokoda hikha dohadolo ho siikasi ahee hila do ho sancha la do-hiichuli nunuka punko hotiirḛ, nunuka tapabii allo hokii ho Pinii ka aroh-aya mi chindo jije ho,

HIBRU 1:6

Ho hiira, mohka butu wiinga mika dohadolo soka ahgii lyiho, mo lune, “Hikha Pinii ka miidopopi atañ mohmi herii tolya.”

HIBRU 2:5

Niimpalukoda siimi miidopopi mimake Pinii kabiitote lunii ahsanii dohadolo mi, nii mina ngunu ludonii.

MIHUKAKIÑNIIÑ 14:6

Ho ngo hiira koneta miidopopi mi yapuñ liipa ho gola dopa kapato, lyulasamanii ayapuyu mi gyuko kiine hupa hiila hutiina kiiddiapiñ so dunii, kapane ganda atañmi ho halugiira atañmi ho aguñ atañmi ho miyu atañmi;

MIHUKAKIÑNIIÑ 16:14

niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

MIHUKAKIÑNIIÑ 3:10

Niimpalukoda nunu ngiika yanupa pigiito hiiniiñmi atiibiido, ngo nunumi tenka nii myodu hokii lapya talyi niihna hikha dohadolo so ahla donii, hiika atañmi tenka dupa hutiina kiiddiapiñ so dunii.