MAK KA AYAPUYU 9:19 - NITI GONTU N.T. (BSI)

¹⁹ Ho mo mohlumi lukobiido, “Nunu henje giimanii santuñ atañ, nii dahepa Ngo nunu agiñho dabo talyi? Nii dahepa ngo nunu agiñho hembo mola dachi? Mohmi ngiiko ahgii.”

MAK KA AYAPUYU 9:19 ပူးပေါင်းရင်းမြစ်များ

JON KA AYAPUYU 20:27

Ho mo Tomas mi lutii, “Niika lahchi mi so tenga to, ho ngiika alah mi kato; ho niika alah mi lyuliñ biila, ho ngiika khiike ho tenga to; henjemapa miiyo, hojalo henjeto.”

MAK KA AYAPUYU 16:14

Hiikahiiba ho mo alyañlenkuñ he henjeajiñ atañka punkoho ahtii mohluka diigo diiko hoka duho; ho mo mohluka henje paponiimi ho tajemala hiila gabii do, niimpalukoda mohlu taje matii mohka turi kunii mika kappa niimi.

LUK KA AYAPUYU 24:25

Ho mo mo anye mi lutii, “Piicha anyesi, ho haso paka ahha henjebo hikha nyibuhenii atañka luniiñmi!

LUK KA AYAPUYU 9:41

Jisu lusitii, “O henje manii ho ingyamiigya santuñ, nii dahepa Ngo nunu agiñho dachi ho nunumi hembyuñ talyi? Niika oho mi so ahgii.”

METHU 17:17

Ho Jisu lusitii, “O henje manii ho ingyamiigya halugiira atañ, nii dahepa Ngo nunu agiñho dabo monchi? Nii dahepa Ngo nunumi hembyuñ mola dachi? Mohmi so ngiiko ahgii.”

JON KA AYAPUYU 12:27

Siisi ngiika yallo si ahiaredo. Ho niihiila pe ngo luchinii? Aba, ngiimi siika myodu sokii lyangur pe? Ma, siika piigopa ngo siika myodu so ahdu.

MAK KA AYAPUYU 9:18

ho mohmi jarpiñ hadalyi, mohmi hitiñ lodado; ho mo sappu riibe ho mohka aih mi nyensu da ho hempḛr alḛr ridu; ho ngo niika henjeajiñ atañmi siimi mompa tope hiila lubiidu, hojalo mohlu mompa lama.”

MAK KA AYAPUYU 9:20

Ho mohlu milobo himme mi mohko ahgii bitii. Ho mohmi yajiyallo kappa lala, nyibya loda himme mi ritiñ lotii, ho mo kiiddi ho giihitii ho bahii bakhe miitii, aguñho sarpu purliñtii.