LUK KA AYAPUYU 8:18 - NITI GONTU N.T. (BSI)

¹⁸ Hendi tolya nunuka talyi ho, niimpalukoda hukiina donii hiimi abuyapa bikiñdo, ho hukiina nyimanii, hokii niihna mo do hiila hensu donii hiimi tiirḛ lara biikiñdo.”

LUK KA AYAPUYU 8:18 ပူးပေါင်းရင်းမြစ်များ

METHU 13:12

Niimpalukoda hukiina donii hiimi abu yapa bikiñdo, ho mohko poteje dokiñdo; hojalo hukiina nyimanii, mohkoka doniimi lohepa lara biikiñdo.

LUK KA AYAPUYU 19:26

Ngo nunumi lukoso, kone abi hukiina donii hiimi abuyapa bikiñdo; hojalo hukiina nyimanii hiiko hokii, niihna mohko donii hiimi miilañ lara biikiñ doku.

METHU 25:29

Niimpalukoda hukiina donii hiimi abuyaya bikiñdo, ho mohkii abuje dokiñdo; hojalo hukiina nyimanii, niihna mohko donii hiimi miilañ lara biikiñdo.

JON KA AYAPUYU 15:2

Halloh buhe abi ngiiko hoka giinii ahee hima koda, mo papa du, ho halloh buhe abi ahee hiniiñ mi mo miini du, niimpalukoda hiimi ahee abu yapa hike nendupa.

HIBRU 2:1

Hopa ngunu taniiyala tagekendo niihna ngunu tapa tiinii, hiilamakoda ngunu hiikohokii ngokiñdo.

1 KORINTIA 14:37

Mi kone matiirḛ hendo koda mo nyibuhenii hiila, malo yajiyallo ho danii hiila, mohmi chinke nento niihna ngo ketiinii hii Attoh kokiika miitolya lunii hiila.

1 KORINTIA 8:2

Mi kone matiirḛ hendo koda mo hangdrih chindo hiila, mo siisi lohe pa chima mohka chinsa niimi.

1 KORINTIA 3:18

Kone hetrḛ atoh mi talubalo siiyo. Nunuka punko hokii matiirḛ kone siika myodu so mo chila hiila hensu domilo, hiimi mohmi piicha pa lyike nento niimpalukoda mohmi chila kiine dupa.

ROM MIKA POL KA SIITI KENIIÑ 12:3

Niimpalukoda ngiimika aroh-aya biniiñ lo ngo nunuka punkoho kone abimi lubii lyike niimkane no henkiñdo hiimi uroyapa attohmi kaye pa hensu lyayo, hojalo hendiko jaho ayakacho mi katolya, kone abi niimkane Pinii mohmi henje bitii.

MIINIIÑ 17:11

Siisi siika Jew atañ Tesolonika hokii hempḛr hela lyartii, niimpalukoda mohlu aguñmi hempḛr talii biidola lariitii, piniipota mi kiirañ kakala jije hiila luja siido ha hiila.

MIINIIÑ 10:33

Hopa ngo nyibya loda niimi gyobii hiila kiiniñto, ho no hela la so ahdo. Siisi hopa ngunu miilañru Pinii ka kata ho du, tadupa hikha Attohka niimika luniiñmi.”

LUK KA AYAPUYU 9:44

“Siika aguñ siimi nunuka yaroo ho tage giito; niimpalukoda miyu ka Oho mi miyu atañka alah ho nembi kendoke.”

PILIPIA 3:4

Ngiiko atohko asiialyo paka hentiñ naniiñ piigorago tiirḛ giisu dojalo. Khiibe miyu ko matiirḛ asiialyo mika hentiñnanii piigorago giido hiila hensu dokoda, ngiiko abuyapa giido:

MAK KA AYAPUYU 13:14

Hojalo nunu niida biisokacho jirara kapa talyi niihona dokiñ matiinii (puri rinii atañ siimi tala nyato), ho hutiina Judia ho dunii putoo hahoho hagii nyakiñdo.