LUK KA AYAPUYU 6:23 - NITI GONTU N.T. (BSI)

²³ Hiika allo ho hempyo tolya, ho hempyola podu tolya, niimpalukoda kato, niipaka ajunii dariiganda ho kaye kendo; hiichulipa mohluka aba atañ nyibuhenii atañmi miitii.

LUK KA AYAPUYU 6:23 ပူးပေါင်းရင်းမြစ်များ

MIHUKAKIÑNIIÑ 21:7

Mo huna pamiñdonii siika pensi konii si dokiñdo, ho ngo mohka Pinii pa lyichi ho mo ngiika oho pa lyikiñdo.

MIHUKAKIÑNIIÑ 3:12

Hii huna pamiñtiinii, Ngo mohmi ngiika Pinii ka piniiude ka siirañpa miichi; pema mo hiiko hokii agoho linkiñma, ho ngo mohko ngiika Pinii ka armyañ mi kechi, ho ngiika Pinii ka citi ka armyañ mi, niti Jerusalem niihna ngiika Pinii kokii todonii dariiganda hokii, ho ngiika atohka niti armyañ mi.

MIHUKAKIÑNIIÑ 3:5

Hii huna pamiñdonii giikiñdo sichuli puloo pulye atañmi, ho ngo nyupa tama mohka armyañ mi sango ka kheta hokii; Ngo mohka armyañ mi Aba la mohka miidopopi atañka hata ho khako talyi.

MIINIIÑ 5:41

Ho mohlu bulyañ kokii intiiku, hempyo biidola mohlumi khiitii hiila niimpalukoda khiimanii armyañ pa heru hembi dopa.

METHU 5:12

Soto ho hempyo to, niimpalukoda niika ahmiñayiñ hii kayeke dariiganda ho, niimpalukoda si chulipa miyuatañ nunumika kapyo yapaka nyibuhenii atañ mitrḛ miihimiiretii.

MIHUKAKIÑNIIÑ 2:26

Hii huna pamiñdonii ho huna biidonii ngiika miigomi kamikalo lohepa, ngo mohmi harchichike mi bichi ganda atañmi sangii ladopa,

MIHUKAKIÑNIIÑ 2:17

Hii hukiina yaroo giidonii, mohmi take nento niihna Yajiyallo ludonii gyoliñkonii atañmi. Hiika atañmi hutiina pamiñdonii ngo bichi manna tonge achuñ tola doniimi, ho ngo mohmi puloo yalañ mi bichi, niti armyañ ka agiñho hiika yalañho ketola nii mina kone hetrḛ chimanii hii kontiisii huna hiimi lariidonii.’

MIHUKAKIÑNIIÑ 2:7

Hii hukiina yaroo giidonii, mohmi take nento niihna Yajiyallo gyoliñkonii atañmi ludonii. Huna pamiñdonii hiimi ngo diike nenchi sango ka sannii hokii, niihna Pinii ka Diilyañdiiloganda ho dunii.’

1 PITAR 4:13

Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

JEMS 1:2

Hempyo paya khiitolya hikha rumi, ngiika anubarmii atañ, niida nunumi ponsa ponsa tenka talyi,

MIINIIÑ 3:8

Ho gurila mo datii ho intii ho mo anye agiñho piniiude ho ahbo montii, imbiidola ho pobiidola ho Pinii mi assañtii.

HIBRU 11:26

Mo Kristo paka heru hembi niimi uro mingotamo yapa hentii Egip hoka alḛrdrih doniimi hentola, niimpalukoda mo ajju kosa niimi katii.

HIBRU 11:6

Ho henje giimapa mohmi hempyo miipa lakiñma. Niimpalukoda hujalo Pinii ka aruñho ahchi henje kendo loda mo du hiila ho mo ajudu hiika atañmi huna mohmi medonii.

2 TIMOTI 2:12

ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

KOLOSIA 1:24

Siisi ngo hempyodo ngiika nunukiipa ka heru biniiñpa, ho ngiika asiialyoho ngo miipe tiiku niihna miipe mapa donenii Kristo ka achih chibi niiho mohka apo kiipa, hiikahii, gyoliñkonii atañ,

2 KORINTIA 12:10

Niimpalukoda Kristo kiipa, hokoda, ngo hembyañ biichi ajju hotiirḛ, hiinyañmiipanii, henkhiimilyiñ, miihimiire, ho hachesiire hotiirḛ; ngiika ajju lyiho, ho ngo alḛrdu.

ROM MIKA POL KA SIITI KENIIÑ 5:3

Hiimitiirḛ abuyapa, ngunu hempyodu ngunuka heruhenkoho, chimbiitola heruheniiñ hii pigiilaniiñ mi lingiidu,

MIINIIÑ 14:10

lutii goropa, “Gurito denki niika alih lo.” Ho mo tusḛr lala ho intii.

LUK KA AYAPUYU 6:35

Hojalo nunumika ahha baniimi hentolya, ho aya miibito, ho narto, hang lakutalyi ku hiila helyayo; ho nunupaka ajunii ano kaye kendoke, ho nunu kayejaka oho pa lyikiñ doke; niimpalukoda mo helakala duke henchiñ manii mila ho henchi hehi henii bomi.

LUK KA AYAPUYU 1:44

Niimpalukoda kato, niika ayasiido lo luniiñ mi ngiika yaroo ho tapa dakele, ngiika erre daka wiinga hempyola abyu rine.

LUK KA AYAPUYU 1:41

Ho Elizabeth Mary ka luniiñmi tapa hangkele, mohka erre daka wiinga abyu ritii; ho Elizabeth ko Darii Yajiyallo ahtii