METHU 12:50 - NITI GONTU N.T. (BSI)

⁵⁰ Niimpalukoda hujalopa dariiganda daka Aba ka henko jaho miichi hii ngiika anu, ho barmii, ho annii.”

METHU 12:50 ပူးပေါင်းရင်းမြစ်များ

LUK KA AYAPUYU 8:21

Hojalo mo mohlumi lutii, “Ngiika annii la ngiika anuabañ atañ hiike huna Pinii aguñmi tadonii ho hiimi miidonii.”

MAK KA AYAPUYU 3:35

Hujalopa Pinii henju jaho miichi hii ngiika anuabañ ho barmii ho annii.”

JON KA AYAPUYU 15:14

Nunu ngiika ajiñ atañ ke nunu ngiika nunumika luniiñmi miido koda.

JON KA AYAPUYU 6:29

Jisu mohlumi lusitii, “Siika sike Pinii ka miigo, nunuka mohmika henjenii hii humina mo kiiniñ tiinii.”

METHU 28:10

Ho Jisu mohlumi lutii, “Biisoyo; inge ho lukohe ngiika anubarmii atañmi Galili ho inge hiila, ho hiikoho mohlu ngiimi kappa kendoke.”

ROM MIKA POL KA SIITI KENIIÑ 8:29

Niimpalukoda humina mo chimpyo tiinii mo bardiñsoyu mitiirḛ bitii mohka oho chuli lyidopa, niimpalukoda mohmi kapyo jaka wiinga bukoniipa miidupa abuje anubarmii atañka punkoho.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

1 JON 2:17

Ho dohadolo hii lyukiñ doke, ho hiimika kalyi kabyonii; hojalo huna Pinii ka henko jaho miidonii hii ayudahepa sankiñdo.

METHU 25:40

Ho Radde mohlumi luko lusi kendo, Jijeloda, Ngo nunumi lukoso, nunuka siika khiima janii ngiika anubarmii atañ mika kalyañ nii hii, nunu ngiimi ke kalyañ donii.

1 TIMOTI 5:2

akhaya nyimii mi annii atañ hiilyañpa khiito lya, ajañya nyimii mi barmii hiilyañ khiito, hikha dariilo.

1 PITAR 4:2

hopa siisi kii sango sansa niimi miyu ka helyihembyo ka sanju ho sayo hojalo Pinii ka henko jaho santo.

GELESIA 6:15

Niimpalukoda hopa mitupipa koniiñmi hangpa khiima, malo mitupipakoma niimi, hojalo niti puliñnii.

JON KA AYAPUYU 20:17

Jisu mohmi lutii, Ngiimi tenneyo, niimpalukoda ngo siisilohepa Aba ko chama ranke; hojalo ngiika anubarmii ko ingela ho mohlumi lunge, ngo chalyi kuke ngiika Aba ho nunuka Aba ko, ngiika Pinii ho nunuka Pinii ko.

MIHUKAKIÑNIIÑ 22:14

Lyanko kendo hiika atañ hutiina mohluka tarii mi ase tiikunii, niimpalukoda mohlumi diila dopa sango ka sannii hokii ho mohlumi hagya hopa citi ho ahla dopa.

KOLOSIA 3:11

So Grik ho Jew hiila lyila kema, mitupikonii ho mitupikomanii, moreymiyu, dimpiirapii, miira, dasḛrmiyu, hojalo Kristoke hikharu, ho hikharuko hoke.

GELESIA 5:6

Niimpalukoda Kristo Jisu ko mitupipa koniiñ malo mitupipa komanii hang ponsa siima, hojalo henje hiike miigo miidonii hensu niilo.

MIINIIÑ 17:30

Henchiñ mapa ka myodu mi Pinii kagotii, hojalo siisi mo hikha miyu atañmi kapane hokiimi henkur tote hiila ludo,

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

HIBRU 5:9

ho digoabiaya dopa miiko lala mo santḛrlamanii sangopyako pa lyibitii miilañ rupa hutiina mohka luniiñ tadonii,

2 KORINTIA 11:2

Ngo piniikariñ kachañ ho nunumi kariñdo, niimpalukoda ngo nunumi lumyo bitiiku Kristo pa nunumi darii mihie konepa hiila mohpa millo ako kontii pa.

MIINIIÑ 26:20

hojalo kapyopa Damaskas daka dunii mi luko lupyotii, ho Jerusalem, ho hikha Judia gandaho, ho Midomiyu atañ kotrḛ, niimpalukoda mohlumi henkur la Pinii ko ahkur kiine dukupa ho aya miigo miike nendupa mohluka henkur kuniiñmi.

METHU 25:45

Ho mo lusi kendo mohlumi, Jijeloda, Ngo nunumi lukoso, nunu ngiika siika khiimaniija anubarmii kone mi kalyañ tama lutii koda hii ngiimi ke kalyañ tama lutiinii.

1 KORINTIA 9:5

Ngunu mihie lo inkuñ kola kema ha, khiibe kiiniñkonii hiilyañ ho Attoh koka anubarmii atañ ho Cepas hiilyañ?

METHU 12:49

Ho mohka alah lo mohka henjeajiñ atañmi nyalala, mo lutii, “Sinya ngiika annii ho ngiika anubarmii!

METHU 13:1

Hiika allo ho Jisu ude hokii ago lintii ho siimie ka aruñho dutii.