METHU 22:11 - NITI GONTU N.T. (BSI)

¹¹ Hojalo ahto laka nyibo dunii atañmi radde kadi kiile, mo kappatii miyu kone mihie lalyi hoka giiju mi giimapa;

METHU 22:11 ပူးပေါင်းရင်းမြစ်များ

MIHUKAKIÑNIIÑ 19:8

siikasi mohmi pulye aya hokii giiju dopa bitiike, hudakhada ho darii hokii” niimpalukoda aya pulye hii denki miijoke piniimiyu atañka.

IPISIA 4:24

ho niti henju mi giitoku, Pinii kapu ka jije denki ho darii loka puniiñmi.

2 KORINTIA 5:3

niimpalukoda siimi atii biidola ngunumi arapa kapa koma dopa.

ROM MIKA POL KA SIITI KENIIÑ 13:14

Hojalo Jisu Kristo mi atii biisa, ho asiialyo ka henju pa atiibimasa, hiika henju mi miipe kiine dupa.

MIHUKAKIÑNIIÑ 16:15

(“Kato, ngo diipyo nii hiilyañ ahchi! Lyanko kendo hii huna hurola dunii, mohka tariimi hendila mo ara pa imma dopa ho mihlo kapa koma dopa!”)

MIHUKAKIÑNIIÑ 3:18

Hopa ngo nunumi yardu ngiiko hokii riito yamu loka nitimiikunii ayyiñ mi, niimpalukoda nunu mingo dupa, ho puloo pulye nunu atohmi ahgii siidupa ho nunuka ahuara hiinyañ saniiñmi achuñ giidupa, ho diiro nunuka amee ho nesu dupa, niimpalukoda nunu kapa dupa.

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.

GELESIA 3:27

Niimpalukoda nunu niimkane abuje baptisma latiiku Kristo ko ho hii Kristo mi giidoku.

1 KORINTIA 4:5

Hopa iche hetrḛ ayakacho kaniiñmi lulya yo myodu ahma rampa, Attoh ka ahma rampa, huna hutoh mi ahgii kendo nii siisi ka kamo hoka drih achuñ tola donii atañpa ho luko kendo ahha hoka heniiñ atañmi. Ho hikha miyuatañ kapa kendo mohluka heniiñmi Pinii kokii.

ROM MIKA POL KA SIITI KENIIÑ 3:22

Pinii ka denki hii Jisu Kristo mika henje kopa ahkiñdo hikha hutiina henje nyadonii. Niimpalukoda hiiko khiingu khiire nyima;

METHU 13:30

Anye rumi amoo pilyi lohepa sangiñ chake nento; ho amoo pidu myodu ho ngo pihnii atañmi luko talyike, Kapyo pa tagurenso atañmi pipyo to ho hiimi ngartola atiito rompa dupa, hojalo emmo atañmi ngiika nesu ho baliito.’”

METHU 3:12

Mohka yapyo mi mohka alah ho biido, ho mohka amoo piniiñ mi kheppa dupa ho emmo abiñ mi nesu ho atii dupa, hojalo asuh atañmi lyame lamanii yamu ho hompa kendo.”

METHU 22:10

Ho hiika miira atañ lembo ila ho humina mohlu kappa tiinii hikha gyotii, denki miilañ ho demma miilañmi; hopa mihie lalyi hoka diigo diikoho poteje nyibo ahtola dutii.