MAK KA AYAPUYU 8:34 - NITI GONTU N.T. (BSI)

³⁴ Ho mo miyu abujemi mohka henjeajiñ atañka agiñho gyola lala, ho mohlumi lutii, “Huna ngiika kiiliñ ho matiirḛ imbo talyinii, atoh mi hempa siike nento ho mohka pogyañ mi jobiila ho ngiimi imbo monto.

MAK KA AYAPUYU 8:34 ပူးပေါင်းရင်းမြစ်များ

METHU 10:38

ho huna atoh ka pogyañ mi jobiila ho ngiimi imbo tamanii hii ngiipa khiiniiñpa lyima.

JON KA AYAPUYU 10:27

Ngiika subuñ ngiika aguñmi tadu, ho ngo mohlumi chindu, ho mohlu ngiimi imbo du;

GELESIA 5:24

Ho hutiina Kristo Jisu kiinii hiika hii asiialyo ka agiñho ledalala mentii ku helyihembyo la hemikami mi.

GELESIA 2:20

Ngo Kristo agiñho leda kotiiku; siikasi ngomake huna sando nii, hojalo Kristo huna ngiiko sando kunii; ho sango ngiika asiialyo loka saniiñsi ngo henje loke sandunii Pinii ka Oho mi, huna ngiimi hendo nii ho ngiipa atohmi bisu tiinii.

1 JON 3:16

Siika silo ngunu chindo hensu niimi, mo ngunupa mohka sango mi hempa bitii hiila; ho ngunu tiirḛ ngunuka sango mi anubarmii atañpa hempa bikiñdo.

METHU 16:24

Ho Jisu henjeajiñ atañmi lukotii, Hujalo matiirḛ ngiika kiiliñho ahbo nando koda, mohmi atoh mi hempa siike nento ho mohka sangya mi jobiila ho ngiimi imbo monke nento.

PILIPIA 3:10

niimpalukoda ngo mohmi chindupa ho mohka turiturku niika harchichike mi, ho mohka heru mi henche mondupa, mo chuli lyidupa mohka shiiko ho,

ROM MIKA POL KA SIITI KENIIÑ 8:17

ho ngunu matiirḛ wiinga koda, ngunu pensi kosa nii, Pinii kiimi ka penko sanii ho Kristo ahiñpa pensi kosanii, ngunu mo agiñho heru hembodu niimpalukoda mohka tatukatu ho ngunu tiirḛ dubo dupa.

LUK KA AYAPUYU 9:23

Ho mo lutii miilañ rumi, Hujalo ngiika kiiliñ ho matiirḛ ahbo monchi, atoh mi hempa siike nentorañ ho allo karmyañmi mohka pogyañ mi jobii kiineto ho ngiimi imboto.

KOLOSIA 3:5

Mentoku, niihna kiiddiapiñ kii nunuko giidonii: datuapu, miibḛrnii, helyihembyo, diimmah henju, ho kalyikabyo, niihna puchiniimi ka heriinii.

PILIPIA 3:7

Hojalo niijalo ngo miiliibiitii, ngo hiimi miikho siitii khiichi Kristo kiipa.

1 PITAR 4:1

Niimpalukoda Kristo tiirḛ heru hentii asiialyoho, nunutiirḛ atohpa alḛrpa siika henchañ jaho hento, niimpalukoda huna asiialyoho heru hendonii hii ingyamiigya kumake,

GELESIA 6:14

Hojalo ngo koda Jisu Kristo ka dapo mika assañ niimi sii talii siichinii, niilona dohadolo mi ngiimi leda bitii kunii, ho ngo dohadolopa.

1 KORINTIA 15:31

Ngo lulyike, anubarmii atañ, ngiika nunukoka hentii siiniiñ niihna ngiiko Kristo Jisu Attoh ko donii, Allo karmyañmi ngo siidu!

ROM MIKA POL KA SIITI KENIIÑ 6:6

Ngunu chindo ngunuka khu sanjugyaju hii mo agiñho leda leta kotii niimpalukoda ingyamiigya hii apo mi pyadu loke nendupa, ho ngunu hiika hiiba hokii ingyamiigyaniika miirapa lyikumadopa.

LUK KA AYAPUYU 14:33

Hiiko hopa, hujalopa nunu hikha nunukoka doniimi apamakoda ngiika henjeajiñ pa lyila kema.

2 PITAR 1:14

niimpalukoda ngo chindo ngiika apo mika opa kusanii hii tunii dokuke, ngunuka Attoh Jisu Kristo ka ngiimika kakiñ nii hiilyañpa.

1 PITAR 4:13

Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

TAITAS 2:12

ngunumi miinyolunyo giitii henje maniiñmi apato ho dohadolo ka helyihembyo atañmi, ho hendimiidipa santo hiila, lotii, ho piniihenju jaho santo hiila siika dohadolo so,

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

MIINIIÑ 14:22

henjeajiñ atañka yallo mi alḛr lupa lala, mohlumi henje mi haro lupatii, ho lubiido abuje hentḛrkanyi loke ngunu Pinii ka raddeganda ho ahkiñ donii.

LUK KA AYAPUYU 18:22

Ho Jisu siimi tapa lala, mo mohmi lutii, “Drih kone no giima ranke. Pyunge hikha niiko hoka doniimi ho arro atañmi tache tahe binge, ho niikii dariiganda ho alḛrdrih dokiñ doke; ho ahto, ngiimi imbomonto.”

LUK KA AYAPUYU 13:24

“Alyeh ponchu hopa ahdupa miito; niimpalukoda ngo nunumi lukoso, abuje ahdupa mekiñdo ho ahla kema.

METHU 27:32

Mohlu ila dokele, mohlu Sairene hokii miyu kone ahla dopa kappatii, mohka armyañ Saimon hiila; hiika miyu mi chechepa Jisu ka pogyañ mi jobii bitote hiila kheliitii.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

HIBRU 13:13

Hopa kiije ngunu mohka agiñho tabyoude dukuñko agoho linsa, ho hembosa hiinyañmohi mohka pigii niimi.

2 TESOLONIA 3:11

Niimpalukoda ngunu hiila tapado nunu hokii tonge assualepa sando hiila, miilu miile miijola, hang miigo miimapa.

1 KORINTIA 9:19

Niimpalukoda ngo hikha miyuatañ kokii dasḛr siido, ngo atohmi hikha ruka miira pa miisutii, niimpalukoda ngo abuyapa lumiñ biidu pa hiila.

1 KORINTIA 8:13

Hopa, diigo matiirḛ ngiika anubarmii mi huhi giido koda, ngo pema diitema yoh mi, hiila makoda ngo ngiika anubarmii mi huhi giido.

JON KA AYAPUYU 19:17

Hopa mohlu Jisu mi ingiitii, ho mo intii, mohka atoh pogyañ mi jobii tola, hiika gandaho dinkhu ganda lukoho, nii mina Hebrew ho Golgota lutii nii.

LUK KA AYAPUYU 20:45

Ho hikha miyu atañka tapa dopa mo henjeajiñ atañmi lutii,

MAK KA AYAPUYU 10:21

Ho Jisu mohmi kadi biidola mohmi hentii, ho mohmi lutii, “No ngoya kone miichi make; inge, pyunge niiko hoka donii atañmi, ho arroatu atañmi binge, ho niika mingo hii dariiganda hoke dokiñ donii; ho ahla, ngiika kiiliñ ho imboto.”

MAK KA AYAPUYU 7:14

Ho hiira mo miyu atañmi mohko gyoliitii, ho mohlumi lutii, “Ngiimi tage nyato, miilañru, ho tala nyato: