MAK KA AYAPUYU 9:20 - NITI GONTU N.T. (BSI)

²⁰ Ho mohlu milobo himme mi mohko ahgii bitii. Ho mohmi yajiyallo kappa lala, nyibya loda himme mi ritiñ lotii, ho mo kiiddi ho giihitii ho bahii bakhe miitii, aguñho sarpu purliñtii.

MAK KA AYAPUYU 9:20 ပူးပေါင်းရင်းမြစ်များ

MAK KA AYAPUYU 1:26

Ho kacho yajiyallo, mohmi ritiñ lolala ho hempḛr goropa gyula lala, hiika miyu kokii lintiiku.

LUK KA AYAPUYU 4:35

Hojalo Jisu mohmi gatii, lubiidola, “Aduyo, ho mohkokii linto ku!” Ho igii mohmi mohluka punkoho ripa lolala, igii mohkokii lintiiku, mohmi hang heru miipa mapa.

1 PITAR 5:8

Hendi tolya, kadila duto. Nunuka ahha-banii igii gyaduñla dake patii gyuniiñ hiilyañ, meduñla hu kone mijalo diidupa hiila.

JON KA AYAPUYU 8:44

Nunu nunuka aba igii kokii, ho nunuka heniiñ hii nunu aba ka henko ho miichi hiila. Mo lotu jaho hokii miyumenii, ho jije agiñho hang miisa nyimake, niimpalukoda mohko hang jije giima. Mohka amuh lyiho, mo ludu mohka atoh henju jaho, niimpalukoda mo gollunii ho golluka aba.

LUK KA AYAPUYU 9:42

Mo ahla dokele, igii mohmi siiche lotii ho hitiñ lotii. Hojalo Jisu kacho yajiyallo mi gatii, ho himme mi miipyatii, ho mohka aba mi bikur tiiku.

LUK KA AYAPUYU 8:29

Niimpalukoda mo kacho yajiyallo mi miyu kokii linto kute hiila lutii. (Niimpalukoda hempḛr abuje mohmi ratii; mohmi dagur biitii, ho dachañ ranyi la dachañ tapḛr lo rato la atiitii, hojalo mo hiimi dure giila igii lo zabyo ho lingii kotii.)

MAK KA AYAPUYU 9:26

Ho goropa gyulala ho mohmi hempḛr uropa hitiñ lola la, hii agoho lintiiku, ho milobo atu hii shiima chuli lyitii, hopa abuya miyuatañ lutii, “Mo shiido kuke.”

MAK KA AYAPUYU 9:18

ho mohmi jarpiñ hadalyi, mohmi hitiñ lodado; ho mo sappu riibe ho mohka aih mi nyensu da ho hempḛr alḛr ridu; ho ngo niika henjeajiñ atañmi siimi mompa tope hiila lubiidu, hojalo mohlu mompa lama.”

MAK KA AYAPUYU 9:19

Ho mo mohlumi lukobiido, “Nunu henje giimanii santuñ atañ, nii dahepa Ngo nunu agiñho dabo talyi? Nii dahepa ngo nunu agiñho hembo mola dachi? Mohmi ngiiko ahgii.”

MAK KA AYAPUYU 9:21

Ho Jisu mohka aba mi takatii, “Niidukii mo sitañpa lyihala miine?” Ho mo lutii, “himme ajañ jaho hokii.

LUK KA AYAPUYU 9:39

ho kato, yajiyallo mohmi latu biidu, ho mo aluñ pada gyuridu; hiika hii mohmi hitiñ lobiitola biidu nii dahepa sarpu puliñ tama, ho mohmi miimii ripa miidu, ho cheche pasu mohmi apa sudu kunii.