MAK KA AYAPUYU 4:17 - NITI GONTU N.T. (BSI)

¹⁷ ho mohluko liima giimatii, hojalo iche kontii pigii lala; hiika hiiba ho, hentḛrkanyi malo miihimiire dalyi aguñka piigopa, ohepada mohlu giiyi dadu.

MAK KA AYAPUYU 4:17 ပူးပေါင်းရင်းမြစ်များ

METHU 11:6

Ho mo lyanko kendo huna ngiimi chekho manii.”

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

METHU 12:31

Hopa ngo lukoso, kapane ingyamiigya ho nipakoya niimi hello bikiñdo miyu mi, hojalo Yajiyallo mika nipakoya niimi hello lakiñma.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.

1 JON 2:19

Mohlu ngunu kokii linne, hojalo mohlu ngunu kokiima; niimpalukoda mohlu matiirḛ ngunu kokii tiikoda, mohlu ngunuka agiñho dakañ patiido; hojalo mohlu impa neku, hiikohopa si kadḛrdo mohlu hikharu ngunu kokiimake.

HIBRU 10:29

Niimkane heruyapa pamyokenko kendo nunu henka duha hiika miyu mi huna Pinii ka Oho mi khiipa donii, ho khiimapama miidonii hemmesiiniiñ ka ai mi niilona mo darii miitiikunii, ho hadii dopa miitiinii aroh-aya ka Yajiyallo mi?

2 TIMOTI 4:16

Ngiika kapyo paka lutḛr siilyi ho kone hetrḛ ngiipa dabo mane; miilañru ngiimi apa nyatii. Sipa mohlumi halii makiñcho!

2 TIMOTI 1:15

No chila du hikha hutiina Asia ho dunii ngiiko hokii inkur nyaneku hiila, ho hiika atañ hokii Pigelas la Harmogenes nyi.

JON KA AYAPUYU 8:31

Jisu ho Jew atañmi lutii hutiina mohmi henje nyatiinii, “Nunu matiirḛ ngiika luniiñ talii takañ dokoda, nunu jijeloda ngiika henjeajiñ atañ ke,

LUK KA AYAPUYU 12:10

Ho koneabi huna miyu ka Oho mi chekhola ludonii hiimi hello bikiñdo; hojalo hu Darii Yajiyallo mi nipala ludo hiimi hello bikiñma

METHU 13:21

hojalo mohluko liima giimatii, hojalopa iche kontii pigii lala, ho hentḛrkanyi malo miihimiire ahdalyi aguñ ka piigo pa, ohe pada mohlu giiyi dadu.

2 TIMOTI 4:10

Niimpalukoda Demas, siika siilobiilyo ka dohadolo mi hembyola, ngiimi apatela ho Tesolonika ho inne; Kresen Gelesia ho inne, Taitas Dalmatia ho.

GELESIA 6:12

Siikasi hiika atañpa hutiina aya hiila kakiñ nandonii asiialyoho ho hiika hii nunumi mitupipa kodopa lyigiida, ho niimpalukoda mohlumi miihimiire maya pa hiila Kristo ka dapo kiipa.

MAK KA AYAPUYU 4:16

Ho si chulipa siika atañ sinya yalañ hoka lilonii, huna, mohlu aguñmi tapa dalyi, nyibya loda hempyo biidola larii biido;

MAK KA AYAPUYU 4:18

Ho tange hiika tareapya hoka lilo niiñ hii; mohlu hiika atañ aguñmika taniibo,