LUK KA AYAPUYU 8:14 - NITI GONTU N.T. (BSI)

¹⁴ Ho tareapya hoka chohi do luniiñsi, hiika atañke hutiina tadonii, hojalo mohluka lembo hoka ilyi kuho hena ho mingo ho sango ka hempyo hii lara biidu, ho mohluka ahee hii sanbyañ lama.

LUK KA AYAPUYU 8:14 ပူးပေါင်းရင်းမြစ်များ

1 TIMOTI 6:17

Siika dohadolo soka mingo pakoda, luto mohlumi hentii siiyo hiila, malo mohluka hentiñ lasamanii ka mingo mi hentiñ nayo hojalo Pinii miya huna kapane drihmi ngunumi bitiinii hempyo biike nendupa.

MAK KA AYAPUYU 4:19

hojalo supuñ mika hena, ho mingo hembyo, ho yoheya drih atañ mika hembyo, hii ahla ho aguñmi dotiñ biido, ho hii hang ahee higiima.

METHU 13:22

Ho tareapya hoka lilonii hiilake; mohlu hiika aguñ mika taniibo, hojalo supuñ mika hena, ho mingo hembyo, ho yoheya drih pachi mika hembyo hii ahla ho aguñmi lara biikoda, ho hii hang ahee higiima.

LUK KA AYAPUYU 21:34

“Hojalo nunu attoh pa henditolya, hiila makoda nunuka ahha atañ hame rikiñ doke diigo la tango ho siika sango mika henaho, ho hiika allo hii nunuko aluñpada ke ahkiñ donii;

LUK KA AYAPUYU 8:7

Ho tange tareapya ho chohatii; ho tare atañ sanchatii ho hiika hiimi halotii.

2 TIMOTI 4:10

Niimpalukoda Demas, siika siilobiilyo ka dohadolo mi hembyola, ngiimi apatela ho Tesolonika ho inne; Kresen Gelesia ho inne, Taitas Dalmatia ho.

JON KA AYAPUYU 15:6

Miyu matiirḛ ngiiko giige makoda, mohmi halloh mika pachañ ho papadu ho sendu; ho halloh atañmi tukuñ lala, yamu ho gopa liidu ho hompa du.

LUK KA AYAPUYU 16:13

Miira kone tiirḛ attoh anye mi miiho lakiñma; niimpalukoda mo kone mi kahu kendo ho kone mi henkiñdo, malo kone mi hensañ lyakiñdo ho konemi hema lyakiñdo. Nunu Pinii la tiicko nyimi miiho lakiñ make.”

LUK KA AYAPUYU 8:13

Ho yalañ hoka chohanii atañ hiika atañke, mohlu aguñ mika tapa lyiho, hempyo biidola tage nyadu; hojalo hii liima giima, mohlu ichuche henje henka lala ho tenkalarka ahlyiho giihi dadu.

LUK KA AYAPUYU 8:15

Ho hiika aya kiiddi hoka chohinii atañ pakoda, hiika atañke, aguñmi tala lala, hiimi aya lodapa ho ahha aya ho tage giidu, ho pigii biidola ahee hiliñ giidu.

HIBRU 6:1

Hopa kiije ngunu chimpyo paka Kristo ka tonsḛrniimi atii lyartii kula ho hengḛr dalyi ya hata chasa, hiira miisamanii miigo hokii henkur niika liidi mi rammapa ho Pinii kii dalyi ka henje miya rasa,