LUK KA AYAPUYU 9:1 - NITI GONTU N.T. (BSI)

¹ Ho mo alyañlenye mi gyokuñ lala ho harchichike la otority nyimi bibiido igii atañmi miina naniipa ho achih-ahe mi miipya ladopa,

LUK KA AYAPUYU 9:1 ပူးပေါင်းရင်းမြစ်များ

JON KA AYAPUYU 14:12

“Jijeloda, jijeloda, ngo nunumi lukoso, huna ngiimi henje talyinii hiitiirḛ ngiika miiniiñ chulipa miigo atañmi miikiñdo; ho siika atañ mitrḛ kayeya miigo miikiñdo, niimpalukoda ngo Aba ko ilyiku.

LUK KA AYAPUYU 10:19

Kato, ngo nunumi otority bibii lyike tabu atañ la tarji atañmi nyorpi ladopa, ho ahha banii boka hikha harchichike mi kaye yadopa; ho hang kone hetḛr nunumi heru miipa lakiñ make.

MIINIIÑ 4:30

hojalo niika alah mi lyuliñto miipya dupa, ho kagiñnanii ho kahotamo atañmi miidopa niika darii miira Jisu ka armyañ pa.

METHU 16:19

Ngo niimi dariiganda ka raddeganda mika hekko naniimi biso, ho niijalo nunu kiiddiapiñ so ahnga siichi hii dariiganda ho ahnga kendoke, ho niijalo nunu kiiddiapiñ so ahnga siitema hii dariiganda hotiirḛ ahnga siikiñma.”

MIINIIÑ 1:8

Hojalo nunu harchichike mi larii kendoke Darii Yajiyallo ka nunukoka ahlyi ho; ho nunu ngiika haki pa dukiñdo Jerusalem ho, hikha Judia ho, ho Samaria ho, ho hikha kiiddi dotḛrso.”

MIINIIÑ 9:34

Ho Pitar mohmi lutii, “Aeneas, Jisu Kristo niimi miipya biineke; gurito ho niika dotananii mi Karbii toku.” Ho ohepada mo guri datii.

MIINIIÑ 3:16

Ho mohka armyañ pa, mohka armyañ mi henje biidola, siika miyu siimi tamo dopa miitii humina nunu siisi kapa biido nii ho chindonii; ho henje hii Jisu kokiila siika miyu mi hempḛr aya dopa miitii hikha nunuka kadopa.

METHU 4:24

Hopa mohka tatukatu mi hikha Sairia ho tapa tatii patii, ho mohlu hikha achih niimi mohko ahgii bitii, huna une giila ho achihnii, jarpiñ konii, tahisiitiñ nii, ho liikuñnii atañ, ho mo mohlumi miipya bitii.

METHU 8:9

Niimpalukoda ngotiirḛ ngiimika otority giinii yaka agiñho dadu, sipahi atañmi ngo dagiila; ho ngo kone mi ludo koda, ‘inge,’ ho mo indu, ho koneyami, ‘ahto,’ ho mo ahdu, ho ngiika miira mi, ‘Siimi miito,’ ho mo hiimi miidu.”

LUK KA AYAPUYU 10:1

Hiika hiibapa Attoh kanukhange tongelya kahebiido, ho mohlumi mohmi kapyo yapa kiiniñtii, anye anye, hikha taun la gandaho nohna mo ahdupa miitiinii.