MAK KA AYAPUYU 2:20 - NITI GONTU N.T. (BSI)

²⁰ Allo loliñ kendoke, niidana mihie lasa bomi mohluka agiñ hokii ira giichinii, ho hiika allo ho mohlu nyola kendo.

MAK KA AYAPUYU 2:20 ပူးပေါင်းရင်းမြစ်များ

LUK KA AYAPUYU 17:22

Ho mo lutii henjeajiñ atañmi, “Allo hii ahkiñ doke niidana nunu kanala miyu ka Oho ka allo lohe mijalo, ho nunu hiimi kappa lakiñma.

MIHUKAKIÑNIIÑ 21:9

Hiikahiiba ho kone ahhii kanuhe miidopopi hokii huko hona paka kokkanuhe poteje kamija doli kanuhemi biidonii, ho ngiimi lune, lubiidola, “Ahto, Ngo niimi kakiñso Mihie mi, Subuñ ka mihie.”

MIHUKAKIÑNIIÑ 19:7

Kiije ngunu hempyosa ho khiisa ho mohmi assañsa, niimpalukoda Subuñ ka mihie ladu ahdo kuke,, ho mohka Mihie mo atohpa henju doke;

2 KORINTIA 11:27

apo khensula miigomiiko, abuje ayoh imi mapa, haya pibii dola hangḛr biidola, kiirañ diigo diipa mapa, lakhiiho abitarii giimapa.

2 KORINTIA 11:2

Ngo piniikariñ kachañ ho nunumi kariñdo, niimpalukoda ngo nunumi lumyo bitiiku Kristo pa nunumi darii mihie konepa hiila mohpa millo ako kontii pa.

1 KORINTIA 7:5

Kone anya mi ma hiila lulyayo hojalo talii siibii dola myodu myolo mi kabii dola, niimpalukoda niinyi kuniiñ ho henga dupa; hojalo hiira anyeru adiñ siito kulya, hiilamakoda Saitan tenkalarka kendoke hendimiidi papo kopa.

MIINIIÑ 14:23

Ho mohlu mohlupa amiabañ kahe tiiku gyoliñkonii penge abi hokii, kuniiñ ho nyobiidola dola, mohlu mohlumi Attoh ko tiilii bitii humina mohlu henje tiinii.

MIINIIÑ 3:21

mohmi dariiganda ho atiibiikiñ do hikha miipe menda hemi Pinii ka darii nyibuhenii atañ mika lugiñ nala luniiñmi kolyuñkolo hoka.

MIINIIÑ 1:9

Ho mo siimi luku lala, mohluka kala dorañpa, mohmi chagii tiiku, ho jomii mohmi hipu biitii mohluka kadopa.

JON KA AYAPUYU 17:13

Hojalo siisi ngo niiko ahlyi kuke; ho siika drih atañmi ngo dohadolo so luko du, niimpalukoda mohluko ngiika hempyo mi mohlupa giitii pake nendupa.

JON KA AYAPUYU 17:11

Ho siisi ngo dohadolo so daku malyike, hojalo mohlu dohadolo so dalyi ke, ho ngo niiko ahlyi kuke. Darii Aba, mohlumi niika armyañ pa atii tokulya, humina no ngiimi bitiinii, niimpalukoda mohlumi konepa lyidopa, ngiinyi ka kone paka lyichañho.

JON KA AYAPUYU 16:28

Ngo Aba kokii ahdu ho dohadolo so ahdu; hiira, ngo dohadolo mi apatela inchi ku ho Aba ko inchi.”

JON KA AYAPUYU 16:7

Hojalo ngo nunumi jije mi lukoso: siikasi nunuka aya kiipa ke ngo ile lyiniiñ, niimpalukoda ngo matiirḛ ima koda, Hembyuñnii nunuko ahkiñma; hojalo ngo matiirḛ indo koda, ngo mohmi nunuko kiiniñ bichi.

JON KA AYAPUYU 13:33

Himme atu atañ, hojalo ichuche ngo nunu agiñho date hela. Nunu ngiimi mekiñdo; ho niihtañpa ngo Jew atañmi luto hii chulipa siisi ngo nunumi ludu, ‘Ngiika inko ho nunu ahla kemake.’

JON KA AYAPUYU 3:29

Hii hukiina mihie dunii hiike millo; millo ka ajiñ, huna dabo dunii ho mohmi tapa donii, hempḛr hempyodu milo ka aguñmi tapa lyiho; hopa siika ngiika hempyo hii siisi pote dokuke.

METHU 26:31

Ho Jisu mohlumi lutii, “Nunu miilañru hargii nyakiñdo ngiika piigopa siho ayohso; niimpalukoda hiila ketolado, ‘Ngo subuñ sornii bomi hichi, ho subuñ atañ harpya hasa nyakiñdo’.

2 KORINTIA 6:5

hikotii, tunkobiidola, gyupyukobii dola, apo khembii dola, imima dola, haya pibii dola;

JON KA AYAPUYU 12:8

Arro miyu kiirañ nunuka agiñ ho dalyi diike, hojalo nunu kiirañ ngiimi dagii kemake.”

METHU 9:15

Ho Jisu mohlumi lutii, “mihie millo lasu lyiho hoka nyibo ahnii atañ heru lakiñ dopeha mihie lasabo mohluka agiñho durañ pa? Myodu ahkiñ doke, niidana mihie lasa bomi mohluka agiñ hokii ira giichinii, ho mohlu nyola kendo.

MAK KA AYAPUYU 2:19

Ho Jisu mohlumi lutii, “Mihie millo lasu lyiho hoka nyibo ahnii atañ nyola kendo peha mihie lasabo mohluka agiñho durañpa? Nii dahepa mohluka agiñho mihie lasabo duchi rañ, mohlu nyola kema”.

MAK KA AYAPUYU 2:21

“Kone hetḛr pulye niti lo pulye khu ho palyi liikiñ ma; hiilamiikoda, palyi liiniiñ hii hiiko hokii sarche rikiñdo, niti hii khu hokii, ho uro yapa ya ubu yakiñdo.

LUK KA AYAPUYU 5:35

Allo loliñ kendoke, niidana mihie lasa bomi mohluka agiñ hokii ira giichinii, ho mohlu nyola kendo hiika allo ho.”