METHU 19:16 - NITI GONTU N.T. (BSI)

¹⁶ Ho kato, kone mohko ahtii, lubiidola, “Tonsḛrbo, nii aya miigo ngo miido kodape, santḛrlamanii sango kappa kendonii?”

METHU 19:16 ပူးပေါင်းရင်းမြစ်များ

JUD KA SIITI KENIIÑ 1:21

nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.

JON KA AYAPUYU 3:15

niimpalukoda hujalo henje talyi hiimi santḛrlamanii sango bidupa.”

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

1 JON 1:2

sango mika kapa dopa miilyiho, ho ngunu hiimi kappatii, ho hiimi pyakodu, ho nunumi gyukodu santḛrlamanii sangomi niihna Aba ko donii ho ngunumi kapa dopa miitiinii,

METHU 25:46

Ho mohlu mungu mapa ka miikhiiñ ko gandaho inkiñdo, hojalo denki atañ santḛrlamanii sango dokoho.

TAITAS 3:7

niimpalukoda ngunumi lupya dukupa hiila mohka aroh-aya lo ho pensikoniiñ pa lyidoku santḛrlamanii sango ka hentiñ ho.

1 JON 2:25

Ho siikasi niihna mo hemme bitii nii ngunupa, santḛrlamanii sango.

TAITAS 1:2

santḛrlamanii sango ka hentiñ naniiñho nii mina Pinii, huna pema gollu manii, ayu kolyuñkolo hoka hemme biniiñ

1 TIMOTI 6:19

hiitañpa atii tiikuñ siibiito atohpa aya liidi rabiidola ahlyinii allopa, niimpalukoda mohlumi sango mi sala dopa niihna jije sango nii.

1 TIMOTI 6:12

Pagomi aya paju ho pato henjelo; santḛrlamanii sango mi hendi biitolya niihpana niimi gyotiinii niika abuje haki atañka hataho khadiko khako kopa .

MIINIIÑ 16:30

ho mo anye mi ago lingiila ho lutii, “Miyu anyesi, niihpe ngo miido koda lyangur kokiñ donii?”

ROM MIKA POL KA SIITI KENIIÑ 5:21

hopa, ingyamiigya hii shiiniiñ mi dogiitii, aroh-aya hiitiirḛ dogii kendo denkilo santḛrlamanii sango mi Jisu Kristo ngunuka Attoh kiilo.

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

JON KA AYAPUYU 12:25

Hu attoh ka sango mi abyo siido hii alyu siidu, ho huna attoh ka sango mi siika dohadolo so hempa siidonii hii santḛrlamanii sango pa dokiñdo.

JON KA AYAPUYU 10:28

ho ngo mohlumi santḛrlamanii sango bidu, ho mohlu iche hetḛr lyukiñma, ho kone hetḛr mohlumi ngiika alah hokii robii lakiñma.

JON KA AYAPUYU 6:68

Saimon Pitar mohmi lusitii, “Attoh, huko ngunu inchi? Niiko santḛrlamanii sango ka aguñ hii do;

JON KA AYAPUYU 6:47

Jijeloda, jijeloda, ngo nunumi lukoso, huna henjedonii hiiko santḛrlamanii sango doke.

JON KA AYAPUYU 5:39

Nunu piniipota mi medo, niimpalukoda nunu hendo hiiko santḛrlamanii sango do hiila; ho hiika atañke ngiipa haki bitiinii;

JON KA AYAPUYU 4:14

hojalo hujalopa ngiika yasie biniiñ hokii tanchi hii ronge hetḛr hangḛr keñku ma, ngiika yasie biniiñ hii mohko shoo huliñnii yasie pa lyikiñdo santḛrlamanii sango pa huliñla dokiñdo.”

METHU 19:29

Ho kone abi huna ude malo anuabañ malo barmii malo aba malo annii malo himme malo ganda nencha, ngiika armyañ kiipa apatiinii, hii lange abuyapa pasi kendo, ho santḛrlamanii sango mi kappa kendota.

1 TIMOTI 1:16

hojalo ngo aroh mi patiiku siika piigopa, niimpalukoda ngo, akhojalyinii, Jisu Kristo mohka digoabiaya pigiiniimi kakiñ ladopa katiñ naniipa hiika atañpa hutiina mohmi henje kendonii santḛrlamanii sango pa.

METHU 19:26

Hojalo Jisu mohlumi kadi lala ho mohlumi lutii, “miyu pakoda si miila kema, hojalo Pinii pakoda kapane drih mi miila kendoke.”

METHU 19:15

Ho mo mohka alah mi mohlumi tenka tekula ho intiiku.