METHU 21:11 - NITI GONTU N.T. (BSI)

¹¹ Ho miyuatañ lutii, “Siikasi nyibuhenii Jisu hiike Galili daka Nazaret hokii.”

METHU 21:11 ပူးပေါင်းရင်းမြစ်များ

JON KA AYAPUYU 6:14

Miyu atañ mohka kagiñnanii miiniiñmi kappa lala, mohlu lutii, “Siikasi jije nyibuhenii ke huna dohadolo so ahkiñ nenii!”

JON KA AYAPUYU 7:40

Mohlu siika aguñ atañmi tapa lala, miyu tange lutii, “Siikasi jije nyibuhenii.”

LUK KA AYAPUYU 7:16

Miilañru biiso nyatii; ho mohlu Pinii mi assañtii, lubiidola, “Hempḛr kaye nyibuhenii kone ngunu agiñho ahdo!” ho “Pinii mohka miyu atañmi kahatii!”

MIINIIÑ 7:37

Siika sike Mose huna Isrel miyu atañmi lutiinii, Pinii nunupa nyibuhenii nunuka anubarmii hokii sucha bikiñdo niihtañpa ngiimi suchatii.

JON KA AYAPUYU 9:17

Hopa hiira mohlu micha miyu mi lutii, “No nii hiila mohka piigo mi ludu? niimpalukoda mo niika amee mi mida dopa miitii.” Mo lutii, “Mo nyibuhenii kone.”

METHU 2:23

Ho mo ila ho Nazaret hiiniiñ citi ho dutii, niimpalukoda nii hiila na nyibuhenii atañ lutii nii hiimi lyipe kiine dupa, “Mohmi Nazarene hiila gyokiñdo.”

JON KA AYAPUYU 4:19

Annii akha mohmi lutii, “Tonsḛrbo, ngo chimbiido no nyibuhenii hiila.

JON KA AYAPUYU 1:21

Ho mohlu mohmi takatii, “Hokoda nii? No Elija ha?” “No nyibuhenii ha?” Mo lutii, “Ma ngoma.” “No nyibuhenii ha?” mohlu tahiitii. mo lusitii, “Ma.”

MAK KA AYAPUYU 6:15

Hojalo tange lutii, “Siikasi Elija.” Ho tange lutii, “Siikasi nyibuheniiñ, ayu hoka nyibuhenii chuli.”

LUK KA AYAPUYU 24:19

Ho mo mo anye mi lutii, “Nii drih atañmi?” Ho mo anye mohmi lutii, Nazaret ka Jisu ka piigo micho, nyibuhenii, tamo miiniiñ luniiñ Pinii la hikha miyu atañka hataho,

JON KA AYAPUYU 1:25

Mohlu mohmi takatii, “Hokoda niimpa no baptisma bidu, no matiirḛ Kristo makoda, malo Elija makoda, malo nyibuhenii makoda?”

LUK KA AYAPUYU 13:33

Hojalopa ngo ngiika ingo mi inkiñdo lodake siilo ho arda ho ahlyi niika allo ho; niimpalukoda siikasi hiila make nyibuhenii atañ Jerusalem hokiila agoho lyukiñ do hiila.’

LUK KA AYAPUYU 7:39

Siisi Parisi mohmi gyolii bo hiimi kappa lala, mo atoh lusutii, “Siika miyu si matiirḛ nyibuhenii koda, mo chinkiñdo si hu ho niihtañ nyimii hiila huna mohmi tene biidonii, niimpalukoda mo ingyamiigyanii kone.”

METHU 21:10

Ho mo Jerusalem ho ahkele, hikha citi hii rukha adu ritii, lubiidola, “Hupe si?”

METHU 21:26

Ho ngunu matiirḛ ludokoda, Miyu kokii, ngunu miyu atañmi biisodo; niimpalukoda hikha miyuatañ Jon mi nyibuhenii lunyada.

METHU 21:46

Hojalo mohlu mohmi pattiih bopa henka lala, mohlu miyu danii atañmi biisotii, niimpalukoda mohlu mohmi nyibuhenii hiila khiitii.