METHU 12:28 - NITI GONTU N.T. (BSI)

²⁸ Hojalo siikasi matiirḛ ngo Pinii ka Yajiyallo lo igii mi mompa dokoda, ho Pinii ka raddeganda hii nunuko ahdo kuke.

METHU 12:28 ပူးပေါင်းရင်းမြစ်များ

LUK KA AYAPUYU 11:20

Hojalo siikasi matiirḛ Pinii ka lahchi lo igii atañmi Ngo mompa dokoda, ho Pinii ka raddeganda hii nunuko ahdo kuke.

METHU 21:43

Hopa Ngo nunumi lukoso, Pinii ka raddeganda mi nunukokii labii kendo kuke ho nii ganda na ahee hiliñ donii hiimi bikiñdo.

METHU 6:33

Hojalopa kapyopa Pinii ka raddeganda la mohka denki miya mepyoto, ho hikha siika drih atañ mitrḛ niimi bikiñ doke.

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

KOLOSIA 1:13

Mo ngunumi tupya tiiku kamo ka hamiñbiiniiñ hokii ho nengu tiiku ngunumi mohka heniiñja Oho ka raddeganda ho,

ROM MIKA POL KA SIITI KENIIÑ 14:17

Niimpalukoda Pinii ka raddeganda hii diigo la tango kiimake hojalo denki ho chimie ho hempyo ke Darii Yajiyallo agiñho;

LUK KA AYAPUYU 16:16

“Dapo la nyibuhenii nyi done Jon ka ahlyi lohepa; hiikii hokiija Pinii ka raddeganda ka aya payu atañ tonsḛrkhenyo tii, ho kone abi hiiko chechepa ahnya do.

MAK KA AYAPUYU 1:15

ho lubiido, “Myodu dokuke, ho Pinii ka raddeganda hii tunii dokuke; henkur nyato, ho Ayapuyu mi henje nyato.”

METHU 21:31

Siika anye sokii hu aba ka heniiñ chulipa miitii?” mohlu lutii, “Kapyobo.” Jisu mohlumi lutii, Jijeloda, Ngo nunumi lukoso, biijokajo myanii la pfyoaridiisunii atañ nunumi impyo yapa Pinii ka raddeganda ho indoke.

LUK KA AYAPUYU 9:2

ho mo kiiniñ biido Pinii ka raddeganda mi tonsḛr khenyo niipa ho miipya niipa.

MAK KA AYAPUYU 16:17

Ho siika kagiñnanii atañsi dojo monkiñdo huna henje nyadonii: ngiika armyañ pa mohlu igii atañmi mompa kendo; mohlu niti aguñ lukiñ do;

HIBRU 12:28

Hopa kiije ngunu payapacho lusa huku lamanii raddeganda mika larii kopa, ho hopa kiije ngunu Pinii mi larii lasaniika heriiniimi bisa, khiibii dola ho biiso biidola;

LUK KA AYAPUYU 10:11

Nunuka taun hoka dimḛr lohepa ngunu alih hoka giiniimi, ngunu pija siibii lyike nunumi chekhola; pema nunu simi chilyayo, Pinii ka raddeganda hii aruñho ahdoku hiila.

MAK KA AYAPUYU 11:10

Lyanko kendo ngunuka aba David ka raddeganda ahlyiniisi! ayohjaho ho Hosana!”

METHU 12:18

“Kato, ngiika miira humina ngo kahe tiinii, ngiika heniiñja humina ngiika yallo hempyo biidonii. Ngo ngiika Yajiyallo mi mohko atiitalyi, ho mo jijemi gyuko kendo Midomiyu punkoho.

METHU 4:24

Hopa mohka tatukatu mi hikha Sairia ho tapa tatii patii, ho mohlu hikha achih niimi mohko ahgii bitii, huna une giila ho achihnii, jarpiñ konii, tahisiitiñ nii, ho liikuñnii atañ, ho mo mohlumi miipya bitii.

METHU 12:29

Malo niihtañpa miyu kone tamo miyu ka ude ahla kendo ho mohka drih mi diipyo lakiñdo, nii dahepa mo hiika tamo miyu mi ratola atiitama? Hosu mo diipyo lakiñ siidonii mohka ude mi.

1 JON 3:8

Mo huna ingyamiigya donii hii igii kokii; niimpalukoda igii si lotu jaho hokii ingyamiigyanii. Pinii ka Oho ahdo paka lyiniiñsi igii ka miigo miiniiñmi pyadu dupa hiila.