METHU 10:22 - NITI GONTU N.T. (BSI)

²² ho nunu kone abilo kahu kokiñdo ngiika armyañ pa. Hojalo huna kami kalo lohepa pigii talyinii hii lyangur kokiñdo.

METHU 10:22 ပူးပေါင်းရင်းမြစ်များ

METHU 24:13

Hojalo huna kamikalo lohepa pigii talyinii hii lyangur kokiñdo.

JEMS 1:12

Lyanko kendo hiika miyu huna tenka niimi pigiiladonii, niimpalukoda mo tenka niimi datḛr giido koda mo sango ka tayyiñbyopa mi kapa kendo nii mina Pinii hemme bitola donii huna mohmi hendo nii.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MAK KA AYAPUYU 13:13

ho nunu kone abilo kahu kokiñdo ngiika armyañ pa. Hojalo huna kami kalo lohepa pigii talyinii hii lyangur kokiñdo.

METHU 10:39

Huna atohka sango kappa talyinii hii alyu siikiñdo hiimi, ho huna alyu siitiinii ngiipa hii sango kappa kendo.

1 JON 3:13

kahotamo nyayo, anubarmii atañ, dohadolo si nunumi kana mapa miido hiila.

METHU 24:9

Ho mohlu nunumi hentḛrkanyi lohepa tiilii bilyi diike, ho nunumi siidopa miilyido; ho nunumi hikha miyuatañ ngiika piigopa kanamapa miikiñdo.

ROM MIKA POL KA SIITI KENIIÑ 2:7

hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

HIBRU 6:11

Ho ngunu hendo nunu kone abimi siika heniiñ ahiñ jami giikiñcho hendḛr rila hentiñ naniiñ ka hemme biniiñ mi kamikalo lohepa,

JON KA AYAPUYU 17:14

Ngo mohlumi niika aguñmi bibii lyike; ho dohadolo si mohlumi kana malyike niimpalukoda mohlu dohadolo hokiima, niihtañpa ngo tiirḛ dohadolo hokiima.

GELESIA 6:9

Hopa kiije ngunu aya miigo miisa niimi renge masa, niimpalukoda myodu ahlyi ko ngunu pikiñ duku ke, ngunu matiirḛ ahha hame makoda.

LUK KA AYAPUYU 6:22

Lyanko kendo nunu niida nunumi miyuatañ kanamapa miichi, ho nunu mika khiipa liilyiho ho nyapalyiho, ho nunuka armyañ mi diimmah hiila khiipa liilyiho, miyu Oho ka piigopa!

2 KORINTIA 4:11

Niimpalukoda ngunuka sala ka dohoso ngunu kiirañ shiigo lohe pa hempa bitii Jisu kiipa, niimpalukoda Jisu ka sango mi ngunuka shiila sanii apo ho kakiñ dupa hiila.

METHU 5:11

Lyanko kendo nunu niida miyu atañlo ahiare ho miihimiire ho kapane ayamanii ngiika piigopa khiilii kochi.

MIHUKAKIÑNIIÑ 2:17

Hii hukiina yaroo giidonii, mohmi take nento niihna Yajiyallo ludonii gyoliñkonii atañmi. Hiika atañmi hutiina pamiñdonii ngo bichi manna tonge achuñ tola doniimi, ho ngo mohmi puloo yalañ mi bichi, niti armyañ ka agiñho hiika yalañho ketola nii mina kone hetrḛ chimanii hii kontiisii huna hiimi lariidonii.’

JON KA AYAPUYU 7:7

Dohadolo nunumi kariñ kemake, hojalo si ngiimi ke kariñ kendonii niimpalukoda ngo ludu mohluka miigo atañsi diimmah hiila.

LUK KA AYAPUYU 8:15

Ho hiika aya kiiddi hoka chohinii atañ pakoda, hiika atañke, aguñmi tala lala, hiimi aya lodapa ho ahha aya ho tage giidu, ho pigii biidola ahee hiliñ giidu.

MIHUKAKIÑNIIÑ 3:21

Hii huna pamiñdonii, ngo mohmi ngiika agiñho raddeduko ho dugii talyi, niihtañpa ngo atoh tiirḛ pamiñtii ho ngiika Aba ka raddeduko ho dubo du.

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

HIBRU 3:14

Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

MIHUKAKIÑNIIÑ 2:26

Hii huna pamiñdonii ho huna biidonii ngiika miigomi kamikalo lohepa, ngo mohmi harchichike mi bichi ganda atañmi sangii ladopa,

MIINIIÑ 9:16

niimpalukoda ngo mohmi kakiñtii niimkane mo ngiika armyañ pa heru hembi kendo.”

MIHUKAKIÑNIIÑ 2:3

Ngo chindo nunuka yanu paka pigii niimi ho ngiika armyañ kiipa heru hembi niimi, ho nunu renge marañ.

LUK KA AYAPUYU 21:17

nunu kone abilo kana mapa miiko kendo ngiika armyañ kiipa.

LUK KA AYAPUYU 21:19

Nunuka pigii niilo nunu nunuka sango mi kappa kendo.