METHU 10:23 - NITI GONTU N.T. (BSI)

²³ Niida nunumi taun koneho miihimiire talyi, kone yaho hargiitolya; niimpalukoda jijeloda, Ngo nunumi lukoso, nunu Isrel ka hikha taunho inja ladii make, miyu ka Oho ka ahma rampa.

METHU 10:23 ပူးပေါင်းရင်းမြစ်များ

METHU 16:28

Jijeloda, Ngo nunumi lukoso, so tange danyada mohlu miyu ka Oho mi mohka raddeganda ho ahma rampa mohlu shiinii mi hempa kempa ke.

MIINIIÑ 17:10

Anubarmii atañ nyibya loda Pol la Silas nyimi ayoh ho Beroea ho kiiniñ nempatii; ho mohlu ahchi biikele mohlu Jew atañka sinagog ho ahtii.

MIINIIÑ 8:1

Ho Sol mohka shiiniiñ mi ḛh hiila talii biido Ho hiika allo ho hempḛr uro miihimiire miiri nyatii Jerusalem daka gyoliñkonii atañmi; ho mohlu hikha harpya harsa haja giitii Judia ho Samaria gandaho, kiiniñkonii atañmi apalala.

MAK KA AYAPUYU 13:26

Ho mohlu ‘Miyu ka milobo oho’ mi jomii ho ahla dopa kappa kendo hempḛr kaye harchichike ho huda khada agiñho.

LUK KA AYAPUYU 21:27

Ho mohlu miyu ka Oho mi harchichike ho tatu katu ka agiñho jomii ho ahla dopa kappa kendo.

LUK KA AYAPUYU 18:8

Ngo nunumi lukoso, mo nyibya loda mohlumi lupya bikiñdo. Hiilamakoda, niida miyu ka Oho ahchi ku, mo kiiddiapiñ so henje kappa kendo ha?”

JON KA AYAPUYU 7:1

Siika hiiba ho Jisu Galili dalyiho intii; mo Judia dalyi imatii, niimpalukoda Jew atañ mohmi mendupa mela dotii.

METHU 26:64

Jisu mohmi lutii, “No ludonii hiila siilo. Hojalopa ngo nunumi lukoso, siisikiija nunu miyu ka Oho mi Pinii ka lahbi alah ho dupa kappa kendo harchichike mi giitola, ho dariiganda daka jomii ho ahla dopa kappa kendo.”

METHU 24:30

hiikahiiba ho miyu ka Oho ka kagiñnanii hii yapuñho dari kendo, ho hikha kiiddiapiñ daka halu atañ heru nyakiñdo, ho mohlu miyu ka Oho mi yapuñ daka jomii ho harchichike ka agiñho huda khada ahla doniimi kappa kendo;

MIINIIÑ 17:14

Ho anubarmii atañ nyibya loda Pol mi kiiniñ tiiku yasie siimie lembo pa, hojalo Sailas la Timoti nyi hiiko datiirañ.

METHU 25:13

Hopa hendila dato, niimpalukoda nunu chimake allo mi ho myodu mitrḛ.

METHU 24:48

Hojalo hiika diimmah miira matiirḛ atoh atoh lusu dokoda, Ngiika atoh nyibya ahkiñ make,

METHU 24:27

Niimpalukoda dolya danyichaggo dalyiho byodo koda danyiaggo dalyi lohepa hutoh byodu, hiichuli kendo miyu ka Oho ka ahniiñ.

METHU 23:34

Hopa Ngo nunumi nyibuhenii ho chilamiyu ho pagenii atañmi kiiniñ bito, nunu tange mi menkiñdo ho leda kendo, ho tangemi nunu sinagog ho higya pakiñdo ho miihimiire kendo ganda siiko kone abi,

METHU 4:12

Siisi mo Jon mi patiibotii hiila tapa lala, mo Galili ho ingu giitii;

METHU 2:13

Siisi mohluka inne kuho, kato, Attoh ka miidopopi Josep ka emmako ahtii ho lutii, “Gurito, wiinga la mohka annii nyimi ingiila, ho Egip ho hargii he, ho ngiika luko menda hemi ho duhe; niimpalukoda Herod wiinga mi mehpa miido ke, mohmi mempa dupa.”

MIINIIÑ 20:1

Chesuresu hii yanu hiku kiile, Pol henjeajiñ atañmi gyobiido ho mohlumi harolupatela mohluko hokii indoku ho Masedonia ho intii.

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

METHU 23:36

Jijeloda, Ngo nunumi lukoso, hikha siika atañsi siika santuñ rongeso ahkiñ doke.

METHU 24:34

Jijeloda, Ngo nunumi lukoso, siika santuñ ronge si santḛr kemma ke niida lohepa siika drih si lyitema.