MAK KA AYAPUYU 9:7 - NITI GONTU N.T. (BSI)

⁷ Ho mohlumi jomii harpu habiitii, ho jomii hokii aguñgonge luliñtii, “Si ngiika heniiñja Oho ke; mo luniiñ tato.”

MAK KA AYAPUYU 9:7 ပူးပေါင်းရင်းမြစ်များ

METHU 27:43

Mo Pinii mi henjeda; Pinii mi mohmi siisi tupya kiineto, mo matiirḛ mohmi anna dokoda; niimpalukoda mo lutii, Ngo Pinii ka Oho ke.

METHU 27:54

Ho Rom sipahi sabii ho mohka agiñ hoka danii, Jisu mi kahlya la dola, myobu huniiñ mi ho nii lyitii hiimi kappatii, mohlu biiso nyatii, ho lutii, “Jijeloda Siikasi Pinii ka oho ke!”

METHU 3:17

ho kato, aguñ gonge yapuñ hokii luliñdo, lubiidola, “Siikasi ngiika heniiñja oho, humina ngo ano hempyo biidunii.”

MAK KA AYAPUYU 1:11

Ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”

MAK KA AYAPUYU 9:6

Mo nii hiilape luchinii hiila hendḛr lamapa lyitii, niimpalukoda mohlu hempḛr uro biiso nyatii.

MAK KA AYAPUYU 9:8

Ho aluñpada mohlu kahikasotii, kone hetḛr mohluka aruñho kappa kumatii, hojalo Jisu kontii misu.

LUK KA AYAPUYU 3:22

ho Darii Yajiyallo mohko apopa totii, pakoo chulipa, ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”

JON KA AYAPUYU 1:34

Ho ngo kappatii ho haki pa lyilyi siikasi Pinii ka Oho ke hiila.”

JON KA AYAPUYU 1:49

Natanel mohmi lusitii, “Tonsḛrbo, no Pinii ka Oho! No Isrel ka Radde!”

JON KA AYAPUYU 12:28

Aba, niika armyañ mi assañ diilañto. Ho dariiganda hokii aguñ gonge luliñtii, “Ngo hiimi assañdiilañ tiikuke, ho hiira ngo hiimi assañdiilañ talyi.”

JON KA AYAPUYU 19:7

Jew atañ mohmi lusitii, “Ngunu ko dapo do, ho hiika dapo kii dalyipa mo shiido pa lyido, niimpalukoda mo atohmi Pinii ka Oho pa miisuda.”

JON KA AYAPUYU 20:31

hojalo siika atañ siimi ka keniiñsi nunumi Jisu hii Kristo hiila henje kiine dupa, Pinii ka Oho, ho henje biidola nunumi sango kapa kiine dupa mohka armyañ pa.

JON KA AYAPUYU 5:18

Siika sipa Jew atañ uroyaya metii mohmi mendu pa hiila, niimpalukoda mo dumoalo mi kontii muduloma, hiikahaho ho Pinii mi mohka Aba hiila lubiidola hiila, attohmi Pinii kalyañ miisuda.

JON KA AYAPUYU 5:37

Ho Aba huna ngiimi kiiniñ tiinii mo loda ngiimi haki bitii. Mohka aguñmi nunu ronge hetḛr tapa make, mo niihtañ hiimi nunu ronge hetḛr kappa make;

JON KA AYAPUYU 6:69

ho ngunu henjedu, ho chindo, no Pinii ka Darii kone hiila.”

JON KA AYAPUYU 9:35

Jisu tapatii mohlu mohmi mompa biine hiila, ho mohmi kapa lala mo lutii, “No henje duha miyu ka Oho mi?”

MIINIIÑ 1:9

Ho mo siimi luku lala, mohluka kala dorañpa, mohmi chagii tiiku, ho jomii mohmi hipu biitii mohluka kadopa.

MIINIIÑ 7:37

Siika sike Mose huna Isrel miyu atañmi lutiinii, Pinii nunupa nyibuhenii nunuka anubarmii hokii sucha bikiñdo niihtañpa ngiimi suchatii.

MIINIIÑ 8:36

Ho mo anye lembo ila dokele mo anye yasie aruñho ahtii, ho eunuch lutii, “Kato, si yasie! Nii ngiika baptisma lasa niimi lutiñ lakiñ kendo?”

ROM MIKA POL KA SIITI KENIIÑ 1:4

ho Pinii ka Oho lutii Yajiyallo ka darii ka harchichikelo mohka shiiniiñ hokii ka turiturku kuko hopa, Jisu Kristo ngunu Attoh,

HIBRU 2:1

Hopa ngunu taniiyala tagekendo niihna ngunu tapa tiinii, hiilamakoda ngunu hiikohokii ngokiñdo.

2 PITAR 1:17

Niimpalukoda mohka khiiniiñ la tatukatu nyimi Pinii Aba kokii ka larii lyiho ho luliñnii mohmika lulyi ho Kayeja tatukatulo, “Siikasi ngiika heniiñja Oho ke, humina ngo ano hempyo biidunii,”

1 JON 5:20

Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

MIHUKAKIÑNIIÑ 1:7

Kato, mo jomiika agiñho ahla do, ho kone abika amee mohmi kapa kendo, hiika atañ lohepa huna mohmi niikhii tiinii; ho hikha kiiddiapiñ daka halugiira atañ heru kendo mohkiipa. Hiipa tiirḛ. Amen.