METHU 16:24 - NITI GONTU N.T. (BSI)

²⁴ Ho Jisu henjeajiñ atañmi lukotii, Hujalo matiirḛ ngiika kiiliñho ahbo nando koda, mohmi atoh mi hempa siike nento ho mohka sangya mi jobiila ho ngiimi imbo monke nento.

METHU 16:24 ပူးပေါင်းရင်းမြစ်များ

METHU 10:38

ho huna atoh ka pogyañ mi jobiila ho ngiimi imbo tamanii hii ngiipa khiiniiñpa lyima.

LUK KA AYAPUYU 14:27

Hujalopa atoh ka pogyañ mi bagiimapa ho ngiika kiiliñ ho ahbotalyi, ngiika henjeajiñ pa lyila kema.

MAK KA AYAPUYU 10:21

Ho Jisu mohmi kadi biidola mohmi hentii, ho mohmi lutii, “No ngoya kone miichi make; inge, pyunge niiko hoka donii atañmi, ho arroatu atañmi binge, ho niika mingo hii dariiganda hoke dokiñ donii; ho ahla, ngiika kiiliñ ho imboto.”

2 TIMOTI 3:12

Jije lusu dokoda huna piniihenju giitola sango sannañ donii Kristo Jisu ko miihimiire kokiñdo,

MAK KA AYAPUYU 8:34

Ho mo miyu abujemi mohka henjeajiñ atañka agiñho gyola lala, ho mohlumi lutii, “Huna ngiika kiiliñ ho matiirḛ imbo talyinii, atoh mi hempa siike nento ho mohka pogyañ mi jobiila ho ngiimi imbo monto.

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

JON KA AYAPUYU 19:17

Hopa mohlu Jisu mi ingiitii, ho mo intii, mohka atoh pogyañ mi jobii tola, hiika gandaho dinkhu ganda lukoho, nii mina Hebrew ho Golgota lutii nii.

1 TESOLONIA 3:3

niimpalukoda kone mitrḛ abyu madopa siika pamyotakho sokii. Nunu atoh loda chindo siikasi ngunupa bardiñ lasu.

METHU 27:32

Mohlu ila dokele, mohlu Sairene hokii miyu kone ahla dopa kappatii, mohka armyañ Saimon hiila; hiika miyu mi chechepa Jisu ka pogyañ mi jobii bitote hiila kheliitii.

MAK KA AYAPUYU 15:21

Ho mohlu chechepa impo biila ila donii kone, Sairene daka Saimon mi, mo khiibe ganda hokii ura apa ahla doniimi, Alejandar la Rufus nyika aba, Jisu ka dapo mi jobii bitote hiila kheliitii.

LUK KA AYAPUYU 23:26

Ho mohlu mohmi ingiila dokele, mohlu Sairene hoka Saimon mi setutii, ganda ka ago hokii ahku laka doniimi, ho pogyañ mi mohmi jobitii, Jisu ka kiiliñ ho jobii tola inke nendupa.

JON KA AYAPUYU 21:19

(Siikasi mo lutii niihtañ pana mo shiikiñ tiinii Pinii mi assañdiilañ dupa.) Ho hiikahiiba ho mo mohmi lutii, “Ngiika kiiliñho imboto.”

JON KA AYAPUYU 21:22

Jisu mohmi lutii, “Ngiika henko matiirḛ lyido koda mo ngiika ahlyi ku lohepa dalya dokoda, hiimi no niihpa? Ngiimi imbo monto!”

1 PITAR 2:21

Niimpalukoda siika sipa nunumi gyoliñtii, niimpalukoda Kristo tiirḛ nunupa heru hembi tii, nunupa katiñ naniiñpa apa bibii dola, niimpalukoda nunumi mohka dako ho dabo monke nendupa.