LUK KA AYAPUYU 8:54 - NITI GONTU N.T. (BSI)

⁵⁴ Hojalo mohka alah mi gala lala mo gyotii, lubiidola, “Wiinga, gurito.”

LUK KA AYAPUYU 8:54 ပူးပေါင်းရင်းမြစ်များ

MIINIIÑ 9:40

Hojalo Pitar miilañ rumi ago nempa lila la ho liibañ khanga la ho kutii; ho shiima dalyiho mobo biila mo lutii, “Tabitha, gurito.” Ho mo amee pyokotii, ho mo Pitar mi kapa lala mo dutii.

JON KA AYAPUYU 11:43

Mo siimi lula lala, mo goropa gyutii, “Lajaras, ago linto.”

JON KA AYAPUYU 5:21

Niimpalukoda niihtañpa Aba shiinii mi turdopa miido ho mohlumi sango bido, hiichulipa Oho tiirḛ sango bido humina mo bina donii.

LUK KA AYAPUYU 8:51

Ho mo ude ho ahbii kiile, mo kone mitrḛ mo agiñho ahbo kiine matii, Pitar ho Jon ho Jems kontii misu, ho himme ka annii-aba nyimi kontiisii.

MAK KA AYAPUYU 9:27

Hojalo Jisu mohmi alah ho gala lala ho mohmi seritii, ho mo guri tiiku.

MAK KA AYAPUYU 8:23

Ho mo micha miyu mi alah lo seritii, ho lemba ka agoho lingiitii; ho mohka amee ho chukḛr tima lala ho mohka alah micha miyu ka hahoho tembiitii, mo tahiitii mohmi, “Siisi no hang kappa doha?”

MAK KA AYAPUYU 1:31

Ho mo ahbiila ho mohka alah gala lala mohmi seri biido, ho doli achih hii hempyo tiiku; ho mo mohlumi miiho-luho tiiku.

METHU 9:25

Hojalo miyu danii atañmi agoho nempa lilala, mo ura ahtii ho alah gala lala seritii, ho hiika nyimii guritii.

ROM MIKA POL KA SIITI KENIIÑ 4:17

hiila ketola do, “Ngo niimi abuje halugiira ka aba pa miibii lyike” Pinii ka hataho humina mo henje tiinii, huna shiinii mi sango bidunii ho doliñtote lutiinii drih nyimanii atañmi.

LUK KA AYAPUYU 8:53

Ho mohlu mohmi ngarpatii, mo shiidoku hiila chimbii tola.

LUK KA AYAPUYU 8:55

Ho mohka yajiyallo ahkur tiiku, ho ohepada mo guri datiiku; ho mo lubiido diigo tango iche bito mohmi diike nendupa.