METHU 22:44 - NITI GONTU N.T. (BSI)

⁴⁴ Attoh lutii ngiika Attoh, ngiika lahbi alah duto nii dahepa Ngo niika ahha-banii mi niika liidi ho atii tama?

METHU 22:44 ပူးပေါင်းရင်းမြစ်များ

HIBRU 1:13

Hojalo Pinii nii miidopopi mi lune, “Duto ngiika lahbi alah so nii dahepa ngo niika ahha-banii atañmi niika alih data naniiñpa miitema”?

1 KORINTIA 15:25

Niimpalukoda mo sangii kendo loda nii dahepa mo hikha mohmika ahha banii mi mohka alih ho nyota nantema.

HIBRU 1:3

Mo Pinii ka tatukatu mi byokur lingiido ho mohka tiihoniiñ henjujami giido, siichañmiido mi mohka aguñka harchichikelo gatu biitola. Mo ingyamiigyanii atañmi darii miite hekula, mo Pinii kahejaka lahbi alah ho duku.

HIBRU 12:2

Jisu mi kabii dola miitu rigiibo ho digoabiaya dopaka miinii ngunu henjemi, huna mohka hata hoka hempyo atii tola doniiñ kiipa pogyañ mi pitii nii, hiinyañ mitrḛ hempa kapa biidola, ho duku Pinii ka duko lahbi alah ho.

MIHUKAKIÑNIIÑ 19:19

Ho ngo kapato achu-amyo la kiiddiapiñ daka radde atañmi mohluka armi atañka agiñho mohmi gyambo padu pa hiila huna gora ka ayoho dunii ho mohka armi mi pariidupa hiila.

PILIPIA 3:8

Jije ludokoda ngo kapanedrih mi alyu siitii luchi niimpalukoda hiimitiirḛ khiiniiñya ngo chingiitii Kristo Jisu ngiika Attoh mi. Mohkiipa ngo heru hembitii alyu siila hikha drih atañmi, ho hiika atañmi ma hiila khiitii, niimpalukoda ngo Kristo mi padupa

1 KORINTIA 1:2

Pinii ka gyoliñkonii Korint hoka donii, hiika atañmi hutiina Jisu Kristo ko dardḛtiiku nii, piniimiyu hiila tonge paka gyokonii hikha hiika atañ agiñho kapakohe ganda siiko ho Attoh Jisu ka armyañ mika gyoko ho, anye ruka Attoh ngunukii ho mohlukii:

JON KA AYAPUYU 20:28

Tomas mohmi lusitii, “Ngiika Attoh ho ngiika Pinii!”

LUK KA AYAPUYU 19:27

Hojalo siika ngiika ahha-banii atañ siimi, huna ngiimi mohlumi sangii kona manii, mohlumi so ahgii ho ngiika kadopa mento.

METHU 22:45

David matiirḛ mohmi Attoh hiila gyodo koda, niihtañpa mo mohka oho pa lyila kendo?

METHU 26:64

Jisu mohmi lutii, “No ludonii hiila siilo. Hojalopa ngo nunumi lukoso, siisikiija nunu miyu ka Oho mi Pinii ka lahbi alah ho dupa kappa kendo harchichike mi giitola, ho dariiganda daka jomii ho ahla dopa kappa kendo.”

MAK KA AYAPUYU 16:19

Ho Attoh Jisu, mohlumi lurii tekula, dariiganda ho chatiiku, ho Pinii ka lahbi alah ho duku.