MAK KA AYAPUYU 9:25 - NITI GONTU N.T. (BSI)

²⁵ Ho Jisu miyuabuje tonge paka hara niimi kappa lala, mo kacho yajiyallo mi gabiido, hiimi hiila lubiido, “No luha ho rubi yajiyallo, Ngo niimi luduke, mohkokii agoho lintoku, ho hiira mohko ahku yakuyo!”

MAK KA AYAPUYU 9:25 ပူးပေါင်းရင်းမြစ်များ

MIINIIÑ 16:18

Ho siika siimi mo abuje allo miitii. Hojalo Pol hadiitii, ho mokur biila ho yajiyallo mi lutii, “Ngo niimi Jisu Kristo ka armyañ pa lubii lyike mohkokii lintoku.” Ho hii hiika myodu jaho ago lintiiku.

LUK KA AYAPUYU 9:42

Mo ahla dokele, igii mohmi siiche lotii ho hitiñ lotii. Hojalo Jisu kacho yajiyallo mi gatii, ho himme mi miipyatii, ho mohka aba mi bikur tiiku.

MAK KA AYAPUYU 9:15

Ho nyibyaloda hikha miyuatañ, Jisu mi kappa lala, mohlu hemur nyatii, ho mohlu mohka aruñho haratii ho mohmi ayahelyi lutii.

METHU 17:18

Ho Jisu mohmi gatii, ho igii mohkokii lintiiku, ho himme mi atta jaho miipyatii.

JUD KA SIITI KENIIÑ 1:9

Hojalo akhoja miidopopi Mikel ka, igii ka agiñ hoka gasu lyiho, Mose ka apo paka chesu lyiho, mo mohmi ayakacho haliipa hematii, hojalo lutii, “Attoh niimi gadoke.”

LUK KA AYAPUYU 11:14

Siisi mo luhanii igii mi mompa la dotii; igii hii inku kiile, luha miyu hii luri tiiku, ho miyuatañ hemur nyatii.

LUK KA AYAPUYU 8:29

Niimpalukoda mo kacho yajiyallo mi miyu kokii linto kute hiila lutii. (Niimpalukoda hempḛr abuje mohmi ratii; mohmi dagur biitii, ho dachañ ranyi la dachañ tapḛr lo rato la atiitii, hojalo mo hiimi dure giila igii lo zabyo ho lingii kotii.)

LUK KA AYAPUYU 4:41

Ho igii tiirḛ abuje miyu kokii lintiiku, gyunya biidola, “No Pinii ka Oho!” Hojalo mo mohlumi gatii, ho kone mitrḛ luke nematii, niimpalukoda mohlu chintii mo Kristo hiila.

LUK KA AYAPUYU 4:35

Hojalo Jisu mohmi gatii, lubiidola, “Aduyo, ho mohkokii linto ku!” Ho igii mohmi mohluka punkoho ripa lolala, igii mohkokii lintiiku, mohmi hang heru miipa mapa.

METHU 12:22

Ho rubi micha igii jarpiñ koniimi mohko ahgii bitii, ho mo mohmi miipyatii, hopa luha miyu lula tiiku ho kapatiiku.

MAK KA AYAPUYU 9:24

Nyibyaloda himme ka aba gyuritii ho lutii, “Ngo henje duke; hembyuñ pe ngiika henjemanii mi!”

MAK KA AYAPUYU 9:26

Ho goropa gyulala ho mohmi hempḛr uropa hitiñ lola la, hii agoho lintiiku, ho milobo atu hii shiima chuli lyitii, hopa abuya miyuatañ lutii, “Mo shiido kuke.”