LUK KA AYAPUYU 19:5 - NITI GONTU N.T. (BSI)

⁵ Ho Jisu lengo ho ahchi biila, mo kadu chatii ho mohmi lutii, Zakayas, nyibya miito ho totoku; niimpalukoda ngo niika ude ho siilo duchike.

LUK KA AYAPUYU 19:5 ပူးပေါင်းရင်းမြစ်များ

MIHUKAKIÑNIIÑ 3:20

Kato, ngo alyeh ho dake ho padiñdu; hu kone jalo matiirḛ ngiika gyoniiñ mi tapa talyi ho alyeh mi miiko talyi, ngo mohko ahchi ho mo agiñho diibo talyi, mo ngiika agiñho.

JON KA AYAPUYU 14:23

Jisu mohmi lusitii, Miyu matiirḛ ngiimi hendo koda, mo ngiika aguñmi atii biikiñdo, ho ngiika Aba mohmi henkiñdo, ho ngunu mohko ahkiñdo ho ngunuka ude mi mohko penkiñdo.

HIBRU 13:2

Nyibo mika hapumibya sanii mi byalya yo, niimpalukoda tonge hiila miibii dola miidopopi miilañmi chimapa miihoke.

JON KA AYAPUYU 1:48

Natanel mohmi lutii, “Niihtañ pa no ngiimi kala du?” Jisu mohmi lusitii, “Philip ka niimi gyoma rampa, niika taro sannii aruñhoka daho ho, Ngo niimi kapato.”

IPISIA 3:17

ho hiika Kristo nunuka ahha ura ho dukiñcho nunuka henje kiilo; niimpalukoda nunumi, liima tugela ho hensuniiho sampola dokenendupa,

LUK KA AYAPUYU 19:10

Niimpalukoda miyu ka Oho hii ahtii lyunii mi medupa ho lyangur dupa.”

2 KORINTIA 6:1

Mohka agiñho tongepa miihiñsa, ho, ngunu nunumi lubii lyike Pinii ka aroh-aya mi danyo pa impa kiine lyayo.

LUK KA AYAPUYU 19:2

Ho hiiko miyu kone dutii Zakayas hiila; mo biijokajo myanii pyollojapa dutii, ho mingo tiita.

LUK KA AYAPUYU 19:4

Hopa mo hapyola ho sycamore sannii ho sonchatii mohmi kadupa, niimpalukoda mo hiika lembopa impo biikiñtii.

LUK KA AYAPUYU 19:6

Hopa mo nyibya miitii ho akañ ho totiiku, ho mohmi hempyo biidola kariitii.