METHU 21:26 - NITI GONTU N.T. (BSI)

²⁶ Ho ngunu matiirḛ ludokoda, Miyu kokii, ngunu miyu atañmi biisodo; niimpalukoda hikha miyuatañ Jon mi nyibuhenii lunyada.

METHU 21:26 ပူးပေါင်းရင်းမြစ်များ

MAK KA AYAPUYU 6:20

niimpalukoda Herod Jon mi biisotii, Jon denki ho darii miyu hiila chimbii tola, ho mohmi memma pa atiitii. Mohka piigo mi mo tapa lala, mo tadḛr biila mapa lyitii; hojalo mo hempyo biidola tatii.

JON KA AYAPUYU 5:35

Mo tila dotii, ho byonii muru ke, ho nunu talii nyado ichuche hempyo dupa mohka hutoh ho.

METHU 21:46

Hojalo mohlu mohmi pattiih bopa henka lala, mohlu miyu danii atañmi biisotii, niimpalukoda mohlu mohmi nyibuhenii hiila khiitii.

METHU 14:5

Ho mo mohmi mempa nansutii, mo miyu atañmi biisotii, niimpalukoda mohlu mohmi nyibuhenii hiila khiitii.

METHU 11:9

Hokoda niimpa nunu intehe? Nyibuhenii mi kadupa ha? Ḛh, Ngo nunumi lukoso, ho Nyibuhenii mitrḛ abuyapa.

MIINIIÑ 5:26

Ho kepten ka agiñho sabii atañ intii ho mohlumi selii biitii, hojalo payagayamapa, niimpalukoda mohlu biisotii miyuatañ yalañ kulyi do hiila.

JON KA AYAPUYU 9:22

Mohka annii-aba siimi lutii niimpalukoda mo anye Jew atañmi biisotii, niimpalukoda Jew atañ hiila taliisiitola dotii hujalopa matiirḛ mohmi Kristo hiila khako talyi, mohmi sinagog hokiila agoho nempa linkiñdo.

LUK KA AYAPUYU 22:2

Ho nyibu burii atañ la pagenii atañ niihtañ pana mohmi siido pa miichinii hiila mela dotii; niimpalukoda mohlu miyu atañmi biisotii.

LUK KA AYAPUYU 20:19

Pagenii atañ la nyibu burii atañ mohmi hiika myodu jaho latu dupa miika tii; hojalo mohlu miyu atañmi biisotii; niimpalukoda mohlu helatii siika lutiñnaniiñ si mohlumi chekho la ludo hiila.

LUK KA AYAPUYU 20:6

Ho ngunu matiirḛ ludokoda, Miyu kokii, hikha miyuatañ ngunumi yalañ kukiñdo; niimpalukoda mohlu Jon mi nyibuhenii hiila henyada.

MAK KA AYAPUYU 12:12

Ho mohlu mohmi patiibopa miitii, hojalo mohlu miyu atañmi biiso nyatii, siika lutiñnaniiñ luko niisi ngunumi chekho la ludo hiila helatii; Hopa mohlu mohmi apa tela ho intiiku.

MAK KA AYAPUYU 11:32

Hojalopa ngunu hiila luchi peha, ‘Miyu kokii’?”­­­­ mohlu miyu atañmi biiso nyatii, niimpalukoda miilañru Jon mi jije nyibuhenii hiila khiinyatii.

METHU 21:11

Ho miyuatañ lutii, “Siikasi nyibuhenii Jisu hiike Galili daka Nazaret hokii.”

METHU 21:25

Jon ka baptisma biniiñsi, hokoda nohkii pe? Dariiganda hokii ha malo miyu kokiiha?” Ho mohlu kone anyañ mi taka siitii, “Ngunu matiirḛ ‘Dariiganda hokii’ ludokoda, mo ngunumi lukiñdo, hokoda niimpa nunu mohmi henje nyama?”

METHU 21:27

Hopa mohlu Jisu mi lukotii, “Ngunu chima.” Ho Jisu mohlumi lutii, “Ngo tiirḛ nunumi luko tama nii otority la ngo siika atañmi miidu hiila.