LUK KA AYAPUYU 8:12 - NITI GONTU N.T. (BSI)

¹² Siiliñ hoka chohido luniiñsi hutiina tapa nyatiinii; hiikahiibaho igii ahla ho mohluka ahha hoka aguñ giiniiñmi lara biitii, mohlumi henje madopa ho lyangur komadopa.

LUK KA AYAPUYU 8:12 ပူးပေါင်းရင်းမြစ်များ

MIHUKAKIÑNIIÑ 12:9

Ho hempḛr kahe tabu mi ripa limbiido, hiika ayuhoka tabu mi, humina Igii ho Saitan hiila myantiinii, hikha dohadolo mika talubalobo-mohmi kiiddiapiñ ho jopa lobiido, ho mohka miidopopi atañ miilañmi mohka agiñho jopa lobiido.

MAK KA AYAPUYU 4:15

Ho siika atañ sinya lembo hoka lilo niiñ, nohna aguñmi lilo tiinii; mohlu tapa dalyi, saitan ohepada ahla ho aguñmi lara biidado mohluko hoka lilo niimi.

METHU 13:19

Hujalopa raddeganda ka aguñmi tapa lala ho hiimi tachiñ tama, hiimi igii ahla ho ahha hoka lilo niimi lara biikiñdo; siika sike siiliñ hoka lilonii hii.

LUK KA AYAPUYU 8:5

Lilonii kone kormo lilo tapa intii; ho mo lilo kiile, tange siiliñ ho chohitii, ho alih nyorpi biido, ho yapuñ hoka piita atañ pado biido hiimi.

METHU 13:4

Ho mo lilo kiile, kormo tange siiliñ ho chohitii, ho piita atañ gohatii ho hiimi padotii.

LUK KA AYAPUYU 8:11

Siisi siika lutiñnaniiñ si hiilake: Kormo si Pinii aguñke.

LUK KA AYAPUYU 8:13

Ho yalañ hoka chohanii atañ hiika atañke, mohlu aguñ mika tapa lyiho, hempyo biidola tage nyadu; hojalo hii liima giima, mohlu ichuche henje henka lala ho tenkalarka ahlyiho giihi dadu.