MAK KA AYAPUYU 8:38 - NITI GONTU N.T. (BSI)

³⁸ Huna ngiimi ho ngiika aguñpa hiinyañ talyi nii siika gollu misu ho ingyamiigya santuñ so, mohlumi Miyu ka Oho tiirḛ hiinyañ nyansi kendo niidana mo huda khada mohka Aba ko ahchi nii darii miidopopi agiñho.”

MAK KA AYAPUYU 8:38 ပူးပေါင်းရင်းမြစ်များ

ROM MIKA POL KA SIITI KENIIÑ 1:16

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

1 JON 2:23

Kone kotrḛ huna Oho mi mapa donii Aba nyima. Hii huna Oho mi khako donii hiiko Aba tiirḛ du.

JEMS 4:4

Lotiimanii pukonii atañ! Nunu chimapo dohadolo mika ajiñ niisi Pinii ka ahha-banii pa lyido hiila? Hopa hu jalopa dohadolo mi ajiñ talyi hii atohmi Pinii ka ahha-banii pa miisu do.

LUK KA AYAPUYU 9:26

Niimpalukoda hujalopa ngiipa la ngiika aguñpa hiinyañ talyi, hiipa miyu ka Oho tiirḛ hiinyañ talyi niida mo mohka tatukatu ho ahchiku ho Aba ka tatukatu ho darii miidopopi atañka agiñho.

2 TIMOTI 1:8

Hiinyañ yo ngunu Attoh mika pyako saniiñmi, malo ngiimi mohka pattiih tunko bomi, hojalo hembyuñ monto herumi heniiñmi ayapuyu pa Pinii ka harchichikelo,

METHU 26:64

Jisu mohmi lutii, “No ludonii hiila siilo. Hojalopa ngo nunumi lukoso, siisikiija nunu miyu ka Oho mi Pinii ka lahbi alah ho dupa kappa kendo harchichike mi giitola, ho dariiganda daka jomii ho ahla dopa kappa kendo.”

METHU 16:27

Niimpalukoda Miyu ka Oho ahkiñdo mohka miidopopi agiñho mohka Aba ka tatukatu lyiho, ho mo hikha miyu atañmi bikiñdo niihna mohlu miitiinii.

HIBRU 11:26

Mo Kristo paka heru hembi niimi uro mingotamo yapa hentii Egip hoka alḛrdrih doniimi hentola, niimpalukoda mo ajju kosa niimi katii.

HIBRU 11:16

Hojalo siikasi, mohlu ayaya ganda mi kapa nala hentii, hiika hii, dariiganda hokii. Hiikohopa Pinii hiinyañ matii mohluka Pinii hiila ka gyoko saniiñmi, niimpalukoda mo mohlupa citi miimyo bitii.

2 TIMOTI 1:12

ho hopa ngo heruhendu siisika henchañho. Hojalo ngo hiinyañma, niimpalukoda ngo chindo ngo humi henjedu hiila, ho ngo hentiñdo mo dagur lakiñdo hiika allo lyihepa nii mina ngiimi kabii tote hiila bitiinii.

METHU 12:39

Hojalo mo mohlumi lusitii, “diimmah ho ipfyodiipyo santuñ atañsi kagiñnanii medo; hojalo hang kagiñnanii kakiñ kema nyibuhenii Jona mika kagiñnanii mi apa lala.

JON KA AYAPUYU 1:51

Ho mo mohmi lutii, “Jijeloda, jijeloda, ngo niimi lukoso, no dariiganda mi yako dopa kappa kendoke, ho Pinii ka miidopopi mi tola ho chala miyu ka Oho ka hahoho.”

METHU 25:31

Miyu ka Oho ka huda khada ahlyi kuho, ho hikha miidopopi atañka agiñho, mo mohka tatu katu duta naniiñho dukiñdo.

METHU 24:30

hiikahiiba ho miyu ka Oho ka kagiñnanii hii yapuñho dari kendo, ho hikha kiiddiapiñ daka halu atañ heru nyakiñdo, ho mohlu miyu ka Oho mi yapuñ daka jomii ho harchichike ka agiñho huda khada ahla doniimi kappa kendo;

LUK KA AYAPUYU 19:26

Ngo nunumi lukoso, kone abi hukiina donii hiimi abuyapa bikiñdo; hojalo hukiina nyimanii hiiko hokii, niihna mohko donii hiimi miilañ lara biikiñ doku.

METHU 13:41

Miyu ka Oho mohka miidopopi atañmi kiiniñ kendo, ho mohlu mohka raddeganda hoka ingyamiigya dopaka miigiinii ho hikha ayamanii miinii atañmi gyokuñ kendo,

HIBRU 13:13

Hopa kiije ngunu mohka agiñho tabyoude dukuñko agoho linsa, ho hembosa hiinyañmohi mohka pigii niimi.

2 TIMOTI 1:16

Attoh aroh mi bikiñcho Onesiporus ka uru atañmi, niimpalukoda mo kiirañ ngiimi jojo lupa; mo ngiika dachañranyi pa hiinyañ mane,

GELESIA 6:14

Hojalo ngo koda Jisu Kristo ka dapo mika assañ niimi sii talii siichinii, niilona dohadolo mi ngiimi leda bitii kunii, ho ngo dohadolopa.

MIINIIÑ 5:41

Ho mohlu bulyañ kokii intiiku, hempyo biidola mohlumi khiitii hiila niimpalukoda khiimanii armyañ pa heru hembi dopa.

JON KA AYAPUYU 12:34

Miyuabuje danii atañ mohmi lusitii, “Ngunu dapo ho tapa to Kristo ayu dahepa dukiñdo hiila. Niihtañ pa no ludu miyu ka Oho mi yucha kendo hiila? Hu siika miyu ka Oho?”

JON KA AYAPUYU 5:27

ho mohmi otority mi bitola do ayakacho kaniipa, niimpalukoda mo miyu ka Oho.

JON KA AYAPUYU 1:14

Ho Aguñ hii asiialyo pa lyitii ho ngunuka punkoho duhatii, aroh-aya la jije poteje giitola; ngunu ko mohka tatukatu hii do, hiila ka tatu katu mo Aba ka hiiro kone kontii.

MAK KA AYAPUYU 14:62

Ho Jisu lutii, “ḛh ngo; ho nunu kappa kendoke Miyu ka Oho mi Pinii ka lahbi alah ho dupa harchichike giitola, ho Jomii agiñho yapuñ hahoho ahla dopa.”

METHU 16:4

Diimmah ho ipfyodiipyo santuñ atañsi kagiñnanii medo, hojalo hang kagiñnanii kakiñ kema Jona mika kagiñnanii mi apa lala.” Ho mohlumi apatela ho intiiku.

METHU 8:20

Ho Jisu mohmi lutii, “Yali pa ubu dodu, ho piita patḛr asi; hojalo miyu ka Oho pa dinta dingi kotrḛ nyima.”

METHU 16:28

Jijeloda, Ngo nunumi lukoso, so tange danyada mohlu miyu ka Oho mi mohka raddeganda ho ahma rampa mohlu shiinii mi hempa kempa ke.

MAK KA AYAPUYU 8:37

Niimpalukoda mohka sango pa mo nii billi siila kendo?

MAK KA AYAPUYU 13:26

Ho mohlu ‘Miyu ka milobo oho’ mi jomii ho ahla dopa kappa kendo hempḛr kaye harchichike ho huda khada agiñho.

MIINIIÑ 10:22

Ho mohlu lutii, Kornelius, sipahi sabii, denki ho Pinii mika biisonii miyu, huna hikha Jew ganda loka khiikonii, darii miidopopi lo luko kotola niipa kiiniñtii mohka ude ho ahgii hiila, ho niika lusaniimi tadupa

1 TESOLONIA 2:19

Niimpalukoda nii ngunuka hentiñnanii malo hempyo malo hentiilaka khansunii tahiñbyopa ngunuka Attoh Jisu mohka ahlyikuho? Siikasi nunu masu peha?

1 TESOLONIA 3:13

niimpalukoda mo nunuka ahha ho miibi nedo hang pahañhansa giimadopa darii ho ngunuka Pinii ho Aba ka hataho, ngunu Attoh Jisu ka ahlyi kuho hikha mohka piniimiyu atañ agiñho.

1 JON 2:28

Ho siisi, himme atu atañ, mohmi giigela dato, niimpalukoda niida mo ahchiku ngunu hatiimiilii dadupa ho hiinyañ la achu giila dama dopa mohka ahlyi ko.

MIHUKAKIÑNIIÑ 14:10

mo tiirḛ tankiñdo Pinii ka hadii ow mi, toliñtii miiyomanii mi mohka hadii ka turla ho, ho mohmi yamu ho herudopa lyakiñ do ho sulphur ho darii miidopopi atañka hataho ho Subuñ ka hataho.