LUK KA AYAPUYU 22:52 - NITI GONTU N.T. (BSI)

⁵² Ho Jisu lutii nyibu burii atañ la ho piniiude hoka sabii atañ ho amiabañ atañmi, hutiina mohmi chekho la ahtiinii, Nunu diipyo niimi ka lachañ ho latu pa ahdunii, ilyo adi biitola ho sipahi ingiila?

LUK KA AYAPUYU 22:52 ပူးပေါင်းရင်းမြစ်များ

LUK KA AYAPUYU 22:4

mo intiiku ho nyibu burii la sabii atañ agiñho lusu lumyo siitii niihtañ pape mo mohmi mohluko ho talubalo talyinii hiila.

MIINIIÑ 5:26

Ho kepten ka agiñho sabii atañ intii ho mohlumi selii biitii, hojalo payagayamapa, niimpalukoda mohlu biisotii miyuatañ yalañ kulyi do hiila.

JON KA AYAPUYU 17:12

Ngiika mohluka agiñ hoka daho, ngo mohlumi niika armyañ pa atiito, humina no ngiimi bitiinii; ngo mohlumi dagur biito, ho kone hetrḛ lyuma hojalo lyusa boka oho kontii, piniipota mi lyipe kiine dupa.

METHU 26:55

Hiika myodu ho Jisu miyu atañmi lutii, “Nunu diipyo niimika miichañho miipa ahdunii, ilyo la gyambo pana naniimi biitola ngiimi latupa ahdunii? Allo loliñ karmyañmi ngo piniiude ho dula tonsḛrto, ho nunu ngiimi latuma.

METHU 26:47

Mohka lula dorañpa, Judas ahtii, alyañlenye hokii kone, ho mohka agiñho hempḛr miyu taropa ilyo ho gyambo pana nanii biitola, nyibu burii atañ la miyu atañka amiabañ atañ kokii.

LUK KA AYAPUYU 22:37

Niimpalukoda ngo lukoso nunumi siika piniiaguñsi ngiiko lyipe kendo lodake, ‘Ho mohmi talemiilenii atañ agiñho khiita monkiñdo’; niimpalukoda nii hiila ketola do ngiika piigo mi hiika hiimi lyipe kiinekendo.”

LUK KA AYAPUYU 22:51

Hojalo Jisu lutii, “Hiika hiiba ho miiba kuyo!” Ho mo mohka yaroo ho tenga biidola ho mohmi miipya bitii.

LUK KA AYAPUYU 22:53

Ngiika nunu agiñho allo karmyañmi piniiude ho daho, nunu ngiimi alah hetḛr tenka ma. Hojalo siikasi nunuka mudu myodu ke, ho kamo ka harchichike lo.