METHU 10:14 - NITI GONTU N.T. (BSI)

¹⁴ Ho mi matiirḛ nunumi kariikatañ malyi milo malo nunuka luniiñ tama lyimilo, nunuka alih daka dimḛr mi lohe pipa siitolya nunuka hiika ude mi malo taun mika apatela ilyi kuho.

METHU 10:14 ပူးပေါင်းရင်းမြစ်များ

MIINIIÑ 18:6

Ho mohlu chekhola ho mohmi ayamapa lubiido, mo mohka abitarii mi pisupidiñ siila la ho mohlumi lutii, “Nunuka ai mi nunu kosuke halii kokiñ siidonii! ngo lusa giima lyike ah. Siisi kiija ngo Midomiyu atañ ko inchi.”

MIINIIÑ 13:51

Hojalo mohlu mohluka alih daka dimḛr mi pipa siitii mohlumi chekhola, ho Ikonium ho intii.

LUK KA AYAPUYU 9:5

Ho nohjalopa nunumi karii tama, nunuka ilyi kuho, nunuka alih daka dimḛr giiniimi pipa siito kulya mohlumi pyako pyagiñ naniiñpa.”

MAK KA AYAPUYU 6:11

Ho nii ganda na nunumi karii tama nii ho nunu luniiñmi tate manii, nunuka ilyi kuho, nunuka alih daka siimu giinii lohepa pipa siito kulya aya miima keha hiila luko lugiñ naniiñpa.”

1 TESOLONIA 4:8

Hopa hujalopa siika siimi khiima pama miichi, miyu mi khiima miima hojalo Pinii mi, huna nunumi mohka Darii Yajiyallo mi bidonii.

JON KA AYAPUYU 13:20

Jijeloda, jijeloda, ngo nunumi lukoso, huna kone mijalo ngiika kiiniñ niimi karii donii; ho huna ngiimi karii donii hii mohmi kariido huna ngiimi kiiniñ tiinii.”

MAK KA AYAPUYU 9:37

“Hujalopa si chitañ himme mi ngiika armyañ pa karii talyi hii ngiimi kariido, ho hujalopa ngiimi karii talyi, hii ngiimi kariima hojalo hu ngiimi kiiniñtii hiimike karii donii.”

METHU 18:5

Hujalopa si chitañ himme mi karii talyi ngiika armyañ pa hii ngiimi ke karii donii;

LUK KA AYAPUYU 9:48

ho mohlumi lutii, “Hujalopa siika himme siimi larii talyi hii ngiimi lariido, ho hujalo ngiimi larii talyi hii mohmitrḛ lariido huna ngiimi kiiniñ tiinii; niimpalukoda huna nunu miilañ ruka punkoho khiima janii hiike kahe jahii.”

METHU 10:13

Ho udeuru matiirḛ kariikatañ lyimilo, ho nunuka chimie mi ahta monke nento; hojalo hii matiirḛ kariikatañ malyi milo, nunuka chimie mi nunuko ahkur kiine tokulya.