METHU 11:21 - NITI GONTU N.T. (BSI)

²¹ “Nunupa aiya hiila hembido, Korajin! Nunupa aiya hiila hembido, Betsaida! Niimpalukoda nunukoka kahe miigo miiniiñmi Tayer la Sidon nyiho miitii kodalya, mohlu bilo henkur tiikudo niirepulye la mubu nyiho.

METHU 11:21 ပူးပေါင်းရင်းမြစ်များ

MIINIIÑ 12:20

Siisi Herod Tayer la Sidon nyika miyu atañmi hadiitii; ho mohlu tonge pa mohko ahtii, ho Blastus mi lyarpyotii, radde kiimi ka kalya binii, mohlu chimie bipe hiila kutii, niimpalukoda mohluka ganda hii radde ka ganda mi hentiñ tii diigopa.

JON KA AYAPUYU 12:21

Hopa hiika atañ Pilip ko ahtii, Galili daka Betsaida hokiitii, ho mohmi lutii, “Tonsḛrbo, ngunu Jisu mi kapa nando.”

LUK KA AYAPUYU 9:10

Kiiniñkonii atañ mohlu ahkur biikula mohmi lukotii mohlu niihna miitiinii. Ho mo mohlumi ingiila ho Betsaida luniiñ citi ho ingiitiiku.

MAK KA AYAPUYU 6:45

Nyibyaloda mo mohka henjeajiñ atañmi huluho ducha kiine lala ho mohmi kapyo yapa pache dalyiho boke nentii, Betsaida gandaho, mohka miyuatañ mika nempya nensa tadoho.

METHU 15:21

Ho Jisu hokii intiiku ho Tayer la Sidon nyika gandachie ho intii.

JUD KA SIITI KENIIÑ 1:11

Aiya hiila hembido mohlupa! Niimpalukoda mohlu Ken ka inchañ ho indo, ho mohlu atohmi apa siibiido niimpalukoda paser miiliñbiidupa Balam ka miikha ko jaho, ho Kora ka chekho ko lyubo mondu pa hiila.

JON KA AYAPUYU 1:44

Siisi Pilip Betsaida hokiitii, Andrew la Pitar nyika citi hokii.

LUK KA AYAPUYU 6:17

Ho mo mohluka agiñho akañ ho totii ho hapa lengo ho datii, abuje mohka henjeajiñ atañ ho hempḛr miyu taro Judia hokii ho Jerusalem hokii Tayer la Sidon nyika siimie siilyo hokii, mohka luniiñmi tadupa ho mohluka achih-ahe atañ hokii miipya kodupa hiila ahtii;

MAK KA AYAPUYU 8:22

Ho mohlu Betsaida ho ahtii. Ho miyu tange micha miyu kone mi mohko ahgiitii, ho yartii mohmi tenka tope hiila mohmi.

MAK KA AYAPUYU 7:31

Ho mo Tayer ka ganda hokii ahkur tiiku, ho Sidon hopa ila Galili ka Siimie dalyiho intii, Lemba polyañhe ka ganda siiko dalyi hopa.

MAK KA AYAPUYU 3:8

ho Jerusalem ho Idumia ho Jordan ka pache dalyi hokii ho Tayer la Sidon aruñare hokii miilañ hempḛr miyu taropa, mohka miiniiñmi tapa lala, mohko ahtii.

METHU 18:7

Aya hiila hembido dohadolo mi ingyamiigya dopaka tenkalarka niimi! Niimpalukoda tenkalarka ahniiñ ahkiñdo, hojalo aiya la hembido huko hokiina tenkalarka hii ahdonii!

METHU 11:22

Hojalo Ngo nunumi lukoso, ayakacho kalyi alloho Tayer la Sidon nyitrḛ pigiilaya kendoke nunumi hentola.

MIINIIÑ 27:3

Allo lohe yaho ngunu Sidon ho domo; ho Julius Pol mi helakala ne, ho mohmi mohka ajiñ atañ ko miilañ kiiniñlala ho kalyañ kada ne.

LUK KA AYAPUYU 4:26

ho Elija mi mohluka agiñho kone kotrḛ kiiniñma hojalo Zarepat ko kontiisii, Sidon gandaho, annii akha hiimie kone ko.

MAK KA AYAPUYU 7:24

Ho hiiko hokii Jisu guri kula ho Tayer la Sidon ganda siiko dalyi intii. Mo ude pinge ho ahtii, ho mihlo chingko namatii, hojalopa mo achu giila matii.

METHU 26:24

Niimpalukoda miyu ka Oho hii nii hiila mohmi ketola do hiila lyikiñdo, hojalo hiika miyu mi aiya hiila hembido huna miyu ka Oho mi talubalo kendo nii! Hiika miyu pa wiinga buko matii koda ya aya yakiñne.”

MIHUKAKIÑNIIÑ 6:12

Mo khiihnii jhipponiimi miiko kiile, ngo kapato, ho kato, hiikoho hempḛr uro myobu hudomi; ho danyi hii piichañ gata naniiñ mitrḛ jih yadomi, karbyañ piilo hii ai hiilyañ lyine,

MIHUKAKIÑNIIÑ 11:3

Ho ngo ngiika haki anye mi nyibuhela dopa harchichike mi bichi 1260 allo hendopa, niirepulye giitola.”