MAK KA AYAPUYU 14:41 - NITI GONTU N.T. (BSI)

⁴¹ Ho mo rohiñ niipa lintii, ho mohlumi lutii, “Nunu siisi lohepa imila donii ho nunu hemmola dunii? Khe dokuke! Myodu ahdo kuke; Miyu ka milobo Oho mi ingyamiigya miyu atañka alah ho talubalo tiikuke.

MAK KA AYAPUYU 14:41 ပူးပေါင်းရင်းမြစ်များ

MAK KA AYAPUYU 14:35

Ho ichuche ahhi la, mo kiiddi ho giihala ho kutii, miila kendo milo, siika myodu siimi ngiimi impo biike nentope.

MAK KA AYAPUYU 9:31

hopa mo mohka henjeajiñ atañmi tonsḛrtii, mohlumi lubiidola, “Miyu ka Oho mi miyu atañka alah ho tiilii bikiñdo, ho mohlu mohmi menkiñdo, ho mohmi mengku lala, allo lohiñ niika hiibaho mo turi kendo.”

JON KA AYAPUYU 17:1

Jisu siika aguñ atañmi luku lala, mo mohka amee mi yapuñ hahoho kacha lala ho lutii, “Aba, myodu ahdoku; niika Oho mi assañdupa niimpalukoda Oho niimi assañdupa,

MIINIIÑ 7:52

Nii nyibuhenii atañmi nunuka aba atañ miihimiire mane? Ho mohlu mempa biine huna lupyo la luko nenii Denki Kone ka ahsa niimi, humina nunu siisi talubalo tiinii ho mentiinii,

JON KA AYAPUYU 12:27

Siisi ngiika yallo si ahiaredo. Ho niihiila pe ngo luchinii? Aba, ngiimi siika myodu sokii lyangur pe? Ma, siika piigopa ngo siika myodu so ahdu.

JON KA AYAPUYU 12:23

Ho Jisu mo anye mi lusitii, Myodu si ahdoku miyu ka Oho mi assañdiilañ dupa.

JON KA AYAPUYU 8:20

Siika aguñ atañmi alḛrdrih atii koho lutii, piniiude ho mohka tonsḛr nii chulipa; hojalo kone hetḛr mohmi latu matii, niimpalukoda mohka myodu hii ahma tiirañ.

JON KA AYAPUYU 7:30

Hopa mohlu mohmi ladupa metii; hojalo kone hetḛr mohmi alah tenga lamatii, niimpalukoda mohka myodu ahma tiirañ.

MAK KA AYAPUYU 14:18

Ho mohlu diitananii ho dula diila dotii, Jisu lutii, “Jije, Ngo nunumi lukoso, nunuka punko hokii kone ngiimi talubalo kendo, kone ngiika agiñ hoka diibo laka dunii.”

MAK KA AYAPUYU 14:10

Ho Judas Iskariot, alyañlenye hoka dabo monii ako, nyibu burii ko intii mohmi talubalo dupa mohluko ho.

MAK KA AYAPUYU 7:9

Ho mo mohlumi lutii, “Nunuko hempḛr aya loda Pinii ka miitolya hiila luniiñmi lupya siina nanii giidoke, miyu ka muju-lujju miya atii dupa hiila!

METHU 26:2

“Nunu chindo allo lonye hiiba ho Impobiiniiñ dituñ sokiñdo, ho miyu ka Oho mi pogyañ lohe leda dopa nembi kendo.”

MAK KA AYAPUYU 14:40

Ho hiira rongeta mo linkutii ho mohlumi imila dopa kappatii, niimpalukoda mohluka amee hempḛr imi nantii; ho mohlu mohmi nii hiilayu luchinii hang hendḛr lamatii.

MAK KA AYAPUYU 14:42

Guri nyato, Kiije inkusa; kato, ngiimika talubalobo si hachokiilo.”