MAK KA AYAPUYU 11:25 - NITI GONTU N.T. (BSI)

²⁵ “Ho nii dajalo nunu dala kuchi, helloto, nunu matiirḛ mihmi ahha bala lyido milo; niimpalukoda nunuka Aba Darii ganda hoka duniibo nunu mitrḛ nunuka ingyamiigya mi hello bikiñdoke.”

MAK KA AYAPUYU 11:25 ပူးပေါင်းရင်းမြစ်များ

KOLOSIA 3:13

kone anyañ mi pigii siibii dola ho, kone matiirḛ koneyami halii lyimilo, kone anyañ mi hello siito lya; niihtañpa Attoh nunumi hellotii; hopa nunu tiirḛ hello to loda.

IPISIA 4:32

ho kone anya mi helakala siito, yanuahha lo, kone anyañ mi hello siito, niihtañpa Pinii ko Kristo nunumi hellotii.

LUK KA AYAPUYU 6:37

“Haliiyo, ho nunu mitrḛ halii kemake; khiipayo, ho nunu mitrḛ khiipa kemake; helloto, ho nunu mitrḛ hello kendoke;

METHU 6:12

Ho ngunuka gyandimi hello kupe, Niihtañpa ngunu tiirḛ ngunu kokiika giinii bomi hello bitii;

METHU 5:23

Hopa nunu matiirḛ yugyañ ho ahmiñayiñ bido koda, ho hiikoho ngiika anuabañ hadiine ngiimi hiila hempa lyimilo,

JEMS 2:13

Niimpalukoda ayakacho kaniiñ ho aroh nyimake huna aroh kakiñ manii; hojalo aroh hii ayakacho kaniiñmi pamiñ doke.

METHU 6:5

Ho niida nunu kuchi, nunu apukahi hiilyañpa lyiyo; niimpalukoda mohlu sinagog ho, lembo aruñho bari tola dala kula miinala lyidu, mihlo kappa kodupa hiila. Jijeloda, Ngo nunumi lukoso, mohlupa ka ajunii juniimi mohlu latiiku.

LUK KA AYAPUYU 18:11

Parisi guri biila ho mo atohpa hiila kutii, ‘Pinii, ngo niimi payapacho ludu niimpa ngo khiibemiyu chitañ ma, diilelulenii, henguherenii, ipfyonii, malo siika biijokajo myanii chitañ.

MIHUKAKIÑNIIÑ 11:4

Siikasi olive sannii bunye ke ho muru ahiiko anye nohna danii kiiddiapiñ daka Attoh ka hataho.

LUK KA AYAPUYU 18:13

Hojalo biijokajo myaniibo, adho ho dala, mohka amee mitrḛ yapuñ ho kadu chamapa, hojalo mohka habyañ hoya kiisu biidola, lubiido, ‘Pinii, ngiimi arohpe ingyamiigya bomi!’