LUK KA AYAPUYU 11:34 - NITI GONTU N.T. (BSI)

³⁴ Nunuka amee hii nunuka apo ka muru ke; nunuka amee matiirḛ darii dokoda, nunuka hikha apo ho hutoh poteje giikiñdo hojalo hii kacho dokoda, nunuka apo ho poteje kamo giikiñdo.

LUK KA AYAPUYU 11:34 ပူးပေါင်းရင်းမြစ်များ

MIINIIÑ 26:18

mohluka amee mi miiko kiine dupa, niimpalukoda mohlumi kamo hokii hutoh dalyiho mobokiine dupa ho Saitan ka harchichike hokii Pinii ko, niimpalukoda mohlumi ingyamiigyanii hokii hello koke nendupa ho hiika atañka agiñho atii dupa hutii mina ngiiko darii miitii kunii.’

KOLOSIA 3:22

Miira atañ, kapanemi luniiñ tanyato huna nunuka kiiddiapiñ ka attoh nyanii, amee kataho kontii mapa, miyu mika hempyo miipa dupa hiila mapa, hojalo ahha puhepa hembiidola, Attoh mi biiso biidola.

2 KORINTIA 11:3

Hojalo ngo biisodo niihtañpa tabu Eve mi talubalo mohka piibilo, nunuka henju tiirḛ nunumi ngogii tama suyuha hiila siika denki ho darii Kristo mika heriinii kiiso hokii.

2 KORINTIA 4:4

Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

IPISIA 1:17

ngunuka Atoh Jisu Kristo ka Pinii, tatukatu ka Aba, nunumi chilaniika Yajiyallo bikiñcho ho mohka chiniiñmi kakiñ kencho,

MAK KA AYAPUYU 4:12

niimpalukoda mohlumi kasu jalo kachiñ madopa, ho tasu jalo tachiñ madopa; mohlumi hiira henkur hado kupa, ho hello kodopa.”

2 KORINTIA 1:12

Ngunu ka hentii hii sike, ngunu henju ka pyakonii hiilake niihtañ pana ngunu dohadolo ho datiinii, ho abuyaya nunuka hataho, darii ho pinii henju jaho, kiiddiapiñ ka chila lomapa hojalo Pinii ka aroh-aya lo.

MAK KA AYAPUYU 8:18

Amee gusudo hojalo nunu kappa nyama, ho yaroo giisudo nunu tapa nyama ha? Ho nunu henge giimapo?

MIINIIÑ 13:11

Ho siisi, kato, Attoh ka alah niiko ahkiñ doke, ho no micha kendo ho ichuche myodu hepa no danyi mi kapa lakiñ make.” Ohepada hapiñ la kamo nyi mohko suhi datii ho mo miyu atañmi metii mohmi alah sebiila ingii niipa.

IPISIA 6:5

Miira atañ, denkipa luniiñ tato nunuka kiiddiapiñ ka attoh atañka luniiñmi, biiso ho alye biidola, ahha puhe pa hembiidola, Kristo mika henchañho;

MIINIIÑ 2:46

Ho allo karmyañmi, tongepa piniiude ho ahtii ho mohluka ude ho yatañ mi petulala diitii, mohlu hempyo biidola ho kobya ahha giibii dola diigo diihiñ nyatii,

MAK KA AYAPUYU 7:22

chahi, demma, gollu, ayamapa miichi hiila henii, kariñ, nipasiiniiñ, hentii, piicha.

LUK KA AYAPUYU 11:35

Hiikohopa hendi nyato hiilamakoda nunukoka hutoh giiniihii kamo kendoke.