LUK KA AYAPUYU 8:13 - NITI GONTU N.T. (BSI)

¹³ Ho yalañ hoka chohanii atañ hiika atañke, mohlu aguñ mika tapa lyiho, hempyo biidola tage nyadu; hojalo hii liima giima, mohlu ichuche henje henka lala ho tenkalarka ahlyiho giihi dadu.

LUK KA AYAPUYU 8:13 ပူးပေါင်းရင်းမြစ်များ

JON KA AYAPUYU 5:35

Mo tila dotii, ho byonii muru ke, ho nunu talii nyado ichuche hempyo dupa mohka hutoh ho.

JUD KA SIITI KENIIÑ 1:12

Siika atañsi diigolugo giinii nunuka hensunii diigodiikoho, niihtañpa mohlu haroloda diigiitangii tola haggosonyada tongepa, atoh atohmi kasu biidola; miidohumanii jomii atañ, allyi loka heduñ biikonii; ahee hidu hoka himanii sannii atañ, ronye niipaka shiiti nii, bupalinko kunii;

2 PITAR 2:22

Si mohluko hoka lyiniiñsi jije nitiñhormi hoka luniiñ chulido, akie hii atohka banii mi diiku siiduku, ho alyeemi ahu harsu jalo jebiho rabḛr raku hadu.

2 PITAR 2:20

Niimpalukoda matiirḛ, mohlu dohadolo mika miibḛrnii hokii hargii kula la ngunu Attoh ho lyangurbo Jisu Kristo mika chiniiñlo, mohlu hiira mohluko hatu kodo koda ho miimiñkodo koda, kamikalo ada ayamaya kendo kapyo hokiimi hentola.

HIBRU 10:39

Hojalo ngunu hiika atañ make huna inkuñ nyado kunii ho pyadu loko tiinii, hojalo hiika atañke huko hona henje giidonii ho mohluka yallo mi atii biinya donii.

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

JEMS 2:26

Niimpalukoda apo hii yajiyallo giima koda shiido, hiichulipa henje hiitiirḛ miigo miima koda shiinii sii.

1 TIMOTI 1:19

henjemi giitola ho aya henjumi hembiidola. Henjumi khiipa du hiila, miyu tonge mohluka henjeka yasiejaji mi tatu dopa miibiisiida,

1 TESOLONIA 3:5

Niimpalukoda siika piigopa, siimi ngiika pigii laku malyiho, ngo kiiniñto nunuka henjemi chindupa hiila, niimpalukoda biisola tenkalarkabo nunumi tenkatama siiyuha hiila ho ngunuka miigo miiniiñ danyo pa impa tama siiyuha hiila.

KOLOSIA 2:7

bugela ho mohko sancha to ho henje ho sanchato, niihtañpa nunumi tonsḛrtii, abuje payapacho lubiidola.

GELESIA 3:4

Nunu hiimkane abuje drih mi piigo ama pa henka tiikunii? hii matiirḛ jiji hiila koda piigo ama.

GELESIA 3:1

O piicha Gelesia daka miyuatañ! Huna nunumi ashu miilii tiinii? nunuka amee kadopa Jisu Kristo mi miilañrumi kakiñla leda biine.?

1 KORINTIA 15:2

niilona nunu lyangur kotiinii, nunu matiirḛ siimi biikañ dokoda, hiila makoda nunuka henjenii piigo ama.

JON KA AYAPUYU 15:6

Miyu matiirḛ ngiiko giige makoda, mohmi halloh mika pachañ ho papadu ho sendu; ho halloh atañmi tukuñ lala, yamu ho gopa liidu ho hompa du.

JON KA AYAPUYU 15:2

Halloh buhe abi ngiiko hoka giinii ahee hima koda, mo papa du, ho halloh buhe abi ahee hiniiñ mi mo miini du, niimpalukoda hiimi ahee abu yapa hike nendupa.

KOLOSIA 1:23

nunumi henjeho dakañ kiine dupa, abyumapa bilo henju ho henkañdopa, ayapuyu ka hentiñ nii hokii hengu madopa nii mina nunu tapa tiinii, nii mina pukonii kone abimi tonsḛr khenyo tiinii dariiganda ka ura hoka daniimi, ho niihpana, ngo, Pol miihoniipa lyitiinii.

1 KORINTIA 13:2

Ho ngo matiirḛ nyibu hela naniiñ tamo giido jalo, ho hikha mi-chima niimika chiniiñ la hikha chila naniiñ giido jalo, ho ngiiko matiirḛ hikha henje giido jalo, putoo mika jopa naniiñpa, hojalo hensu giima koda, Ngo hangma.

MAK KA AYAPUYU 6:20

niimpalukoda Herod Jon mi biisotii, Jon denki ho darii miyu hiila chimbii tola, ho mohmi memma pa atiitii. Mohka piigo mi mo tapa lala, mo tadḛr biila mapa lyitii; hojalo mo hempyo biidola tatii.

1 JON 2:19

Mohlu ngunu kokii linne, hojalo mohlu ngunu kokiima; niimpalukoda mohlu matiirḛ ngunu kokii tiikoda, mohlu ngunuka agiñho dakañ patiido; hojalo mohlu impa neku, hiikohopa si kadḛrdo mohlu hikharu ngunu kokiimake.

LUK KA AYAPUYU 8:12

Siiliñ hoka chohido luniiñsi hutiina tapa nyatiinii; hiikahiibaho igii ahla ho mohluka ahha hoka aguñ giiniiñmi lara biitii, mohlumi henje madopa ho lyangur komadopa.

LUK KA AYAPUYU 8:14

Ho tareapya hoka chohi do luniiñsi, hiika atañke hutiina tadonii, hojalo mohluka lembo hoka ilyi kuho hena ho mingo ho sango ka hempyo hii lara biidu, ho mohluka ahee hii sanbyañ lama.