MAK KA AYAPUYU 8:35 - NITI GONTU N.T. (BSI)

³⁵ Niimpalukoda huna atoh ka sango mi lyangur siina donii hii hiimi alyu siikiñdo, ho huna ngiika piigopa ho aya puyu ka piigopa mohluka sango mi alyu siitiinii hii lyangur siida.

MAK KA AYAPUYU 8:35 ပူးပေါင်းရင်းမြစ်များ

1 KORINTIA 9:23

Ngo hikha siika atañ siimi ayapuyu kiipa siike miisu dunii, niimpalukoda ngo hiiko hokii lyaniiñ mi tache kodupa hiila.

2 TIMOTI 1:8

Hiinyañ yo ngunu Attoh mika pyako saniiñmi, malo ngiimi mohka pattiih tunko bomi, hojalo hembyuñ monto herumi heniiñmi ayapuyu pa Pinii ka harchichikelo,

LUK KA AYAPUYU 17:33

Hujalopa atoh ka sango mi sandupa mesu talyi alyu siikiñdo hiimi, hojalo hujalo mohka sango mi alyu siichi hiimi atiisiibii kendo.

METHU 16:25

Niimpalukoda hujalopa atoh ka sango mi lyangur siichi hiimi alyu siikiñ doke, ho hujalopa mohka sango mi ngiipa alyu siichi hiimi pakiñ doke.

METHU 19:29

Ho kone abi huna ude malo anuabañ malo barmii malo aba malo annii malo himme malo ganda nencha, ngiika armyañ kiipa apatiinii, hii lange abuyapa pasi kendo, ho santḛrlamanii sango mi kappa kendota.

METHU 10:39

Huna atohka sango kappa talyinii hii alyu siikiñdo hiimi, ho huna alyu siitiinii ngiipa hii sango kappa kendo.

2 KORINTIA 12:10

Niimpalukoda Kristo kiipa, hokoda, ngo hembyañ biichi ajju hotiirḛ, hiinyañmiipanii, henkhiimilyiñ, miihimiire, ho hachesiire hotiirḛ; ngiika ajju lyiho, ho ngo alḛrdu.

MIINIIÑ 9:16

niimpalukoda ngo mohmi kakiñtii niimkane mo ngiika armyañ pa heru hembi kendo.”

LUK KA AYAPUYU 9:24

Niimpalukoda hujalopa atoh sango mi lyangur siichi hiimi alyu siikiñ do; ho hujalopa mohka sango mi ngiika piigopa alyu siichi, mo hiimi lyangur siikiñdo.

MIHUKAKIÑNIIÑ 12:11

Ho mohlu mohmi pamiñtii Subuñ ka ai lo ho mohluka aguñ pyako niilo, niimpalukoda mohlu mohluka sangomi abyo siimatii shiihi lyihepa.

METHU 10:22

ho nunu kone abilo kahu kokiñdo ngiika armyañ pa. Hojalo huna kami kalo lohepa pigii talyinii hii lyangur kokiñdo.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIINIIÑ 21:13

Ho Pol lusitii, “Niina nunu mudunii, khela ho ngiika ahha mi tatu kiine la? Ngo pattiih kontii tunko pamake hojalo Jerusalem ho siidu pajalo hendi duke Attoh Jisu Kristo ka armyañ pa.”

MIHUKAKIÑNIIÑ 7:14

Ngo mohmi lutii, “Tonsḛrbo, no chindo.” Ho mo ngiimi luhii, Siika atañsi mohlu hutiina hempḛr kahe hentḛrkanyi hokii lintii kunii; mohlu mohluka tarii mi ase tiiku ho hiika atañmi puloo dopa miitiiku Siibuñ ka ai lo.

HIBRU 11:35

Annii akha mohluka henii-myanii mi shiinii hokii turiturku dopa kapa biido. Tonge miihimiire kotii, tiipatama hiila lutii, niimpalukoda mohlu hiira aya yapa sango sancha kendo.

MIINIIÑ 20:24

Hojalo ngo ngiika sango mi hang khiiniiñ pa hensuma malo ngo attohmi, ngo matiirḛ miipe dokoda ngiika miigomi ho miigolugo mi nii mina ngo Attoh Jisu kokii larii tiinii, Pinii ka aroh-aya ka ayapuyu mika pyako niisimi.

MAK KA AYAPUYU 8:36

Niimpalukoda hiika miyu pa nii injo dokiñdo, hikha supuñ mi biisu dojalopa ho mohka sango miya alyu siido koda?