MAK KA AYAPUYU 8:15 - NITI GONTU N.T. (BSI)

¹⁵ Ho mo mohlumi hendi tote lutii, lubiidola, “hendi nyato, hendi nyatii ka ha Parisi atañka ipo hokiila Herod ka ipo nyi hokii.”

MAK KA AYAPUYU 8:15 ပူးပေါင်းရင်းမြစ်များ

METHU 16:6

Jisu mohlumi lutii, “Hendi nyato ho hendi latiika Parisi atañ la Herod ka ipo nyi hokii.”

MAK KA AYAPUYU 12:13

Ho mohlu mohko Parisi tangela Herodias tangemi neliitii, mohka luniiñho mohmi luhe ludupa hiila.

1 TIMOTI 6:13

Pinii ka hataho huna hikha drih atañmi sango bidonii, ho Kristo Jisu kokii huna mohka pyakoniimi Pontius Pailet ka hataho khadiko khako ne,

METHU 14:1

Hiika myodu ho Galili mika sangiibo Herod Jisu ka tatukatu mi tapa biido;

2 TIMOTI 2:14

Mohlumi siika siimi hempa dopa lupato, ho Attoh ka hataho mohlumi luto gasusaniiñ aguñmi apanyato hiila, niihna hang aya giimanii, hojalo tanii atañmi byagii laya byagiido.

1 TIMOTI 5:21

Pinii ho Kristo Jisu ho kahenii miidopopi ka hataho ngo niimi lubii lyike siika miiju siimi atii biitolya khiingu khiire mapa, henguhere la hang miite mapa.

LUK KA AYAPUYU 12:15

Ho mo mohlumi lutii, “Hendi nyato, ho helyihembyo saniiñmi hendi tolya; niimpalukoda miyu sango hii niimkane mohkii gandanencha do hiiko giita make.”

METHU 14:3

Niimpalukoda Herod Jon mi latu lala ho rala la ho pattiih udeho tuntii, niimpalukoda Herodias ka piigopa, mohka abañ Pilip ka mihie;

METHU 14:6

Hojalo Herod budu allo ahkele, Herodias ka nyimii wiinga nasu sotii sipahi atañka hataho, ho Herod mi hempyo miipatii,

MAK KA AYAPUYU 8:14

Siisi mohlu yatañ bagii sanii mi ahha ahii tii; ho mohluka agiñho yatañ pere kontii huluho dotii.

MAK KA AYAPUYU 8:16

Ho mohlu kone anya taka siinyatii, lubiidola, “ngunuko yatañ nyima.”