METHU 23:8 - NITI GONTU N.T. (BSI)

⁸ Hojalo nunu tonsḛrbo hiila gyoko lyayo, niimpalukoda nunukii tonsḛrbo kone siike dusu dunii, ho nunu hikha anu barmiike.

METHU 23:8 ပူးပေါင်းရင်းမြစ်များ

JEMS 3:1

Nunu abuje sariipa lyilya yo, ngiika anubarmii atañ, niimpalukoda nunu chindo huna tonsḛr donii hiimi uroyapa ayakacho kakiñ doke.

1 PITAR 5:3

hutii na nunuka ura ho danii hiimi lumiñ biito lamapa hojalo subuñ atañpa katiñ nanii pa lyibii dola.

LUK KA AYAPUYU 22:32

hojalo ngo niipa kubi tiike niika henje mi huhi madopa; ho niida no hiira ahkur talyiku, niika anubarmii atañmi alḛr giiniipa.”

METHU 23:10

Atoh hiila tiirḛ gyolyayo, niimpalukoda nunukii atoh kone siike dunii, Kristo.

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

MIHUKAKIÑNIIÑ 22:9

hojalo mo ngiimi luhii, “No hiimi miiyo! ngo niika agiñho miira ahiñ siike ho niika nyibuhenii anubarmii atañka, ho hiika atañ agiñho hutiina siika kheta daka aguñ atañmi atii biidonii. Pinii mi heriito.”

MIHUKAKIÑNIIÑ 19:10

Ho ngo mohka alih ho giihi to mohmi herii dupa, hojalo mo ngiimi lune, “No hiila miiyo! ngo nochitañ miira ahiñke ho niika anubarmii hiilyañ hutiina Jisu mika pyako niimi badonii. Pinii mi heriito.” Niimpalukoda Jisu mika pyako niisi nyibuheniiñ ka yajiyallo ke.

IPISIA 3:15

hukohokiina hikha uru koneabi dariiganda la kiiddiapiñ nyika armyañ mi myantiinii,

2 KORINTIA 4:5

Niimpalukoda niihna ngunu tonsḛrkhenyo donii hii ngunu atoh mima ke, hojalo Jisu Kristo mi Attoh hiila, ngunu atohmi nunuka miira atañ hiila Jisu kiipa.

2 KORINTIA 1:24

Hiila make ngunu niika henje ka attoh lyidupa hiila; ngunu niika agiñho miigo miidu niika hempyo kiipa, niimpalukoda no niika henje ho alḛrpa da.

METHU 26:49

Ho mo Jisu ka aruñho ohepada ahtii ho lutii, “Ayasiidolo, Attoh!” Ho mohmi mochutii.

METHU 10:25

siikasi khe doke henjeajiñ ka tonsḛrbo chuli lyiniiñsi, ho miira hii mohka atoh chuli. Mohlu matiirḛ ude atoh mi Biljebul hiila gyodo koda, siimi uro yapa mohlu niihiila nipatalyi hiika udeuru atañmi.

METHU 23:7

ho biijḛr liipa ho khiiko nala, ho miyu atañlo tonsḛrbo hiila gyoko nala danyada.

METHU 26:25

Judas, mohmika talubalobo, lutii, “Ngo masuha, Attoh?” Jisu mohmi lutii, No ludonii hiilasiilo.

MAK KA AYAPUYU 9:5

Ho Pitar lutii Jisu mi, “Atoh, si ayado ngunu so da; kiije tabyo ude pehiñhe pensa, niipa penge ho Mose pa penge ho Elija pa penge.”

MAK KA AYAPUYU 10:51

Ho Jisu mohmi lutii, “No ngiimi niihpe niimi miibi kencho hiila hendonii?” Micha miyu mohmi lutii, “Atoh, ngiimi kappa kiine kupe.”

MAK KA AYAPUYU 11:21

Ho Pitar hempa ritii ho mohmi lutii, “Atoh, kato! Niika tarro sannii mika benniihii sela duku.”

MAK KA AYAPUYU 14:45

Ho mo ahkele, nyibya loda mohka aruñho mo ahtii, ho lutii, “Atoh!” Ho mohmi mochutii.

JON KA AYAPUYU 1:38

Jisu mokurtii, ho mo anye mi imbo mondo pa kappatii, ho mo anye mi lutii, “Niinyi nii miidu?” Ho mo anye mohmi lutii, “Tonsḛrbo”, “No no dudu?”

JON KA AYAPUYU 1:49

Natanel mohmi lusitii, “Tonsḛrbo, no Pinii ka Oho! No Isrel ka Radde!”

JON KA AYAPUYU 3:2

Siika miyu si Jisu ko ahtii ayoh ho mohmi lutii, “Tonsḛrbo, ngunu chindo no tonsḛrbo, Pinii kokii ahnii hiila; niimpalukoda kone hetḛr niika kagiñnanii miiniiñ hiilyañ miila kema, nii dahepa Pinii mo agiñho dabo montema.”

JON KA AYAPUYU 3:26

Ho mohlu Jon ko ahtii, ho mohmi lutii, “Tonsḛrbo, niika agiñ hoka Jordan pache dalyi hoka daniibo, hupana no haki bine nii, sike mo, baptisma bila, ho miilañru mo agiñho ilyi.”

JON KA AYAPUYU 4:31

Hiikamyodu ho henjeajiñ atañ mohmi yartii, lubiidola, “Tonsḛrbo, diito.”

JON KA AYAPUYU 6:25

Mohlu mohmi siimie ka pache dalyiho kappa lala, mohlu mohmi lutii, “Tonsḛrbo, no niido so ahhii?”

JON KA AYAPUYU 9:2

Ho mohka henjeajiñ atañ mohmi tahii biido, “Tonsḛrbo, hu ingyamiigya tii, siika miyu siha malo mohka annii-aba ha? Mo micha dopa buko niisi.”

JON KA AYAPUYU 11:8

Henjeajiñ atañ mohmi lutii, “Tonsḛrbo, Jew atañ siisi niimi yalañ kudu pa mela done, ho hiira no hiikoho impa ha?”

JON KA AYAPUYU 20:16

Jisu mohmi lutii, “Mary.” Mo mokur biila mohmi Hibru pa lutii, “Rabboni!” (Tonsḛrbo lusa niimi).

PELEMON 1:16

miira pama pa miira mi khiiniiñ yapa, heniiñja anu pa, luchila ngiipa hojalo niipa niimkane abuya, asiialyo hotiirḛ ho Attoh kotrḛ.