MAK KA AYAPUYU 11:23 - NITI GONTU N.T. (BSI)

²³ Jije, Ngo nunumi lukoso, hujalopa siika putoo simi luchi, Sokii gusu lila ho siimie ho huha he, ho ahha ho hemmo makoda, hojalo no nii lutii hiila lyikiñdo hiila henje dokoda, hiika hii mohpa miibi kendo.

MAK KA AYAPUYU 11:23 ပူးပေါင်းရင်းမြစ်များ

METHU 17:20

Mo mohlumi lutii, “Nunuka henje papo kopa. Niimpalukoda jijeloda, Ngo nunumi lukoso, nunuko matiirḛ gihañ kormo kane jalo henje giido koda, nunu siika putoo mitrḛ luto, sokii inkaso iehi he, ho hii iehi kendo; ho hang miila manii hiila nyikiñma nunupa.”

JON KA AYAPUYU 15:7

Nunu matiirḛ ngiiko giige dokoda, ho ngiika aguñ nunuko giido koda, kuto niijalo nunuka heniiñmi, ho hiimi nunupa miibi kendoke.

METHU 21:21

Ho Jisu mohlumi lukotii, “Jijeloda, Ngo nunumi lukoso, nunu matiirḛ henje dokoda ho hemmo makoda, nunu taro sannii mika miiniiñ kontii mapa, nunu siika putoo siimi jalo ludo koda, ‘Sokii duhila yasie siimie ho duhahe,’ hii hiila lyikiñdo.

JON KA AYAPUYU 14:13

Niijalo nunu ngiika armyañ pa kuchi, Ngo hiimi miibi talyi, niimpalukoda Aba mi Oho ko assañ kiinedupa;

LUK KA AYAPUYU 17:6

Ho Attoh lutii, “Nunuko matiirḛ henje gihañ kormo kane jalo giido koda, nunu siika sycamine sannii mi lula kendo, ‘Sokii ngurliñ la, ho siimie ho duhahe,’ ho hiikahii nunuka luniiñmi takiñdo.

1 KORINTIA 13:2

Ho ngo matiirḛ nyibu hela naniiñ tamo giido jalo, ho hikha mi-chima niimika chiniiñ la hikha chila naniiñ giido jalo, ho ngiiko matiirḛ hikha henje giido jalo, putoo mika jopa naniiñpa, hojalo hensu giima koda, Ngo hangma.

METHU 14:13

Siisi Jisu siimi tapa lala, mo hiiko hokii insa giitii hulu pa jirara myokoh ho. Hojalo miyuatañ hiimi tapa lala, mohlu alih pa imbo montii taun hokii.