MAK KA AYAPUYU 13:9 - NITI GONTU N.T. (BSI)

⁹ Hojalo nunu hendi nyatolya; niimpalukoda mohlu nunumi bulyañ ko tiilii bilyi diike; ho nunumi sinagog ho higor palyi diike; ho ngiika piigo pa nunu govonor la radde nyika hata hotiirḛ dalyi diike, ngiika piigo mi mohlumi luko lutiñnaniiñ pa.

MAK KA AYAPUYU 13:9 ပူးပေါင်းရင်းမြစ်များ

METHU 5:22

Hojalopa Ngo nunumi luduke koneabi huna atoh anuabañ mi hadii talyinii pahañ halii kodopa lyido; hu jalopa nyapakoya talyi mohka anuabañ mi pahañ halii kokiñdo bulyañ lo, ho hujalo luchi, No piicha! yamuganda ho jolo kokiñdo.

MAK KA AYAPUYU 1:44

ho mohmi lubiido, “Tageto mih kone mitrḛ luko yayo; hojalopa inge, no atohmi nyibu mi kakiñ siinge, ho binge Mose ka luniiñ chulipa pinii mi niimi ka miipya kuko hopa, miyuatañ mika luko lutiñ naniiñpa.”

MAK KA AYAPUYU 13:5

Ho Jisu mohlumi lusitii, Hendi nyatolya nunu kone lotrḛ ngogii kolya yo.

MAK KA AYAPUYU 13:8

Niimpalukoda ganda ponge hii ganda ponge mi cheri kendo, ho raddeganda hii raddeganda akoyami cheri kendo; abuje gandaho myobu hula lyilyi diike; diime ahlyi diike. Siikasi hojalo wiinga akhii achih chitu siike.

MAK KA AYAPUYU 6:11

Ho nii ganda na nunumi karii tama nii ho nunu luniiñmi tate manii, nunuka ilyi kuho, nunuka alih daka siimu giinii lohepa pipa siito kulya aya miima keha hiila luko lugiñ naniiñpa.”

LUK KA AYAPUYU 9:5

Ho nohjalopa nunumi karii tama, nunuka ilyi kuho, nunuka alih daka dimḛr giiniimi pipa siito kulya mohlumi pyako pyagiñ naniiñpa.”

JON KA AYAPUYU 15:20

Henge giitolya dohadolo mi ngiika nunumika luko niimi, ‘Miira hii atoh mi kahe yama ke.’ Mohlu matiirḛ ngiimi miihimiire dokoda, mohlu nunumi miihimiire kendo; mohlu matiirḛ ngiika aguñmi atii biido koda, mohlu nunuka aguñ mitrḛ atii biikiñ doke.

JON KA AYAPUYU 16:2

Mohlu nunumi sinagog ka agoho nempa lilyido; jije, myodu hii ahlado hujalopa nunumi menchi mohlu hensu kendo Pinii pasu miidunii hiila.

MIINIIÑ 21:11

Ho ngunuko ahbiila mo Pol ka pulye mi lala la ho mo attoh alih la alah nyimi rasu lala, ho lutii, “Hiila ke Darii Yajiyallo ludonii, ‘Si chulipa Jew atañ Jerusalem ho rakiñdo siika pulye ka atohmi miyumi ho Midomiyu atañmi nembi kendo.’”

MIINIIÑ 7:54

Siisi mohlu siika drih atañmi tapa lala mohlu hadii ritii, ho mohlu mohluka aih mi mohlumi hadiila nyensutii.

MIINIIÑ 9:16

niimpalukoda ngo mohmi kakiñtii niimkane mo ngiika armyañ pa heru hembi kendo.”

PILIPIA 1:29

Niimpalukoda siikasi nunumi miidopa bitii niimpalukoda Kristo ka kiipa nunumi henje kontii henje mapa hojalo herutiirḛ hembi dopa mohkiipa,

2 TESOLONIA 1:5

Siikasi jijemi kakiñ naniiñke denki Pinii ka ayakacho kaniiñho, niimpalukoda nunumi khiiniiñpa miikiñcho Pinii ka raddeganda ho, nii pana nunu heruhendanii,

2 JON 1:8

Nunu atohpa hendi nyatolya, nunu alyu siima mapa nii pana nunu miigo miitiinii, hojalo poteje injomiijo mi kapa ladopa.

MIHUKAKIÑNIIÑ 1:9

Ngo Jon, nunuka anu, huna nunuka agiñho hembo montiinii Jisu ko hentḛrkanyi mi ho raddeganda pa ho yanupa pigii biidola, siilokiiddi Patmos luniiñho ahtii Pinii aguñ kiipa ho Jisu mika pyako kopa.

MIHUKAKIÑNIIÑ 2:10

Biisoyo niihna nunu heru henkiñ donii. Kato, igii si jopa liipa miidoke nunu tonge mi patiihude ho, hiikahii nunumi tenka dupa hiila, ho allo lolyañ hepa nunu hentḛrkanyi la lyikiñ doke. Lotiitolya shiihi menda hemi, ho ngo nunumi sango ka tahiñ byopa mi bichi ke.

MIHUKAKIÑNIIÑ 2:13

“‘Ngo chindo nohna nunu dunii, nohna saitan ka raddeduko hii; nunu lotiido ngiika armyañ pa ho nunu mapa ma ngiipa ka henje niimi Antipas ngiimika haki biniika allo lohe pa, ngiika lotii kone, humina membii nenii nunuka punkoho, nohna saitan dunii.