METHU 10:15 - NITI GONTU N.T. (BSI)

¹⁵ Jijeloda, Ngo nunumi lukoso, ayakacho kalyiku alloho Sodom la Gomora ganda nyitrḛ pigiilaya kendoke siika taun mi hentola.

METHU 10:15 ပူးပေါင်းရင်းမြစ်များ

2 PITAR 2:6

Sodom la Gomora chitañ citi mi muyupa dopa matiirḛ miitii koda mo mohlumi lyumedopa khiiliitii ho mohlumi katiñ naniiñpa miitii hutiina piniihenju ho henya manii;

1 JON 4:17

Siika so hensunii hii digoabiaya giido ngunuko, ngunumi hatii ladopa ayakacho kalyiko allo hopa, niimpalukoda mohka danii hiilyañ ngunu tiirḛ siika dohadolo so da.

2 PITAR 3:7

Hojalo hiika aguñ luniiñ ahiñ lo kiiddi la yapuñ nyi siisi ka doniimi atii tiikuñ biido yamu hompa dupa, atii biido ayakacho kalyi allo lohepa ho piniimika heriimanii miyu atañmi pyadu lolyi lyihepa.

2 PITAR 2:9

ho Attoh chindu niitañpana tupya kendonii piniimiyu atañmi tenka nii hokii, ho ingyamiigya miyu atañmi atii biidu miikhiiñ dupa ayakacho kalyi allo lohepa,

MAK KA AYAPUYU 6:11

Ho nii ganda na nunumi karii tama nii ho nunu luniiñmi tate manii, nunuka ilyi kuho, nunuka alih daka siimu giinii lohepa pipa siito kulya aya miima keha hiila luko lugiñ naniiñpa.”

METHU 12:36

Ngo nunumi lukoso, ayakacho kalyi allo ho miyu atañka aguñ gonge abi mohluka gompa gola goliñnii lohepa luko dokupa lyikiñdo;

METHU 5:18

Niimpalukoda jijeloda, ngo nunumi lukoso, nii dahepa dariiganda la kiiddiapiñ nyi lyute ma, petu pere tiirḛ, pechi pere tiirḛ pagenii dapo hokii, lyukiñ ma nii dahepa hikha lyipe tama.

METHU 7:22

Hiika allo ho abuje ngiimi lukiñ do, Atoh, Atoh, ngunu niika armyañ pa nyibuhema toha, ho niika armyañ lo igii mompa matoha, ho abuje tamo-chikho miigo miima toha niika armyañ pa?

JON KA AYAPUYU 6:39

ho siikasi mohka heniiñ huna ngiimi kiiniñ tiinii, ngiimi hang kone mitrḛ hikha mo biniiñ mi alyu mado koda hiila, hojalo kami kalo ho mohmi seri kiine dupa.

JON KA AYAPUYU 6:40

Niimpalukoda siikasi ngiika Aba ka heniiñ, koneabi huna Oho mi kapa lala ho mohmi henje talyi nii hiiko santḛrlamanii sango dopa; ho ngo hiimi kami allo ho seri talyiku.”

JON KA AYAPUYU 12:48

Huna ngiimi khiipa donii ho ngiika kolobiisie niimi, halii tiiku; ngiika aguñ luniiñ hii mohmi halii kendo kami allo ho

MIINIIÑ 17:31

niimpalukoda mo allo mi khiimyo tokula doku mo ayakacho mi kadupa dohadolo daka denkimi miyu atañmi kagiñ nala humina mo kahetiinii, ho shiipa mo hikha miyu atañmi bitiiku mohmi shiiniiñ hokii turiturku kiine lala.

1 KORINTIA 3:13

kone abika miigo miiniiñmi kakiñ kendo; niimpalukoda Allo hii hiimi lokiñ kendo, niimpalukoda hiika hiimi yamulo yakiñ kendo, ho yamu hii yaka kendo niihtañ miigona kone abi miitiinii hiila.

1 TESOLONIA 5:4

Hojalo nunu kamo ho dama ke, anubarmii atañ, niimpalukoda hiika allo hii nunumi diipyo nii hiilyañ aluñ dopa miikiñ make.

HIBRU 10:25

tonge paka kapa siisa niimi assuale mapa, tonge hiila miinya data, hojalo kone anyañmi haro lupa siito, ho hiimi tiirḛ uro yapa nunu kapado Allo hii tunii dokuke.

JUD KA SIITI KENIIÑ 1:6

Ho miidopopi atañ hutiina atohka dasako daku matiinii hojalo mohluka ayapaka dusa komika apabomi atiibiido mo lyulamasa niika dachañ ranyilo ratola kamoramba ho atiitii kaye allo ka ayakacho kalyi hopa;

JUD KA SIITI KENIIÑ 1:7

Sodom la Gomora nyi hiilyañpa ho aruñare daka citi atañ hiilyañ, hutiina helyihembyo nyatiinii ho dumiñ henju maniiñka kalyikabyo ho chubḛr hanyatiinii, kagiñnaniipa miikhiiñ nyakotii lyamelamanii yamu lyakoho.