LUK KA AYAPUYU 22:53 - NITI GONTU N.T. (BSI)

⁵³ Ngiika nunu agiñho allo karmyañmi piniiude ho daho, nunu ngiimi alah hetḛr tenka ma. Hojalo siikasi nunuka mudu myodu ke, ho kamo ka harchichike lo.

LUK KA AYAPUYU 22:53 ပူးပေါင်းရင်းမြစ်များ

IPISIA 6:12

Niimpalukoda ngunu asiialyo la ai nyimi cherii make, hojalo igii atañ mike, tamo atañmike, siika siilobiilyo ka dohadolo mika sangiinii atañ mike cherii dunii, diimmah yajiyallo ka atoh atañmi dariiganda ka lengo hoka dunii atañmi.

JON KA AYAPUYU 12:27

Siisi ngiika yallo si ahiaredo. Ho niihiila pe ngo luchinii? Aba, ngiimi siika myodu sokii lyangur pe? Ma, siika piigopa ngo siika myodu so ahdu.

KOLOSIA 1:13

Mo ngunumi tupya tiiku kamo ka hamiñbiiniiñ hokii ho nengu tiiku ngunumi mohka heniiñja Oho ka raddeganda ho,

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

JON KA AYAPUYU 7:45

Sabii atañ inkur tiiku nyibu burii atañ la Parisi atañ ko, mohlumi hiila lutii, “Niimpa nunu mohmi ahgiima?”

JON KA AYAPUYU 14:30

Ngo nunumi ano lurii lukañ takuñ make, niimpalukoda siika dohadolo mika sangiinii ahla do. Mo ngiimi harchichike giimiñ lakiñ make;

JON KA AYAPUYU 7:30

Hopa mohlu mohmi ladupa metii; hojalo kone hetḛr mohmi alah tenga lamatii, niimpalukoda mohka myodu ahma tiirañ.

METHU 21:23

Ho mo piniiude ura ho ahkele, nyibu burii atañ la amiabañ atañ mohko ahtii mohka tonsḛr laka doho, ho lutii, “Nii otority la no siika atañ siimi miidu, ho hu niimi siika otority mi miidopa bitii?”

LUK KA AYAPUYU 22:52

Ho Jisu lutii nyibu burii atañ la ho piniiude hoka sabii atañ ho amiabañ atañmi, hutiina mohmi chekho la ahtiinii, Nunu diipyo niimi ka lachañ ho latu pa ahdunii, ilyo adi biitola ho sipahi ingiila?

LUK KA AYAPUYU 22:54

Ho mohlu mohmi latutii ho mohmi sebiitii, mohmi bukuñ nyibu ka ude ho selii biitii. Pitar adhopa injo montii

JON KA AYAPUYU 13:30

Hopa, yatañ petu mi lala la, mo nyibya loda agoho lintii; ho hiikahii ayoh tii.