METHU 13:35 - NITI GONTU N.T. (BSI)

³⁵ Siikasi nyibuhenii ka luniiñmi lyipe kiine dupa miitii: “Ngo ngiika aguñmi lutiñnaniiñ luna naniiñpa gonko talyi, Ngo luliñ talyi niihna dohadolo mika pulyiho achuñ tiinii.”

METHU 13:35 ပူးပေါင်းရင်းမြစ်များ

IPISIA 3:9

ho hikha miyu atañmi kapa kiine dupa niihna michilamanii henjuniimi achuñ tola dotiinii santuñ abuje hepa Pinii huna hikha drih atañmi putiinii;

1 KORINTIA 2:7

Hojalo ngunu mih chimanii ho Pinii ka achuñ tola donii chila mike tiilii duniiñ, Niimina Pinii ayuho miiju tiinii ngunu mika assañ naniipa.

JON KA AYAPUYU 17:24

Aba, ngo hendo mohlutrḛ, humina no ngiimi bitiinii, ngiika agiñho dado koda nohna ngo danii, ngiika tatukatu mi kapa dopa niika ngiimika biniiñmi niika heniiñ ho dohadolo mika pumarampa.

METHU 25:34

Ho Radde mohka lahbi dalyi hoka danii atañmi lukiñdo, Ahto, ngiika Aba ka Lyaniiñ atañ, nunupaka dohadolo mika pulyi jaho hokii ka miimyo tola donii raddeganda mi labii heku;

IPISIA 3:5

nii mina chinke nematiinii miyu ka oho atañmi khiibe santuñ ho hiimi siisi kakiñtiiku mohka darii kiiniñkonii atañ la nyibuhenii atañmi Yajiyallo lo;

MIHUKAKIÑNIIÑ 13:8

ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

METHU 13:14

Mohluko lyipetii Aijaya ka nyibuhelaka luniiñ: Nunu tasuda hojalo tachiñ nyama, ho nunu kaniiñhii kasuda pema kachiñ nyama.

MIHUKAKIÑNIIÑ 17:8

Achu-amyo niika kapanii hii, ho siisi nyima, ho hiika hii kamoramba ura hokii chakiñdo ho pamyo kenko ho inkiñdo; ho kiiddiapiñ hoka dunii atañ huka armyañ na sango ka kheta ho kemanii dohadolo mika liidi rabii jaho hokii, kapuñtale nyakiñdo achu-amyo mi kala la, niimpalukoda hiika hii dune ho nyima ho ahkiñ do.

LUK KA AYAPUYU 10:14

Hojalo ayakacho kalyi kuho Tyre la Sidon nyiya pigiilaya kendo nunumi hentola.

MIINIIÑ 15:18

Attoh lutii, hu siika drih atañmi bilo ka khu hokii chindopa miitii.

HIBRU 1:1

Abuje ho ponsa ponsa lembopa Pinii luriitii ayuho ngunuka aba atañmi nyibuhenii atañlo;

METHU 5:2

Ho mo aguñ luritii, ho mohlumi tonsḛrtii, lubiidola:

METHU 13:3

Ho mo mohlumi lukotii abuje drih lutiñ naniilo, lubiidola: Lilonii kone lilotapa intii.