METHU 16:27 - NITI GONTU N.T. (BSI)

²⁷ Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

METHU 16:27 ပူးပေါင်းရင်းမြစ်များ

METHU 13:41

Miyu ka Oho mohka miidopopi atañmi kiiniñ kendo, ho mohlu mohka raddeganda hoka ingyamiigya dopaka miigiinii ho hikha ayamanii miinii atañmi gyokuñ kendo,

METHU 13:49

Hopa siika atañsi anyañ nyantḛr kupa miilyiho lyikiñdo. Miidopopi atañ ahkiñdo ho diimmah mi denki hokii kakhu linkiñdo,

METHU 24:30

hiikahiiba ho miyu ka Oho ka kagiñnanii hii yapuñho dari kendo, ho hikha kiiddiapiñ daka halu atañ heru nyakiñdo, ho mohlu miyu ka Oho mi yapuñ daka jomii ho harchichike ka agiñho huda khada ahla doniimi kappa kendo;

METHU 25:31

Miyu ka Oho ka huda khada ahlyi kuho, ho hikha miidopopi atañka agiñho, mo mohka tatu katu duta naniiñho dukiñdo.

METHU 26:64

Jisu mohmi lutii, “No ludonii hiila siilo. Hojalopa ngo nunumi lukoso, siisikiija nunu miyu ka Oho mi Pinii ka lahbi alah ho dupa kappa kendo harchichike mi giitola, ho dariiganda daka jomii ho ahla dopa kappa kendo.”

METHU 8:20

Ho Jisu mohmi lutii, “Yali pa ubu dodu, ho piita patḛr asi; hojalo miyu ka Oho pa dinta dingi kotrḛ nyima.”

MAK KA AYAPUYU 14:62

Ho Jisu lutii, “ḛh ngo; ho nunu kappa kendoke Miyu ka Oho mi Pinii ka lahbi alah ho dupa harchichike giitola, ho Jomii agiñho yapuñ hahoho ahla dopa.”

MAK KA AYAPUYU 8:38

Huna ngiimi ho ngiika aguñpa hiinyañ talyi nii siika gollu misu ho ingyamiigya santuñ so, mohlumi Miyu ka Oho tiirḛ hiinyañ nyansi kendo niidana mo huda khada mohka Aba ko ahchi nii darii miidopopi agiñho.”

LUK KA AYAPUYU 21:27

Ho mohlu miyu ka Oho mi harchichike ho tatu katu ka agiñho jomii ho ahla dopa kappa kendo.

LUK KA AYAPUYU 22:69

Hojalo siisi kiija miyu ka Oho Pinii ka harchichike lo lahbi alah dalyiho dukiñ do.”

LUK KA AYAPUYU 9:26

Niimpalukoda hujalopa ngiipa la ngiika aguñpa hiinyañ talyi, hiipa miyu ka Oho tiirḛ hiinyañ talyi niida mo mohka tatukatu ho ahchiku ho Aba ka tatukatu ho darii miidopopi atañka agiñho.

JON KA AYAPUYU 21:22

Jisu mohmi lutii, “Ngiika henko matiirḛ lyido koda mo ngiika ahlyi ku lohepa dalya dokoda, hiimi no niihpa? Ngiimi imbo monto!”

JON KA AYAPUYU 21:23

Luniiñsi hikha adhoganda anubarmii miilañ tapa tii siika henjeajiñ shiikiñma hiila; hojalo Jisu mohmi no shiikiñma hiila lumatii, hojalo, “Ngiika henko matiirḛ lyido koda mo ngiika ahlyi ko lohepa dalya dokoda, hiimi no niihpa?”

MIINIIÑ 1:11

ho lutii, “Galili daka miyuatañ, niimpa nunu dala yapuñ ho kala da? Siika Jisu, humina nunukokii dariiganda ho chagii nekunii, ahkur kendo si chulipa niihtañpa nunu mohmi dariiganda ho chadopa kappatii.”

ROM MIKA POL KA SIITI KENIIÑ 14:12

Hopa kone abi ngunu luko siikiñ do atohka miiniiñ luniiñmi Pinii mi.

ROM MIKA POL KA SIITI KENIIÑ 2:6

Niimpalukoda mo kone abi miyu mi mohka miiniiñ chulipa bikiñdo:

1 KORINTIA 15:23

Hojalo kone abi atoh ka myoduho: Kristo ahee hipyoja, hiikahiiba ho mohka ahlyi kuho hutiina Kristo kiinii.

1 KORINTIA 3:13

kone abika miigo miiniiñmi kakiñ kendo; niimpalukoda Allo hii hiimi lokiñ kendo, niimpalukoda hiika hiimi yamulo yakiñ kendo, ho yamu hii yaka kendo niihtañ miigona kone abi miitiinii hiila.

1 KORINTIA 8:8

Diigo hii ngunumi uroyapa Pinii ko ahde dopa miigii kemake. Ngunu ayamaya pa lyikiñdo hiila lyimake siimi diimmah kopa hiila, ho aya lyakiñdo hiila tiirḛ lyimake ngunu matiirḛ diido koda.

2 KORINTIA 5:10

Niimpalukoda ngunu miilañru Kristo ka ayakacho kako duko ho ahkiñdo loda, niimpalukoda kone abimi aya malo ayamanii mi larii kiine dupa, niihtañ pana mo miitiinii mohka apo ho.

IPISIA 6:8

chimbii dola niijalo miyu aya miigo miichi, mo hii chulipa Attoh kokii lakur kendoku hiila, miirajalo malo dasḛr miyu jalo.

KOLOSIA 3:25

Niimpalukoda ayamapa ka miinii atañmi miijomi bikur kendoke mohluka ayamapa ka miiniiñpa, ho hiiko hang hengu here nyikiñma.

1 TESOLONIA 1:10

ho mohka Oho mi kalya dupa dariiganda hokii, humina mo seritiikunii shiiniiñ hokii, Jisu huna ngunumi tupya donii hempḛr uro ahsanii hadii hokii.

1 TESOLONIA 4:16

Niimpalukoda Attoh mohloda dariiganda hokii tokiñdo gyula lubiidola, akuñmiidopopi ka gyoniiñ agiñho, ho Pinii ka siirii muniiñ agiñho. Ho Kristo koka shiinii hii turi turpyo kendoku;

JEMS 5:7

Ahhakeyiñ nyato, hopa, anubarmii atañ, Attoh ka amiñ dayemi. Kato, aji miinii atañ kalya nyadu khiiniiñ ahee kiiddiapiñ hoka hiliñ niimi, ahhakeyiñ la kalya biilyadu nii dahepa nyibya ho kami paka miido huniiñ hii hutema.

1 PITAR 1:17

Ho nunu matiirḛ mohmi Aba hiila gyodu milo huna henguhere mapa halii kendonii mohka miiniiñ jaho, atohmi nunu biiso biidola miitolya hikha nunuka soka mompa koto laka dudo hemi.

1 JON 2:28

Ho siisi, himme atu atañ, mohmi giigela dato, niimpalukoda niida mo ahchiku ngunu hatiimiilii dadupa ho hiinyañ la achu giila dama dopa mohka ahlyi ko.

JUD KA SIITI KENIIÑ 1:14

Siika drih kiipa tiirḛ Enok Adam kokiila kanunii santuñ bo nyibuhentii, lubiidola, “Kato, Attoh ahla do mohka hempḛr toro darii miidopopi atañ agiñho,

MIHUKAKIÑNIIÑ 1:7

Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.

MIHUKAKIÑNIIÑ 2:23

ho ngo mohka wiinga mi shiidopa miichi. Ho hikha gyoliñkonii atañ chinkiñdo ngoke hii huna punyu la ahha nyimi mechi ladunii, ho ngo kone abimi bichi nunuka miigo miijo atañmi.

MIHUKAKIÑNIIÑ 20:12

Ho ngo kapato shiinii mi, kaye atu nyimi, raddeduko ka hataho dapa, ho kheta atañmi beko biine. Hiira kheta taheyami beko biine, hiikahii sango ka kheta. Ho shiinii atañmi halii biine nii hiila na kheta atañ ho ketola donii, niihna mohlu miitiinii.