LUK KA AYAPUYU 3:22 - NITI GONTU N.T. (BSI)

²² ho Darii Yajiyallo mohko apopa totii, pakoo chulipa, ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”

LUK KA AYAPUYU 3:22 ပူးပေါင်းရင်းမြစ်များ

JON KA AYAPUYU 1:32

Ho Jon haki pa lyibitii, “Ngo Yajiyallo mi yapuñ hokii pakoo chuli todo pa kapato, ho hiikahii mohko duhane.

METHU 17:5

Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho ke, humina ngo ano hempyo biidunii; mo luniiñ tatolya.”

MIINIIÑ 10:38

niihtañpa Pinii Nazaret daka Jisu mi arrḛyartiiku Darii Yajiyallo agiñho ho harchichikelo; niihtañpa mo aya miigo miijola ho miipya la miilañrumi hutiina hensḛrkadu la igii ko dotiinii, niimpalukoda Pinii mo agiñho dabo montii.

METHU 3:17

ho kato, aguñ gonge yapuñ hokii luliñdo, lubiidola, “Siikasi ngiika heniiñja oho, humina ngo ano hempyo biidunii.”

1 PITAR 2:4

Mohko ahto, hiika turnii yalañ ho, miyu ka khiipa kuniiñ hojalo Pinii ka kata hoka kahenii ho khiiniiñ;

METHU 12:18

“Kato, ngiika miira humina ngo kahe tiinii, ngiika heniiñja humina ngiika yallo hempyo biidonii. Ngo ngiika Yajiyallo mi mohko atiitalyi, ho mo jijemi gyuko kendo Midomiyu punkoho.

KOLOSIA 1:13

Mo ngunumi tupya tiiku kamo ka hamiñbiiniiñ hokii ho nengu tiiku ngunumi mohka heniiñja Oho ka raddeganda ho,

LUK KA AYAPUYU 4:21

Ho mo luritii mohlumi, “Siilo siika piniipota hii lyipe lyike nunuka tadopa.”

METHU 27:43

Mo Pinii mi henjeda; Pinii mi mohmi siisi tupya kiineto, mo matiirḛ mohmi anna dokoda; niimpalukoda mo lutii, Ngo Pinii ka Oho ke.

METHU 3:13

Ho Jisu Galili hokii Jon ko ahtii Jordan ho, mohlo baptisma biko dupa.

METHU 3:16

Ho Jisu baptisma laku lala, mo ohepada yasie hokii chatiiku, ho kato, yapuñ hii betchetii ho mo Pinii ka Yajiyallo mi pakoo chulipa gohi dopa kappatii, ho mohmi yamu chulipa byokhe tii;

MAK KA AYAPUYU 1:9

Hiika myodu ho Jisu Galili ka Nazaret ganda hokii ahtii, ho Jordan ho Jon lo baptisma bikotii.

MAK KA AYAPUYU 1:11

Ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”

MAK KA AYAPUYU 9:7

Ho mohlumi jomii harpu habiitii, ho jomii hokii aguñgonge luliñtii, “Si ngiika heniiñja Oho ke; mo luniiñ tato.”

LUK KA AYAPUYU 2:14

“Pinii mi uro japa assañto, ho kiiddiapiñ so Chimie hii miyu ko dokiñ doke humina mo hempyo biidunii!”

JON KA AYAPUYU 5:37

Ho Aba huna ngiimi kiiniñ tiinii mo loda ngiimi haki bitii. Mohka aguñmi nunu ronge hetḛr tapa make, mo niihtañ hiimi nunu ronge hetḛr kappa make;

JON KA AYAPUYU 12:28

Aba, niika armyañ mi assañ diilañto. Ho dariiganda hokii aguñ gonge luliñtii, “Ngo hiimi assañdiilañ tiikuke, ho hiira ngo hiimi assañdiilañ talyi.”